لخبطه صارت اليوم في ريدنج 1 في الرياض

[انترنت]

اليوم اختبرنا ريدنج 1 في الرياض وصارت لخبطه كبيره اولا نموذج الاجابة عربي والشي المهم الاختبار نفسه بعد ماوزعوا الاسئله صارت ناقصه تقريبا عشرين سؤال والاسئله اللي معنا توجيه السؤال غير موجود بعد اخذ ورد خيرونا بين اعادة الاختبار لاحقا او النقص يتحمله الدكتور وجميع الاسئله الناقصه تعتبر صح ويصححون الاسئله اللي جاوبنا عليها طبعا كل الطلاب واصلوا الاختبار
احد صار له مثل هذا الشي وكيف بيعالجون الوضع ؟؟؟

[saadoony]

حنا طلاب الدمام صارت لنا نفس الحاله فدق الدكتور على الجامعه وأنتهت المشكله بأنهم الـ 20 سؤال يتحملها الدكتور وتحسب لنا بـ 50 درجه اللهم لك الحمد والشكر جت من عند ربك يمكن لصعوبة الأسئله

[الأدب قبل العلم]

عزيزي الكريم أسعد الله مساك
ممكن تفيدنا بشي من الإختبار الذي جاكم ....وكيف الإختبار صعب ،سهل . وهل الأسئلة من الكتاب؟

تحياتي وتقديري

[انترنت]

المشاركة الأصلية كتبت بواسطة الأدب قبل العلم عزيزي الكريم أسعد الله مساك ممكن تفيدنا بشي من الإختبار الذي جاكم ....وكيف الإختبار صعب ،سهل . وهل الأسئلة من الكتاب؟ تحياتي وتقديري

الاسئله اللي استلمناها نوعا ما صعبه فيها قطعه وعليها اسئله وحوالي 10 كلمات مرادف للكلمات من الكلمات الصغيره اللي تحت القطع في الكتاب وجاب من الكتاب بس حط فيها لفات انت عارف ان رأس السؤال غير موجود بس ان شاء الله خيره شكل الدكتور كان ناوي علينا بس ربك سهلها

[abu-fahad]

اخوي saadoony ....
اللي صار لكم اليوم في الريدنق ٢١٢ ؟؟؟ ...وهل احتساب ال٥٠ درجه "رسميا" من الدكتور ؟؟ لان الوضع في الرياض مختلف. مشرف القاعه قال لنا ان الدكتور "راح يحل الوضع" ... فيه فرق كبير بين الكلمتين ...

[انترنت]

المشاركة الأصلية كتبت بواسطة saadoony حنا طلاب الدمام صارت لنا نفس الحاله فدق الدكتور على الجامعه وأنتهت المشكله بأنهم الـ 20 سؤال يتحملها الدكتور وتحسب لنا بـ 50 درجه اللهم لك الحمد والشكر جت من عند ربك يمكن لصعوبة الأسئله

طلاب ابها والقصيم هل صار لكم نفس الشي ؟

[آخر ماتبقى]

المشاركة الأصلية كتبت بواسطة abu-fahad اخوي saadoony .... اللي صار لكم اليوم في الريدنق 212 ؟؟؟ ...وهل احتساب ال50 درجه "رسميا" من الدكتور ؟؟ لان الوضع في الرياض مختلف. مشرف القاعه قال لنا ان الدكتور "راح يحل الوضع" ... فيه فرق كبير بين الكلمتين ...

يابن الحلال المشرف قال لنا في القاعة اليوم بالرياض ان الدكتور سوف يحتسب لنا درجة الاسئلة المفقودة

وبالنسبة للاسئلة كانت مرة صعبة وربك انقذنا باالي صار

[abhawi666]

اختباري في ابها و صار لنا نفس الرياض و الدمام والمشرف اتصل على الدكتور بس قال راح يساعدكم ما قال انها تحتسب
الأسئلة جدا معقدة ومن بين السطور و إن شاء الله انها تحتسب ....... هذا بنسبة لأبها وما جرى فيها باقي القصيم و جدة
وإن شاء الله كلنا ناجحين.........

[MoLaR]

^^^
في أبها المشرف قال راح تنحسب لكم اجابات صحيحة وتاخذوا درجة الاسئلة الناقصة
للتوضيح فقط

[sa0ud]

ياشباب الاختبار كان اختيارات او مقالي