▒▒ آخـــر تطورات طـــب الاسنان في اليابــــــان ▒▒

[مَـزٍآج ..}..]

المشاركة الأصلية كتبت بواسطة hadeel a شكرا على التوضيح يا عسل ..كلمه مرره نايس .. و لي بتتريقو على الأصلع حقنا والله أنا لمن كنت لسه بأدرس في التحضيري وأشوف صورتو مرره كنت أحس شكلو يحمس على الدراسه صح مو حلو زي الريبورت البنوته بس برضو مش بطال ..و متى راح نبدأ نتعامل معاه يعني في سنه كم ؟؟.

من سنه ثآلثه ورقم 26 حقـي لحد يقربوو

[الامل المنشود 2010]

وعليكم السلام ورحمة الله وبركاته،،،

بصراحة هذا الربوت رائع وهو مكمل لسلسة التطورات اليابانية

وهي نتاج رائع عن تعاون المجال الطبي مع المجال الهندسي للرقي في بلادهم،،،

شكرا د.ران ،،،،

وأعتقكم الله من النار في هذا الشهر الفضيل،،،،

Dr.Saad

[hadeel a]

المشاركة الأصلية كتبت بواسطة مَـزٍآج ..}.. من سنه ثآلثه ورقم 26 حقـي لحد يقربوو

شكرا على الجواب .

((يا أسنانيات نزلت فيديو في الموضوع حق تجمع دفعه 11 ياريت تدخلو تشوفو و أبغا أشوف أرائكم ))

[THE HILL]

يعني مثلا.. البشري ما ينفع يسموا نفسهم "بشريات" ! يعني ممكن يكونوا كائن غير بشري مثلا xp

ههههههههههههههههههههههههههههههههههه عجبتني

بس يجي مننا كبسولات

[?NUMBER]

موضوع رائع من شخص اروع.........اهنيك على الموضوع الجميل

بس ران ما تحسي انو الروبوت شوية تخوف ...... وبذات لمن تفتح فمها وترمش.....وفي الصورة التانية باينة انها شوية حولة.....امكن الحول رد فعل نتيجة للالم......الله اعلم

[~RAN~]

المشاركة الأصلية كتبت بواسطة hadeel a تسلمي يا قمر على الموضوع الحلو عجبتني كلمة أسنانين أول مره أسمعها . البنت شكلها مرره طبيعي أنا جلست أدور في الصور على الريبورت ولمن شفت الفيديو أكتشفت أن هيا الربورت .

يسلمك ربي
يب شفتي كيف سبحان الله كانها حقيقه
لا ومسوين منها بنت صغيره وحرمه كبيره
واكيد حيغترعوا منها اطفال واشكال كثيره
علشان تسهل زياده دراسه طب الاسنان

المشاركة الأصلية كتبت بواسطة ?number موضوع رائع من شخص اروع.........اهنيك على الموضوع الجميل يسلمو ياعسل والله ردك فرحني كثير بس ران ما تحسي انو الروبوت شوية تخوف ...... وبذات لمن تفتح فمها وترمش.....وفي الصورة التانية باينة انها شوية حولة.....امكن الحول رد فعل نتيجة للالم......الله اعلم

هههههههههههههههههههه لالا بالعكس ماتخوف وهم مسوينها كذا علشان كانك تعالجي انسان حقيقي
اما الحول واستنتاجك وربي فطسني ضحك الله يسعدك

[Dr~NanoOok]

روووووعة ^____^
ايوا كده الواحد يتعلم كويس ويستمتع ويعيش الجو

وبدال ما نقعد نجرب على بعضنا لما جينا نعطي ابرة التخدير لاول مره بسنة رابع !
وانواع الدراما والحوسة :p

حتى قلنا للدكاترة ليش ما يخترعوا لعبة فيها الاعصاب ومنبه عشان نعرف نضرب الابرة في المكان الصح بدل العزاب اللي بنعيشه دا "^^
قالوا هو بس مسألة وقت
واهو فعلا قدروا يعملوها

بس للاسف ما حيجبوها عندنا بالكلية غير بعديييين

السنة اللي فاتت حضرت مؤتمر AEEDC في دبي

اتعرفت على اشياء وتقنيات رااااائعة وجدا متقدمة.. وللاسف احنا لسه ما بندرسها وبقينا على الطريقة التقليدية !
فعلا قعدنا مبهورين.. ووقتها حبيييييييت طب الاسنان اكتر واكتر
فمجال الابداع فيه كبير جدا

كان هناك معرض مصاحب للمحاضرات
بيعرضوا فيه احدث الاجهزة والاختراعات بمجال طب الاسنان

شفنا ألة الحفر عن طريق الليزر.. وكيف ممكن ننحت على قشرة البيضة بدون ما تنكسر
كراسي للعيادة متطورة وكأنها مركبة فضائية بالتجهيزات المتكاملة اللي فيها

واشياء كثييير روعة

نصيحة لما تصيروا رابع او اكبر.. احرصوا انكم تحضروا المؤتمر
وهو اكبر مؤتمر اسنان في الشرق الاوسط والكثيير من الاجانب ودول اوروبا مشاركة فيها

~

معليش كترت كلام كالعادة "^^

مررررره شكرًا ران على الموضوع الحلووو
يعطيك الف عافية

[~RAN~]

المشاركة الأصلية كتبت بواسطة dr~nanoook روووووعة ^____^ ايوا كده الواحد يتعلم كويس ويستمتع ويعيش الجو وبدال ما نقعد نجرب على بعضنا لما جينا نعطي ابرة التخدير لاول مره بسنة رابع ! وانواع الدراما والحوسة :p ههههههههههه يؤ لا من جد نجلس نجرب على بعض اجل الله يعين الي بتطيح في يدي حتى قلنا للدكاترة ليش ما يخترعوا لعبة فيها الاعصاب ومنبه عشان نعرف نضرب الابرة في المكان الصح بدل العزاب اللي بنعيشه دا "^^ قالوا هو بس مسألة وقت واهو فعلا قدروا يعملوها بس للاسف ما حيجبوها عندنا بالكلية غير بعديييين لا ان شاء الله يجيبوها قريب بدال مانجلس نجرب ونخدر بعض السنة اللي فاتت حضرت مؤتمر aeedc في دبي اتعرفت على اشياء وتقنيات رااااائعة وجدا متقدمة.. وللاسف احنا لسه ما بندرسها وبقينا على الطريقة التقليدية ! فعلا قعدنا مبهورين.. ووقتها حبيييييييت طب الاسنان اكتر واكتر فمجال الابداع فيه كبير جدا كان هناك معرض مصاحب للمحاضرات بيعرضوا فيه احدث الاجهزة والاختراعات بمجال طب الاسنان شفنا ألة الحفر عن طريق الليزر.. وكيف ممكن ننحت على قشرة البيضة بدون ما تنكسر كراسي للعيادة متطورة وكأنها مركبة فضائية بالتجهيزات المتكاملة اللي فيها واشياء كثييير روعة نصيحة لما تصيروا رابع او اكبر.. احرصوا انكم تحضروا المؤتمر وهو اكبر مؤتمر اسنان في الشرق الاوسط والكثيير من الاجانب ودول اوروبا مشاركة فيها ~ ماشاءالله باين عليه مؤتمر مرره حلو وان شاء الله يتيسر لنا ونحضر مؤتمرات حلوه زي كذا يارب ~ معليش كترت كلام كالعادة "^^ لا وي والله ردودك تعجبني ماشاءالله واجلس اقرأها كلمه كلمه ربي يسعدك ^^ مررررره شكرًا ران على الموضوع الحلووو يعطيك الف عافية

العفو ياعسل
ويعافيك يارب

[amiwa]

هههههههههههههههههههههههههههههههههههههههههههههههههه ههههههههههههههههههههههههه
ههههههههههههههههههههههههههههههههههههههههههههههه لألألأ ماني قادرة ههههههههههههههههههه

خلاص لين هنا وبس لازم نطالب! ليش يعني احنا كمان مالنا نفس نشتغل على اشياء حلوة؟؟ ههههههههههههههههه
والله حقنا الاصلع مررررررة يفجّع هوة وفَكُّو اللي قد التمساح!

Number " وفي الصورة التانية باينة انها شوية حولة.....امكن الحول رد فعل نتيجة للالم"
ههههههههههههههههههههههههههه فطست ضحك عالاقل عندها عيون!

دحين دولا التماسيح حقوننا كل واحد له تمساحه الخاص؟
اذا ايوة انا راح ازبط حقي ان شاءالله =__= حخليه حلو , بركبلو عيون ورموش و احطللو باروكة اااه وحواجب نسيت

(صح فين الروبوت الــxy ؟؟)
xD xD xD
تسلمي والله مررررررررررررررررة حلو الموضوع يا ران يعطيكي العافية

[almr7r7]

هذي التقنية نزلت العام الماضي وسبق وقريت عنها
وإن شاء الله تجينا خلال العقدين القادمة (:

حبيت أضيف نقطة على سيرة حضور المؤتمرات أنصحكم بها صحيح المؤتمرات الخارجية
يبغالها قرشين

لكن على الأقل المؤتمرات اللي في السعودية والنشاطات الشهرية اللي تقوم بها جمعية أطباء الأسنان السعوديين

تحضروها منها معرفة ومنها شهادات للحضور تضاف لل c.v


بين قوسين ( أشتروا مفك مربع ومفك عادي بتحتاجونها في المعمل هذا خخخخخ)






وجمعة مباركة