معلومات عن / مواعيد استلام الوثائق .. ومشاكل الأودس ( التسديد + الحذف والإضافة )

[أبو فاتن]

السلام عليكم ورحمة الله


اليوم جايب لكم أخبار من الجامعة وكني عبدالله السدحان يوم صار مراسل قناة طش إم طش .. بس بدون شيبات لأني مابعد تزوجت


المعلومات اللي جايبها الله يطول بأعماركم هي عن مواعيد إستلام وثائق طلاب الإنتساب + المشاكل اللي تواجه الطلاب في التسديد والحذف والإضافة وزوال الجداول بعد اعتمادها ومسببات عدم تنفيذها فـحبيت أنقل هالمعلومات للطلاب اللي خارج جدة والا اللي بجدة ماعليهم خلاف

أولاً :

موعد إستلام الوثائق وهالكلام للأخ القدير والقدير جداً السيد / أبو طالب

يقول أبو طالب وقوله نعم القول : إن موعد إستلام الوثائق لطلاب الإنتساب هي من اسبوع إلى ثلاثة أسابيع من ثبات المعدل وإعتماده
قلت له يعني بعد كم الله يرفع قدرك لأن فيه طلاب خارج جدة ويبون يعرفون موعد أكيد عشان مايجون ويروحون بدون فائدة
قال : الأضمن خلهم يجون بعد 20 / 8 / 1433 .. ( ملاحظة : هذا الكلام اللي حصل ونقلته لكم بالحرف فـ إذا صار شي وأختلف الموعد باكر لايجيني أحد وينشب بحلقي .. واللي مو عاجبه كلام أبو فاتن مو ملزوم ياخذ فيه )

ثانياً :

مشاكل التسديد وإضافة وحذف المواد وإختفاء الجداول بعد إعتمادها من قبل الطلاب عن طريق الأودس كان سببه خلل في النظام العام
فـ بعض الطلاب ماكان يقبل معاهم الإضافه وهم مسددين أو ينزلون جداولهم بالليل ويصبح عليها الصبح بح ماعاد يلقاها .. هذولا عليهم إقافات مالية
الإقافات المالية إذا كانت على الطالب راح يرسلونه على الأستاذ / محمد أمين في عمادة خدمة المجتمع لتفعيل السداد .. وغالباً ماراح تلاقونه فيتم تحويلكم إلى السيد / عبدالله المالكي في المكتب اللي جنبه
فـ إن تم له التفعيل خير وبركة واللي مايتم يراجع بنفسه يوم السبت القادم أو يوم الأحد يعني بداية من 3 / 8 / 1433




هذا وسلامتكم ياطويليين الأعمار

[توفيق الرفاعي]

سلمت اناملك
ابو فاتن
لا عدمناك
موفق خير

[شانزليزيه]

يعني لازم اطق تذكره من مطار الملك فهد بالدمام الى مطار الملك عبدالعزيز بجده واستاجر سياره و اروح للجامعه عشان يتم تفعيل السداد وارجع للمطار ارجع السياره وتذكره ثانيه للدمام

تخلف يا جمعتنا الموقره


شكرا يابو فاتن ورحم الله والديك

[عبدالله بن سليمان]

ياأخي والله مصيبة

فيه طلاب من الرياض ومن الشرقية

وجميع مناطق المملكة

أجل وش فائدة التقنية والتكنلوجيا

إذا بطق خط آلاف الكيلو مترات

الله يكون بعوننا ويصبرنا

شكراا أبو فاتن

[الزهراااااني]

رجع الحذف والاضافه

بالتوووووفيق

[أبو فاتن]

المشاركة الأصلية كتبت بواسطة توفيق الرفاعي سلمت اناملك ابو فاتن لا عدمناك موفق خير

الله يسلمك من كل شر أخوي توفيق لا خلا ولا عدم بارك الله فيك تمونون

[أبو فاتن]

المشاركة الأصلية كتبت بواسطة شانزليزيه يعني لازم اطق تذكره من مطار الملك فهد بالدمام الى مطار الملك عبدالعزيز بجده واستاجر سياره و اروح للجامعه عشان يتم تفعيل السداد وارجع للمطار ارجع السياره وتذكره ثانيه للدمام تخلف يا جمعتنا الموقره شكرا يابو فاتن ورحم الله والديك

إي والله اخوي شانز إني سألته نفس السؤال قلت يعني لازم يجي الطالب بنفسه إذا باقي هالإيقافات قال إيه .. وهالشي بذمته الله يبري ذمته



الله يعينكم ويسهل أمركم

[أبو فاتن]

المشاركة الأصلية كتبت بواسطة عبدالله بن سليمان ياأخي والله مصيبة فيه طلاب من الرياض ومن الشرقية وجميع مناطق المملكة أجل وش فائدة التقنية والتكنلوجيا إذا بطق خط آلاف الكيلو مترات الله يكون بعوننا ويصبرنا شكراا أبو فاتن

والله إني تعمدت أسأله عشان أريحكم من هالمعاناة ولكن الله المستعان هذا اللي حصل


الشكر لله أخوي عبدالله بارك الله فيك

[أبو فاتن]

المشاركة الأصلية كتبت بواسطة الزهراااااني رجع الحذف والاضافه بالتوووووفيق

شكلك تصحى الصباح ماتلقاه مثل باقي الشباب

[أبو فاتن]

ما أسرع ماتروح الصفحات عندكم بهالقسم مشاء الله تبارك الله .. شكل الشغل حامي عندكم ههههههههه




رفع بطريقة إحترافية