اخوي the expert

[الفتى]

السلام عليكم ورحمة الله وبركاته


بقول لك اللي صار معي ..

اتصلت على المكتبة اللي بجدة "ابوعبدالله" صديق الملايين حبيب المنتسبين .. وارسل لي الكتب

من ظمن الكتب كتاب lane 424 اللي أنت ماقصرت واعطيتني ملف الأسئلة بموضوعي الأخير

جزاك الله خير يا راعي الأفعال البيضاء , بس ياخوك يوم انه جاني الكتاب وشفته تروعت

ذكرني بكتاب طبخ شريته لأهلي برمضان اللي فات , الكتاب كبير والكلام فيه كثير وصار لي الحين

اسبوعين وانا اقراء فيه احفظ شوي مادري الا انا ناسي اللي حفظته قبل ثلاث ايام !!

سؤالي .. المادة هذي كيف طريقة مذاكرتها ؟ لاحد يقولي احفظ الكتاب كامل مستحيل

تكفون يا جماعة اللي عنده طريقة سهله لا يبخل علينا , أخوكم مزنوووء

[اشطر واحد]

انا اختبرت السنه الماضيه عند الدكتور نقشبدي وكان الاختبار اختر الاجابه الصحيحة اتمنى لك التوفيق

[The Eagle]

الفتى

عند ابو عبدالله ملخص مكون من حوالي 20 ورقة شاملة لأهم النقاط في الموسوعة الاي عندك

وذاكرت منها ونجحت ولله الحمد

اخذت الكتاب صفحة صفحة وبالنهاية النقاط المهمة مذكورة بالملخص الاي ذكرته أنفا

الكتاب عندي للحين شكله يلوع الكبد شكل البلوكة
الطلاب الانجليز نفسهم ماعندهم ها الكتب إلا يكون معجم خارجي مطالبين فية

وماعمري شفت ها الكتب السمينة إلا مع المحامين وبلغتهم الأم سواء عرب أم انجليز

يعني يقدروا يفهمو بسرعة اما نحن ترجم وافهم واحفظ مو عيب الاقتباس من كتب مؤلفين كبار

لاكن خففوا حددوا صفحات حددوا المهم الزبدة يعني لان اذا تبي تحدد المهم في صفحة ما أو الخلاصة

لابد تفهم الصفحة وترجمها كاملة وبعدين تعرف الزبدة باي سطر

الله يعينك

دمت بود

النسر

[THE EXPERT]

حياك الله يالفتى

بالنسبه لكتاب الطبخ اللي تقول عنه والله اني ذاكرته وترجمته من الجلده للجلده حتى المحذوف ذاكرته

طبعا ماراح يمديك تذاكره خصوصا ان الأختبارات باقي عليها اقل من اسبوعين فلذلك انا بأقولك الطريقه الصح للمذاكره وبأقل وقت وتأكد بأذن الله درجتك ماراح تقل عن 90 ( لان الماده سهله )

تجد في المرفقات 3 ملفات اثنين منها باوربوينت وهذي من عمل الدكتور نقشبندي ورفعها للمنتدى أخونا طيوب وانا بدوري نقلتها لك بصراحه جدا جدا ممتازه وراح تساعدك كثير في الأختبار

وفيه ملخص من عمل أخونا بوليمر والكاتلوني وهو ( أهــم شيء تذاكره في الماده ) بشرط ماتلخبط بين اساليب التعليم في الأستماع والريدنق والرايتنق والمحادثه لان لكل وحده منهم خصائص معينه وهذا الوتر اللي يلعب عليه في الأختبار .

طيب نجي للشيء الثالث وهي مذكره من الباوربوينت من عمل الدكتور وهو عباره عن اسأله وفراغات وانت تحلها موجوده في مكتبه ناسي اسمها ( يقولوا والله أعلم أنها للدكتور نقشبندي) لو أحد الأخوان يتكرم ويقولك أسم المكتبه ... طبعا المذكره هذي خلها لليلة الأختبار لانك انت اللي تحلها وهي تنبهك عن مواضع الأسأله وتزيد تركيزك ...


طبعا الثلاث مذكرات هذي متطابقه لحد كبير في الجمل والكلمات والأسلوب . ( اقصد ماراح تتلخبط من ناحية انهم ملخصات لنفس الماده وأنصحك بقرائتهم جميعا وترك الكتاب لأن الوقت مايساعدك تذاكر من الكتاب ,,, وفي المرات القادمه أبدأ بالكتاب دائما اولا ثم أقرأ الملخصات حتى تعرف هذي الملخصات تتكلم عن ماذا )




دعــــــــــــواتك

[الفتى]

اخواني الأعزاء

أشطر واحد

the eagle

the expert


من حظي إن اللي ردو على استفساري افضل من في المنتدى ولاهو قصور بالباقين


بيض الله وجيهكم وماقصرتو


الله يسلمك ويوفقك اخوي the expert



الله يوفق الجميع يا رب ,,,

[بدر بن فهد]

اخوي الفتى

هذه الورقه الدكتور انور

وزعها على الطلاب الذين حظرو الدوره

بالتوفيق