لكل من درس عند دكتورة زينب تراكيب الله يسعدكم يدخل محتااااجه مساعدتكم

[بطيخه حمرا]

السلام عليكم ورحمة الله وبركاته
بنات الله يسعدكم طالبه مساعدتكم ولا تردوني
إلي درست عند دكتوره زينب تراكيب بيانات وعندها دفتر المحاضرات وماتحتاجه السمستر دا تسلفني ياه بس الترم دا وآخر الترم ارده لها
الله يسعدكم يابنات لاتقرأو الموضوع وتطلعو إلي في يدها تساعد ياريت ماتبخل
وتعطيني محاضراتها وحتى إذا بس اصور المحاضرات في نفس الوقت وأردلها ياها
إلي تقدر تساعد تراسلني خاص وإن شاء الله يسير خير

[.: نبراس :.]

السلام عليكم و رحمة الله و بركاته

كتابي تم إعارته

بس حابه اقولك ان كل شئ موجود في الكتاب

اهم شئ فيه الـ algorithm << مدري مو عارفه اكتبها

و لما تشوفي رسمه في الكتاب احفظيها لانهم يجيبوا في الاختبار رسم

يعني يجيكي سؤال احذفي node من ال linked list

و انتي ترسمي كيف العمليه تصير

حاولي يكون تركيزك صاحي و تفهمي من المحاضره عشان كانوا يجيبوا اساسيات في صح و غلط و اختياري

كمان يحبوا يجيبوا اسأله تطلعي الـ out put حق الكود

ترا الماده بسيطه في مزاكرتها فلا تخافي منها

حتى المعامل لا تخافي من البرامج الطويله الي بيطلبوها انت اسألي صحباتك هم كيف بيحلوها و تعرفي انها سهله ^^

ان شاء الله اكون افدتك

[السوسن البهي]

والله حتى انا مررررة خايفة من الماادة

بس ناخذها مع هيلين بخش

[بطيخه حمرا]

الله يسعدك يارب تسلميلي على التوضيح
جزاك الله خير

[طالبة مقهوره]

بطيخه حمرا
أنا شخصيا أخذت المستوى الأول مع دكتوره زينت كانت بدون سلايدات و كانت تشرح بيدها و كان شرحها مره روعه
والحين سارت تشرح بالبوربوينت و طبعا مره فرق لاحظته في المستوى الثاني
في كلا الحالتين ركزي معاها و ذاكري من السلايدات و ركزي ع الاثباتات لأنها تجيب اثباتات و تكون فيها شوية أفكار
و اختياري و أسئلة عامه بس عموما اسئلتها السهل الممتنع
و بالتوفيق ...

[mama nona]

ماقصروا معاكي البنات وقالولك اسلوب الاسئله

افتكر الاختبار النهائي اللي كان شويا صعب

لانو طوييييل وكان فيه اثباتات شويا صعبه

بس ترا اللي كنا نتكتبو هوا اللي في الكتاب

وللاسف دفتري مدري فينو واصلا نص الترم درستنا هلين والنص التاني زينب

يلا بالتوفيق

[مودي cout]

اتمنى للجميع التوفيق .........