هام جدااا ... الخطط الدراسية لجميع المسارات في برنامج التعليم عن بعد

[أبو لمى]

بارفق لكم ملف نزلته من موقع العمادة

وهو جدول يبين جميع الخطط الدراسية للمسارات الخمس في برنامج التعليم عن بعد

[bembo_555]

جزاك الله خير يارب

[Last Hope]

مشكووور

اهاا اللغات الاوروبية حيكون مسارها لغة
الحمد لله :)

[! سلطـــان !]

الله يعطيك العافية ما قصرت يالغالي

ادارة الاعمال تسد النفس بصراحة مجبورين ع مسار عام ... يقولون والعهده ع الراوي

ان المواد عشان يضعونها في قالب الكتروني وينقلون محتوياتها من الاوراق الى ما يسمونه بالايميس يكلفهم مبالغ كبيره

مدري هذا عذر مسبق عشان ما يفتحون لنا مسارات بقسم ادارة الاعمال ؟؟ والاربعه الاف ريال من كل طالب في كل ترم مدري وين تروح ؟؟ والمبالغ الكبيره هذي كم تقريبا يعني ممكن المادة الوحده تكلفهم مليون ريال عشان يخلونها مادة الكترونية ؟؟
8
8
8
مجرد خواطر

[فاقدة أبوها]

شكراً أخي أبو لمى,

أخ سلطان لو تلاحظ اننا مانستفيد من منهج الإيميس غير في مواد معدودة زي الحاسب والإنجليزي أحيانا

بقية المواد نعتمد فيها على الكتاب بصورة كلية ومانحتاج لمنهج الإيميس!

يعني نقدر ندرس التخصصات المطلوبة بدون مايكون المنهج محمل على النظام لأن كل الأساتذة يطالبوننا بالكتب!

[! سلطـــان !]

المشاركة الأصلية كتبت بواسطة فاقدة أبوها شكراً أخي أبو لمى, أخ سلطان لو تلاحظ اننا مانستفيد من منهج الإيميس غير في مواد معدودة زي الحاسب والإنجليزي أحيانا بقية المواد نعتمد فيها على الكتاب بصورة كلية ومانحتاج لمنهج الإيميس! يعني نقدر ندرس التخصصات المطلوبة بدون مايكون المنهج محمل على النظام لأن كل الأساتذة يطالبوننا بالكتب!

صح كلامك وبدليل الرياضيات بالترم الاول كان محتواها قديم حتى ما كلفوا ع انفسهم وطوروه

وانا شخصيا ويمكن اغلب الطلاب ما يعرف من الايقونه الي اسمها متابعة الماده غير اسمها في جميع المواد بإستثناء الانجليزي هو الوحيد الي استفدنا منه

بس والله الخواطر الي فوق مو من عندي الحكي ذا سمعته بأذني من دكتور الله يستر عليه

يقول انها تكلفهم مبالغ كبيره

وما ادري وش هالمبالغ الدعوى كلها برنامج قوتوشوب وفلاش اذا يبون شخص يتطوع وعنده خبرة بهالبرامج انا مستعد ..

الايميس عيارة عن سكربت مبرمجينه الغرب الله يعطيهم العافيه وحنا يالعرب كل الي علينا نسخ لصق في هالسكربت وصلى الله وبارك ما يبيلها اختراع ذرة

[raaz]

الف شكر على المعلومة..........الله يوفق الجميع

[زمن الغروب]

شكراً لك أبو لمى لكن اعذرني لم استطع فتح الملف حيث أنه معطوب

ولك تحياتي،،

[أبو لمى]

اخي زمن الغروب تقريبا الملف مافي شي انا تأكدت منه , ممكن انت ماعندك برنامج pdf عموما
ادخل على موقع العمادة واختر (ملفات) ثم اختر (اخرى) راح تتطلع لك ملفات كثير دور على ملف اسمه (الخطة الدراسية العامة) ونزلها
وبس

تحياتي لك وللجميع

[؛؛وجود؛؛]

يعطيكم العافيه
عقبال مايتم قبولي وادخل اخذ الخطط يارب

بس حبيت اسأل نظام الدراسه عن بعد
باي لغه المناهج المقرره ؟؟...
سوري ماعندي خبره وابي اعرف

وكل الشكر لصاحب الموضوع