من سكن السليمانيه لسكن الفيصليه

[(@_@)]

انا كنت بالسليمانيه تحضيري بس خصصوني حاسب بالفيصليه
ابغى اعرف ايش اجراءات السكن يعني لازم اروح اسوي اخلاء طرف من سكن السليمانيه ولا هم بيحولو ملفي على سكن الفيصليه
انا صراحه ما ابغى سكن الفيصليه عشان كذا دخلت سكن خااص
لازم اروح سكن الفيصليه اسوي اوراق ولالا ..في بنات نصحوني اني ما اسوي اخلاء طرف من سكن الفيصليه اسوي دوام خارجي لمده 3 شهور
وبالنسبه لبطاقتي كيف حدخل الجامعه
بطاقتي تحضيري حقت السكن

بلييييييييز ردو علي باقرب وقت

[amooonaa]

حبيبيتي الي اعرفو سكن الفيصليه ادارتو ماهي متواصله ابدا مع سكن السليمانيه اتوقع انك تعملي اخلاء طرف من السليمانيه واذا تبغي الفيصليه تقدمي علي من جديد تروحي السكن تعبي الاوراق وتشوفي طلباتهم


مع اني انصحك ماتقدمي في وخليكي عالخاص لأنو الاداره في شي لا يطاق ولا السكن يطاق وحتسيري منك طايقه نفسك واسألي مجرب

[(@_@)]

طيب أنا ما أبغى سكن الفيصليه يروح علي عشان ما اضمن ايش حيسير ينفع اسجل فيه السنه الجايه ولا لازم السنه هاذي اسجل فيه واسوي دوام خارجي مدتو طويله

[amooonaa]

المشاركة الأصلية كتبت بواسطة (@_@) طيب أنا ما أبغى سكن الفيصليه يروح علي عشان ما اضمن ايش حيسير ينفع اسجل فيه السنه الجايه ولا لازم السنه هاذي اسجل فيه واسوي دوام خارجي مدتو طويله

انا حقلك ايش سار معانا بالتفصيل وشوفي لأنو مافي اي نظام

ايام ماانقبلنا وسألنا على السكن في الجامعه قالو سكن الفرع روحو اسألو في كلية الفيصليه ولما رحنا ادونا عنوان خريطه رسمتها غلط وقالو سجلو اسمائكم هنا واذا انقبلتو نتصل عليكم واستنينا طول الاجازه مافي اي خبر رحنا على الجمعه الي قبل الدراسه الي كتبو اسمائهم والي ماكتبو موجودين كلهم دخلوهم بدون حتى تعبية اوراق وقالو كل وحده تشفلها غرفه فاضيه تدخل فيها ( مع العلم انو في غرف كتير ليها صحبات من التخصص بس لأنو ممنوع يقفلو الباب ويشيلو كل اغراضهم يعني كل سنه من غرفه لغرفه ) طبعا كان عدد بنات السكن كبير لدرجة في غرف فيها 3 بنات وفي غرف فيها 4 و5 ومافي سرر وعلى الارض بينامو



انا حكيتك دا كلو عشان تعرفي انو مافي طريقه معينه للتسجيل والله العالم حيغيروها السنه بعد مااشتكينا او لا افضلي وراهم ولا تاخدي منهم كلمه كدابيييييين وازا تبغي تراجعيهم روحي الكليه دحين وروحي الجمعه ليلة الدوام واقعدي على قلبهم بس روحي بعد الساعه 3 ولا تتأخري عن 8 لأنهم حيخلوكي عند الباب

[amooonaa]

نسيت اقلك ترا سكنا مافي نظام دوام خارجي بس اسألي لأنهم قالو حيغيرو النظام والله اعلم

[(@_@)]

مررررره شكرًا ......يعطيك العافيه

[amooonaa]

المشاركة الأصلية كتبت بواسطة (@_@) مررررره شكرًا ......يعطيك العافيه

إن شاء الله تكوني استفدتي على فكره لما تروحي الكليه اسألي عن الدكتوره دلال القيعاوي ولا تغلطي تقولي استاذه ماشي حتقابلك سكرتيرتها ممكن تفيدك لأنو انا من عندهم اخدت العنوان الغلط ولو تشوفي كيف حصلنا يمكن غيروها بس ازا ماعرفتي عنوان السكن انا احاول اشرحلك ويارب تفهمي

[(@_@)]

يسعدكي ربي مره فدتيني