ماذا بعد التحويل من الجامعة ؟!

[نسرينة]

السلام عليكم
عندي سؤال وما أدري فين القسم المناسب لطرحه وعذرًا عن الإزعاج سلفًا أعزائي
أنا حولت من جامعة الملك عبدالعزيز لجامعة الملك خالد وقبلوني ونزل جدولي وصرت اداوم عندهم ، طيب والجامعة السابقة اسحب عليهم كذا عادي والا ايش الإجراء ؟

وعذرًا من مشرفي القسم على طرح السؤال هنا :)

[white rose]

وعليكم السلام ورحمة الله وبركاته

حياك الله اختي

والله يسعدك تنورينا باي قسم داخل سكاو خدمتك نصب اعياننا

دام حولتي لهم اخذتي ملفك اختي معك؟

لانو لازم تاخذين ملفك من عمادة القبول والتسجيل وشهاداتك [الثانوية واوراقك اللي قدمتيها لهم ] وتسلمين بطاقتك للجامعة وتسوين اخلاء طرف من الجامعة

بعدها تدوامين عادي في جامعة الملك خالد ويسوون لك معادلة للمواد اللي تجاوزتيها بجامعة الملك عبد العزيز وتنزل لك الخطة الجديدة

الله يوفقك وتكون دراستك سهلة ميسرة وتتخرجي باعلى الدرجات يارب :-)

[نسرينة]

جزاك الله خير أختي وايت روز على كرم ردك
أنا ما أخذت معي ملفي ، بس أخذت "ورقة طلب تحويل من جامعة الملك عبدالعزيز وصورة من السجل الاكاديمي " وقدمت لجامعة المللك خالد .
يعني يحتاج إني أساااافر لهم وأسوي إخلاء طرف ؟
طيب لو ما رحت لهم ايش يصير ؟

[white rose]

المشاركة الأصلية كتبت بواسطة نسرينة جزاك الله خير أختي وايت روز على كرم ردك أنا ما أخذت معي ملفي ، بس أخذت "ورقة طلب تحويل من جامعة الملك عبدالعزيز وصورة من السجل الاكاديمي " وقدمت لجامعة المللك خالد . يعني يحتاج إني أساااافر لهم وأسوي إخلاء طرف ؟ طيب لو ما رحت لهم ايش يصير ؟

واياك اختي انتي بعيوننا لا تقولي كذا

المفروض انك تاخذين ملفك من الجامعة نفسها للجامعة الجديدة

من فترة شفت بنات حولو من الامام سعود لعندنا وقالو لهم لازم ملفك اللي فيه شهاداتك ومنها الثانوية وحسن السيرة والسلوك والصور تجيبيه عشان على اساسه يعطوك رقم جامعي بجامعتنا

وتقدري ترسلين احد من طرفك لهم او تتواصلين معهم على رقم العمادة حقت الجامعة اللي عندنا وتكلميهم اذا يقدرو انهم يرسلون لك اوراقك على الدي اتش ال او تضطرين تروحين لهم هنا وسائل التواصل معهم:

http://admission.kau.edu.sa/Pages-%D...%B5%D9%84.aspx

اذا ما رحتي ممكن وقت التخرج جامعتك تطالبك تروحين لجدة تجيبين شهاداتك ووقتها ما تضمني ملفك يكون موجود ولا يفقد لا قدر الله وكمان كلمي الجامعة اللي انتي فيها اذا لازم تجيبي لهم ملفك ولا تكتفين بكشف الدرجات كدليل على انك طالبة جامعية وتجاوزتي الثانوية يمكن هما يتواصلون مع جامعتنا ويريحوك من المشوار لجدة

الله ينور لك بصيرتك وييسر لك كل خير :-)

[نسرينة]

جزاك الله خير أختي ونوّر دربك في الدنيا والآخرة
ممتنةٌ لكِ