تخصص

[just adream]

السلام عليكم ورحمة الله وبركاته
صراحة احترت فين احط موضوعي او استفساري بس قلت مدام انا ابغى اتخصص انجليزي يصير استفسر منكم ويارب تقدروا تساعدوني
انا خلصت السنة التحضيرية وحابة اتخصص انجليزي لكن لازم اكون جبت 90 في التيرمين وانا جبت في 101 = 95
وفي 102 = 72 مع اني متأكدة مليون في المية اني استحق اقل شيء 90
وماني عارفة ايش اعمل وهل ممكن يتجاوزوا لو رحت للجامعة وكلمتهم ؟
بس مو عارفة اروح عند مين ياليت اللي يعرف يقولي ربي يسعدكم
غير كده انا كنت تخصص ادارة اعمال كلية رابغ ورحت للجامعة وغيرولي التخصص اداب بالقوة بعد ماتعبت ولمن شافوا معدلي 3.27 وافقت دكتورة نورة ,, بس انا خايفة مايرضوا يخصصوني انجليزي لانه مستحيل اتخصص اي شيء تاني غيره في كلية الاداب لاني كنت علمي ولا اعرف للمواد الادبية واكره الحفظ ابدا ما اقدر امشي فيه.
سؤالي فين اروح اراجع عشان يخصصوني انجليزي ؟
هل تقترحوا عليا اروح اراجع ورقتي يمكن اكون جايبة في 90 ؟
واذا مارضيوا يخصصوني انجليزي تتوقعوا يرضو يرجعوني ادارة اعمال ؟
ادري اني طولت عليكم لكن وربي مره محتارة وملخبطة ومتضايقة خصوصا اني نفسي ينزل جدولي واعرف موادي وابدأ اذاكر مافي وقت مره
ربي يوفقكم ساعدوني وان شاء الله بدعيلكم في الحرم ..

[nour al3mr]

وعليكِ السلام ورحمة الله و بركـــــآته

يجعل ربي سكنـآك في الجنـــــة ..

استفسـآرات التخصص هنــــــــآ..

{.. استفسـآرات الـرآغبين في التخصص بقسم اللغـآت الأوربيـــــة..} ::تفضـلوآ

أقراي الموضوع جيداً فبه اجابات استفسـآراتك ..

موفقــــــــة ..

[حلاها زايد]

اذا شروط تخصص الانجلش ماتنطبق عليكي يعملولك اختبار واذا عديتي تتخصصي
روحي مبنى الجوهرة عند السكرتارية اساليها متى تلاقيها اول ماتدخلي المبنى على يدك اليسار في الاخير
ربي يحققلك امنيتك وتتخصصي انجلش

[just adream]

مشكورة مشرفتنا نور العمر
مشكورة حلاها ع ردك
بس محد يعرف لو ابغى ارجع لتخصص ادارة اعمال يوافقوا او مستحيل ؟
ربي يسعدكم ويوفقكم

[nour al3mr]

يسلمك ربي ..

شوفي شروط التحويل ..من كلية لآخرى

http://admission.kau.edu.sa/Content....ng=AR&CID=2045

شروط التحويل بين التخصصــــــآت ..

http://admission.kau.edu.sa/content....ng=AR&cid=2034