<<<ياناس جنني اختبار الحسابي>>>

ابو زياد الهذلي · #1 29-01-2009, 08:18 AM

ياناس جنني اختبـار الحسابـي ... من صغر سني هوبلاى وعقابي
انا اشهد انه سار همي وعذابي ... والعلم زين وكل مطرود ملحوق
*
جانا مراقب كن شكله شريطـي ... ازعج مسامعنا بخيطي وميطـي
وليا سالته قـال انتـه عبيطـي ... والعلم زين وكل مطرود ملحوق
*
وجتنا مسائل كلها في الكسوري ... منها غداعقلي وفكري يـدوري
ثم ابتلشنا في حلول الجـذوري ... والعلم زين وكل مطرود ملحوق
*
ياشيب عيني شوف صاد وسيني ... هي ضيعتني في اولات السنيني
واليوم عمري قرب الاربعينـي ... والعلم زين وكل مطرود ملحوق
*
يالجامعه ردوا عليـه قروشـي ... ولا تـرا باقـول للعـم بوشـي
يرسل عليكم من بلاده جيوشـي ... والعلم زين وكل مطرود ملحوق

__________________

دربـ وفا ـي · 29-01-2009, 08:21 AM

ههههههههههههههههه

صح لسانك

ازمه مع ذي الأختبارات

وبالتوفيق "

ابو زياد الهذلي · 29-01-2009, 08:48 AM

صباح الخير للجميع

Like Wend · 29-01-2009, 09:38 AM

صح لسانك

وفالك البيرق

شذو · 29-01-2009, 09:39 AM

ههههههههههههههههههههههههههه
صح لسانك
غريبه مع ان الاولاد يمدحون الرياضيات
بس ياليت الحين تكتب قصيده بالعربي
لاني حاسه اني بزفت فيه وابغى اتذكرها وانا اختبر
عشان ما اتنكد
بعدين ياخي انت وش لك بالدراسه
اشترك بشاعر المليون وخذ المليون
بدال هالثلاث الاف اللي طارت بالجامعه