قصة معاناتي

[layla layan]

السلام عليكم ورحمة الله وبركاته

حابة احكيكم قصتي وعندي سؤال ياليت تجاوبوني عليه

انا في هذي السنة انقبلت طب وكنت مبسوطة وماشي حالي
بس للاسف انو سارتلي ظروف صعبة واتطريت اني احول لقسم اسهل من الطب عشان مااضيع السنة عليا
بس داومت في الطب ابو اسبوعين ونص

وبعدو حولت لقسم التغذية
عالعموم الوضع مو عاجبني لانو انا كان حلمي الطب وحسيت اني استعجلت شوي
مع انو الظروف اللي سارتلي هية اللي جبرتني على كدة

انا ابغى ارجع للطب صراحتا
ابدا مني مبسوطة ومرتاحة ونفسيتي جدا تعبانة

ففكرت بفكرة اني السنة الجية ارجع احول طب

بس ياترى هل حيقبلوني؟؟

انا ححاول اشد حيلي وجيب معدل عالي في التغذية اكيد
بس خايفة انو يقولولي انتي اصلا كنتي طب وحولتي منو فمانقدر نرجعك
والله الموضوع مرة شاغلني

ياريت اللي عندو شي يقدر يفيدني فيه يقولي
او اللي عندو قصة تشبه قصتي
ياريت احد يفيدني

وشكرا ...

[د. هدّولا]

آمممم , أتوقع أنّ للطالب فرصتين للتحويل !
روحي مبنى الشؤون 4 .. وأسأليهم هم راح يفيدوكِ أكثر :)

ولاتنسي الإستخارة الإستخارة الإستخارة قبل كل شي ..

مووفقة ياقمر :)

[layla layan]

ان شاء الله حروح استفسر

شكرا ليكي

[Bothayna]

[align=center]حبيبي انا من بنات التغذية ..ماعندي شي يفيدك غير اني زيك ابغا احول طب ..

بس ابغا اعرف انتي دحين سنة تانية ؟
و ايش اسمك =][/align]

[as3d214]

انا حصلتلي قصة مشابهة لقصتك ..
على العموم الحل انك تروحي للمسؤولة عن شطر البناات اعتقد اسمها د دعد اكبر وتشرحيلها الوضع
واذا ما كاانت متفهمة ارسلي ابووكي ولا اخوكي للوكيل الطب للشئون الاساسية اسمو د عبدالمنعم الحياني
وهذا الدكتور جدا طيب وباذن الله راح يساعدك بكل شي وانا رحتلو وساعدني .. وقوليلنا ايش صار معااكي
و مجرد ملاحظه ترى بعض الاحياان الواحد تصير لو اشياء يكرها بس هيا الاحسن لو (عسى تكرهو شي و هو خير لكم )
والله يخترلي ويختاار الخير لجميع المسلمين