مساعدة في اختيار الاستاذات والمواد

[السوسن البهي]

اشكر كل الاخوات الي ردوا

وان شاء الله اذا نزلي التخصص لي عودة

الله يوفقكم ويحقق لكم احلامكم

بس عندي سؤال .... معدلي مررررررررة نزل المستوى هذا هل اقدر ارفعه ؟؟؟

في مواد المستويات القادمة والا حتكون اسوأ؟؟ مع اعضاء هيئة التدريس

[بطيخه حمرا]

يختي عليكي يسعدك ربي ياااااارب ويوفقك ويساعدك يارب زي مااعطيتيني المختصر المفيد
جزاكي الله الف خير اختي كرزه وان شاء الله بنتظر التخصص ينزلي بعدين اعطيكي خبر على الاوراق وادعيلي ان شاء الله يخصصوني نظم
وعلى فكره
ممكن بس اذا عندك فكره
كم المعدل المطلوب في نظم.؟؟؟
لحسن معدلي راح فيها دا الترم
وتسلميلي على الرد
والله يعطيكي العافيه

[mind glance]

اختي السوسن البهي
كان ودي اساعدك...بس للأسف ما عندي اي خلفية في الاشياء اللي تسألي عنها
لكن بالنسبة لرفع المعدل...ان شاء الله كل شي ممكن
لكن لازم لازم تشدي حيلك كويس وتركزي اكثر كيف ممكن تنظمي نفسك عشان ترفعيه
هي بصراحة كل ترم حيكون اشياء جديدة...وغالباً تحتاج مجهود شوية اكثر
لكن اكيد بتجيك مواد حلوة حتى لو كانت طويلة... او تكون استاذتها طيبة<< يعني تزاكري كويس مو معناته حتعطيك علامات بلاش
والله يوفقك ويوفقنا جميعاً

بالنسبة للأخت اللي تسأل عن داتا ستركشر و منطق رقمي
حاولي تأخذي لفة في المنتدى اعتقد متكلمين عنها من قبل
داتا ستركشر دائماً مع د.زينب...هي الافضل فيها
في بنات حبوا المادة...وبنات لأ... لكن انا من اللي حبوا المادة وطريقتها
بس ركزي في المحاضرات اهم شي

ومنطق رقمي اذا مع أ.دلال زهران... شدي حيلك كويس وذاكري اول بأول
حتى لو مو متعودة تذاكري اول بأول... هذه المادة غير
حيكون شي شوية جديد ويحتاج تركيز...لكن اذا فهمتي تمشي مية مية ان شاء الله
وحاولي تحبي المادة...في مجال انها تكون ظريفة :)

[السوسن البهي]

Arab 101 اللغة العربية (1)
cpcs 203 برمجه 2
cpcs 222 تراكيب متقطعة 1
isls 201 الثقافة الاسلامية (2)
math 202 تفاضل وتكامل (2)


بنات نزلي التخصص وهو علوم حاسبات والله مرررررررة مقهورة انا
طالبة تقنية وبعدين نظم واخر شي علوم ورموني علوم مع انه كان في له شروط

[السوسن البهي]

بنات الي تقدر تفيدني عن ^^^^^المواد ياليت تكتب الي عندها


الله يسعدكم

[lol18ita]

لاتزعلي اكيييد هدا التخصص فيه خير لك
اما انا كاتبينلي تخصصي لسه مستجد و نزلولي بالجدول اساليب و نظرية احتمالات
دعواااتك

[mind glance]

اختي ممكن تراجعي مرشدتك او الشؤون من يوم السبت وتسألي عن الموضوع
عادي اللخبطات بتصير دائما في الجامعة مو شي جديد

اذا انت فعلا تبغي تخصص تاني
اسعي في الموضوع واطلبي تحويل
واذا ما صار لك نصيب تحولي...ان شاء الله يكون خير لك

[بطيخه حمرا]

اخت كرزه الله يسعدك اذا ممكن بس تعطيني الأسئله الي عندك حق اسماء باهرمز إلي قلتيلي عليها قبل فتره وحأكون شاكره لكي لأنها اعطتنا اسئله بس مهي محلوله
وماني عارفه اذا حلي صح ولا لاء
والدوري الأول قريب

[كرزه]

يا اخت بطيخه حمرااااا
الاسئلة جاهزه عندي
بس قوليلي كيييييييييييف القااااك ومتى
ما حأكوووون فاضيه الا يوم السبت من بعد 11 الى 3
اذا يناسبك قوليلي كيف ومتى اقابلك ورديلي هاه
سلااااام

[بطيخه حمرا]

انا المشكله عندي لازم اوصل 75 مشاركه عشان ارسلك خاص
بس مو مشكله
ربي يسعدك يارب تسلميلي اول على الرد
و إن شاء الله اقابلك قدام خوارزم العلوم حأوقفلك عند الخشبه الي قدام الخوارزم
يوم السبت الساعه 12 بالزبط
اذا يناسبك كده الوقت رديلي الله يسعدك عشان اتأكد انك حتكوني موجوده وانا حأتابع المنتدى لما تردي
ومشكووووره وجزاك الله خير مقدما