بليز بنات الي اخدو مواد اللغه

[Atyaf]

انا اضفت مادة صوتيات332 مع ليلى هاشم كيف؟؟

ومادة صرف 333 ومادة علم الاصوات 335 مع منال التاودي

و النحو 334 مع نهى الشرفا

كيف مافي الا هادي الطريقه مافي شعب

بليز انصحوني ابغى اجيب درجات حلوه وارفع المعدل

جدولي مو راضي يزبط مرررره خايفه والله انصحوني بليييييز اصحاب الخبره وكيف اقدر ازبط جدولي

وهل اقدر اخد بدل 335 ماده تانيه مثل سوسيو او ابلايد

[زيـــنـــة]

نصيحة لا تاخدي فونتكس و فونولوجي في ترم واحد لأنو صعبين مع بعض ، الفونولوجي يعتمد على الفونتكس و د. منال تخلي البنات يحذفوا المادة عادة لما ما يكونوا درسوا الفونتكس قبلها ،،


أ. ليلى هاشم جدا ممتازة ماشاء الله عليها في الفونتكس ، أنا أخدتو معاها ، اختباراتها مفهومة و واضحة و شرحها مفهوم ,,

بالنسبة للمورفولوجي أنا أخدتو مع د. صباح صافي ، فما اعرف كيف أسلوب د. منال ، بس عادة أي مادة تدرّسها د. منال آخدها معاها على طول لأن أسلوبها واضح و اختباراتها مفهومة،،

لا تستعجلي عالسوشيو ، إزا تبغي درجات حلوة لازم تتأني ، و بالنسبة لللسنتاكس أنا اخدتو مع د. مآثر ، لأن د. نهى أسلوبها بالنسبة ليا ماكان مفهوم ، تشرح كويس بس الاختبار مدري كيف ؟؟

الله يوفقك يارب ،،

[Atyaf]

مشكووووره حبيبتي زينه والله مررره افدتيني

الله يوفقك وينجحك وتتخرجى بالمعدل اللي تبغه يااااااارب

كيف يعني يعتمد عليه مره

حااااولت اضيف مع ماثر بس مافي الا نهى

[Atyaf]

يالله صبايا استنى تجاربكم

الله يرضى عنكم

[nadoy]

المشاركة الأصلية كتبت بواسطة atyaf انا اضفت مادة صوتيات332 مع ليلى هاشم كيف؟؟ ومادة صرف 333 ومادة علم الاصوات 335 مع منال التاودي و النحو 334 مع نهى الشرفا كيف مافي الا هادي الطريقه مافي شعب بليز انصحوني ابغى اجيب درجات حلوه وارفع المعدل جدولي مو راضي يزبط مرررره خايفه والله انصحوني بليييييز اصحاب الخبره وكيف اقدر ازبط جدولي وهل اقدر اخد بدل 335 ماده تانيه مثل سوسيو او ابلايد

انا اقولك الفونتكس انا اخذتو مع ليلى هاشم مررررررة عسل وكويسة
المورفولوجي برضو زي زينة اخذتو انا مع صباح صافي
الفونولوجي اخذتو مع منال برضو كويس
بس زي ماقالت زينة لاتاخذية مع الفونتكس لانو يعتمد عليييييييييييييه
حتى الاستازة حتقولكم الي ما اخذت فونتكس تحذف لانو حيكون صعب عليكي
والسنتاكس بالنسبالي اخذتو مع مااااثر وكان كويس
الله يوفقك ويسهلك
بس من جد لا تستعجلي لا تاخذي مواد الصوتيات كلها مع بعض شكلي
خذي مادتين صوتيات مادتين ادبية
وبالتوفيق

[Atyaf]

مشكوووووره ياعسل

بس ليش الكل مايحب ليلى هاشم حتى الكل يقول محاضرتها رععععب مدري
الله ييسر لكم حبايبي ومشكووره ع الرد ياقلبي