اسئلة reading و writing مستوى 3

[لجين love]

السلام عليكم

اسفة على طلبي بس صارت عندي ظروف عائلية بحته وخلتني ماذاكر ولاسويت شيء

اليوم مريت المكاتب اللي قدام الجامعة وحاولت احصل ملخصات او اسئلة مالقيت

دورت بالمنتدى ومالقيت

انا مصممة ادخل الاختبار والتوفيق بيد الله رغم اني مافتحت الكتاب

اخواني واخواتي :

من لديه اسئلة تخص الترم الماضي لمواد اللغة الانجليزية لايحرمنا اياها الله لايحرمكم الجنـــة

[رغد محمد]

،’

وعليكم السلام ورحمة الله وبركاته ..~

مساء النور قمــــري ..~

ربي يرفع عنكِ ويسهل أموركِ ويفتح عليكِ حياتو ..~

طيب ممكن طلب بسيط ..~

روحي واشتري الكتب وإقرأيها خصوصًا الريدنغ .. يعني حاولي تفهمي المطلوب منها ..أقصد مُري على كل استراتيجي موجود بـِ الكتاب ..~

لأنه في أشياء لابد لكِ من فهمها من الكتاب كـ كُل ..~

وبكل أمانة حابة أنصحكِ نصيحة أخوية لا أكثر ..~

اعتذري هَـ الترم ياقلبي ..~

ما أدري إذا قفل للإنتساب ولا لسة مفتوح ..

أو رُوحي للإختبار البديل.. أقله يكون عندكِ وقت تفهمي منهجكِ وعن إيش يتكلم ..~

فهمتي علي حياتو ..~

وإذا مازلتِ مُصرة على قراركِ ..

ربي يوفقكِ ويفتح عليكِ ويسهلها عليكِ من جميع أبوابه ..~

تفضلي هَـ الرابط فيه طلبكِ اطلعي ع الصفحات 3 و4 وبإذن الله راح تلقي إلي يسعدكِ قمــري ..~

http://www.skaau.com/vb/showthread.php?t=315980

،’

رغوودة ..~

/

[إبرا]

أهــلا ً .. أختي ماقصرت الأخت رغد محمد وهي دائمـا ً سباقة لفعل الخير أسأل الله أن يجعــلها في ميزان حســناتها

ثانيا / ... أحذر كل الحذر من مادة الريدنق لأنها ماده ثقيله دم والترم اللي راح 90 % من الشباب حصلوا على (f)

أنصحك تجيبي عذر قاهر وتحاولي ماتروحي الأختبار ,..

حتى لوكــانت لغتك ممتــازه صدقيني تحديدا ً الريدنق صعب لأنه أختبارنا اللي راح كان فيه أسـأله ماتقدر تجاوب عليها إلا على ضوء قرائتك للكـتاب ..

وأتذكر أغرب الأسـأله على الأطلاق ..

( روك فيــلر تعلق بصناعة السيارات عام _ 1982 ... - .... - ....)

وجايب عدة تواريخ علما ً أن السـؤال جانبي بدون أي قطعة ..

أسـأل الله لك التوفيق والنجاح

وولكن تذكري حملك لأي من المواد راح يخســرك على الأقل 10 نقاط من المعدل ..

[لجين love]

ربي سعدك يارغد

ربي يسعدك يابرا

الكتب شريتها من زمان لكن بسبب ظروف قاهرة مافتحتها وهي الحين جديدة وابغى اتوكل على الله العلي العظيم وادخل الاختبار

اللي عنده شيء يفيدني فيه لايحرمنا الله لايحرمكم الخير

[رغد محمد]

،’

حبيبتي ..~

طيب إفتحيها ألحين ...

روحي وأفتحيها وإقرأيها .. شوفي وش فيها ..؟؟؟

ياقلبي أنا خايفة عليكِ من نزوووول المعدل .. وربي أنا نزل معدلي وكثيييييير هذا وانا مذاكرة الكتاب ..!!

طـــــــــاح مو بس نزل ..!!!

فمـا بالكِ بيكِ إنتِ وما فتحتِ الكتاب ..~

أنا أعرف إنو التوفيق بيد ربنا ولكن لابد من بذل الأسباب قمــري ..~

طيب وش رايكِ تستخيري .. استخيري وبعدين أبدأي قراءة ... بس إقرأي الكتاب قراءة من ألحين ألين وقت الإختبار ..

اتقفنا حبيبتي ...؟؟

إقرأيه تمـــــــــــــــــــــام وإفهميه عدل ..

هذا من ناحية الريدنغ .. ومن ناحية الرايتنغ ..

المطلوب فقط إنكِ تكتبي مقال .. والمقال مكون عدة برغرافات ...

حاولي إذا كنتِ فاضية تكتبي عن كذا موضوع ..طبعًا لكم انواع خاصة للمقالات :

مقال الرأي .. وهو مقال تكتبي فيه عن رأيكِ بـِ الموضوع إلي يطلبونه منكِ يا بالقبول أو بالرفض وتذكري الأسباب فيه طبعًا ...~

مثل : اكتبي عن رأيك في تناول الغداء في كافتيريا الجامعة ..؟

مقال السبب والأثر .. وهومقال تكتبي فيه يا عن اسباب أو آثار الموضوع إلي يطلبونه منكِ ..~

مثلاً: عن أسباب التدخين أو آثاره ..؟

مقال المقارنة... وفيه تكتبي عن الأشياء المُختلفة أو الأشياء المُتشابهة بين أمرين هم يطلبونها منكِ..~

مثلاً: المقارنة بين مدينتين أو عادتين أو ثقافتين .. يا بـِ التشابه أو بـِ الإختلاف ..؟

،’

ربي يفرج عليكِ ويسهل أموركِ لكل خير ويااااارب تجيكِ أسئلة تعرفي تحليها بكل ثقة يارب العالمين ..~

ولو مافهمتِ حاجة إسألي قلبي .. لاتروحي للإختبار وإنتِ ما قرأت الكتاب ...

وربي خايفة عليكِ .. الله يسهلكِ حياتو ..~

،’

[nour al3mr]

وعليكم السلام ورحمة الله و بركــــآته ..

حيـآك الله

أختي الفـآضلة

لنكـون واقعيين من باب التجربة و المعرفــــــة

موآد التخصص لايمكن دخول اختبارهـآ دون مذاكـــــرة

حتى وإن قرأتي الأسئلـة .. فلن يتم فهم المقصود و المطلوب إلا بالإطلاع على الكتب والمذاكـرة بفهم وحفظ وتركيز

أنتِ متوكلة على الله وهذا شيء جميل ومطـلوب .. لكـن يجب الأخذ بالأسبــــــآب ( أي المذاكـــرة وبذل الجهد )
وإلا أصبح الأمر توآكل

من أخت لا أنصحك بدخول الاختبـآر أبداً .. فبذلك تظلمي نفسك ودرجـآتك

موفقــــــــــة ..~

[alsaab]

الله يوفق الجميـــــــــــــــع

[ShoOshO]

مدري وش اقوولك
بس انا مثلك للحين ما قدرت اركز زين رغم اني اقرا الاستراتيجيات بس الله يستر
قري القطع اللي في الكتاب من هنا للاثنين ربي يحلها ان شاءالله
يسرو ولا تعسرو ومن توكل ع الله فهو حسبه
ادري انك تبين تدخلين الاختباار
بس خلاص ابدي امسكي الكتااب وقري كل القطع والاستراتيجياات
وكلمات الريدينغ 200 كلمة حاولي تحفظينها
هنا تلقين الكلمااات
http://www.skaau.com/vb/showthread.php?t=280402
هنا طريقة كتابة الـمقاال
http://www.skaau.com/vb/showthread.php?t=314147

اما هنا كل شي يخص المستوى الثاالث
http://www.skaau.com/vb/showthread.php?t=276977

لا تتاخرين اكثر من كذا ما ابيك تجربين طعم الـ f
ربي يسهل عليك وعليا وع كل طاالبة في القسم
دعوااتك لي انجح في مواادي وافرح

[لجين love]

[quote=

وربي خايفة عليكِ .. الله يسهلكِ حياتو ..~

،’[/quote]

الله يسعدك ويوفقك .. الله يكلل مساعيك بالنجاح والتوفيق

خلاص قررت الانسحاب .. وبحاول ادبر عذر او تقرير طبي او اروح للجامعة اكلم احد

الله يوفقكم اجمعين

[احساس دافئ]

بكل صرااحة جربنا طعم f واخذنا منها درووس رغم اننا مقصرين في مادة الريدنق يمكن ماعطيناها حقها من المذاكرة بس الاصرار شي حلو والاهتما م اكيد احلى لما تحس انه وراك مسؤلية انك تعدي هالمادة حفظنا كلمااات وركزنا على القطع بس بقووولك وبكل مصداقية ماااعتقد بعد اسئلة الترم المااضي شي اصعب منها حاولي تفهمي المادة زين وتحفظين كلماااات وصدقيني حتلاقي نفسك عديتي هالمادة وربنا يوفق الجميع