شوفوا الطلاب الي مايسكتون عن حقهم .. قول و فعل

[المحزوون]

السلام عليكم ..

والله ان طلاب جامعة الملك خالد يستحقون الاحترام والتقدير لانهم ما يتجرعون تغطرس عضو هيئة التدريس ويسكتون بل بالعكس يقومون الجامعة ويقعدونها حتى لو مايطلعون بنتيجة .. اقل شي ينشفون ريقهم ويخلون الدكتور يعمل لهم 1000 حساب قبل اتخاذ اي اجراء بحقهم مستقبلا .

وعينات هالدكتور الي محتجين عليه عندنا بالهبل بس الفرق الي بينا وبينهم ان تذمرنا وتحسرنا لا يتجاوز ابواب المنتدى وان تهورنا ارسلنا واحد باصواتنا وحط ورقه من تحت باب رئيس القسم ونحاش.

ادخلوا الرابط وفتحوا عيونكم يا خريجين تراكم ماتباعدون وضعهم .

طلاب بـ"الملك خالد": عضو هيئة تدريس تسبب في رسوب نصفنا

يكفيهم فخر انهم نتفوا مدير الجامعة ..

اللهم انتقم من كل جبار عنيد ..

[المحزوون]

لا يجي واحد يقول انت تحرض وتدعوا للمشاكل ..

يا شباب الله عطانا عقل .. الحق واضح والباطل واضح ..

[عبدالله الAL-HARBIحربي]

اذا 48% نسبة الرسوب اتحدى اذا ماكان عدد الراسبين فوق 70% عند سيده

وابو 25 فقره الوزنه جايك على اوله

المحزون لافض فاك

فعلا دزها من تحت الباب ونحاش

تدري وش مشكلتنا انا لاجينا بنسوي شي كبرناها اكبر من مستواها وضعنا بالاقتراحات وبالاخير مافيه شي يذكر

[المسعودي الهذلي]

للأسف واقعنا حنظلي

وسيده والوزنه مفلين فينا .... حسبنا الله ونعم الوكيل

[رومنسي مصرقع]

مايجيبها الا اللي مايسكتون عن حقهم

لازم نسوي قائمة لأسماء الدكاتره والأساتذه اللي مجمعين الكل عليهم مثل ( سيده )

ونرسلها لهم ان استجابو والا تجمعنا عند باب العميد

[سايق الخير 666]

هم اثنين مافيه غيرهم وانحدينا عليهم الله يضيق عليهم زي مايضيقون على خلق الله ( سيده ) و ( الوزنه )

[ميرال عسيري]

صدقت والله مشكله كبيرة في جامعتنا وخصوصا الانتساب اذا الواحد يخسر اقل شي في الترم الواحد تقريبا 5000 ريال رسوم دراسية وطيران وشقق ومصاريف الاسبوعين واحسب على ذلك كل ترم ومشاكل عمل وفي الاخير سوء تنظيم في الاختبار وكل شوي بقاعه بالرغم انها محدده من قبل لنا وفوق ذلك ازعاج وسوء تنظيم في الوقت والتوزيع وفي الاخير يجي الاخوان سيده والوزنه وغيره بوضع اسئلة تعجيزيه تهد حيلك وتقهرك حتى تنسيك خسايرك لكن الله يعيين عليهم وبالعكس كلامك في محله هذا حق من حقوقنا بأن نختار الدكتور المناسب ولنا حق في توضيح كل شي حتى على مستوى الدورة التأهيليه نجد الغموض في اغلب الدكاترة وفوق ذلك اسئلة وتدقيق في كل شي


ليكن شعارنا معا مع المحــــــــــــــــــــــــــــــــــــــــــــــ ــــــــــــــــزون

[جامعة المؤسس]

طيب بالاخير صار الحق مع الدكتور مو مع الطلاااااااااااااب!!!! يعني شكواهم ولا شئ...

[أبو زياد 99]

نصيحة من اخ محب انت في شهر فضيل اتركوا الناس في حالهم

[عبدالعزيز هباش]

تعـوذوآ مـن ابليس الرجيـم ..~>

واليـآ ودكم تسوون شي فخلونـآ ندخل على عميد الجامعة وبس ..~>

مايصير الواحد منكم اذا صار يبي شي يروح لكلية الآداب ..> مـآينفع الا العميد العود ..~~>

وفي الحقيقه تروآ الاجتماعات والصجـه واللجـه مـآتجيـب فود ..>

بـس التنظيـم زيـن في كل شي ..> اجتماع مجموعة وآحدة ويتحدث عنهـآ شخـص وآحد يكفي ويوفـي ..~>

نسأل مشـرق الشمـس ومشمرخ الخمس أنـه يوفق كل مـن يقرأ هذا المـوضوع ...~>