احد يساعدني في جدولي بليز

[roopinaa]

السلام عليكم ورحمة الله وبركاته

حبيباتي انا نزلولي 4 مواد مالية 1

و ضريبيه و نظم و منشات

المشكله انو انا عندي ظروف مره صعبه مااقدر اداوم كل الاسبوع قلت انظم موادي واداوم سبت اثنين ربوع

نزلولي مالية 1 مع انيسه احد وثلوث مستحيييييييل اقدر اخذها لوحدها وزي ماقلت صعب اداوم كل الاسبوع. بنتي تعبانه الله يشفيها وتحتاج اني اقعد معاها كثير

المهم في شعبة ثانيه مع عيشه السيد وقتها تمام وكلو بس خايفه احول معاها كثير قالولي ماتفهم والماده دسمه


الله يسعدكم قلولي اش اسوووي مره شايله هم وكمان منشات مع صباح وانا اخدت معاها قبل زكويه بالقوه عديت

وحابه اضيف مواد حره اللي هيه مدخل الى علم المعلومات و مصادر معلومات اللي جربتها تطمني وقلولي رايكم

واللي حاسه انها تقدر تساعدني في جدولي ياريت تساعدني

وسًوال اخير هل اقدر اخد ماليه 1 و 2 في نفس الترم عشان لو ماقدرت احوول مع عيشه بضطر ااجلها الترم الجاي وهل تاخرني في التخرج لاني باذن الله الترم الجاي تخرج

[MERoOo]

الله يعينك وتشفى بنتك وربي يقومها بألف سلآمة ..

/

بالنسبة للجدول ليه طيب ماتخليه يومين بالأسبوع أحد وثلوث بس وتآخذي 5 مواد مو 6 ..
ولو كنتي تخرج عادي يضيفوا لكي المادة مع متطلبها ..
وترى مالية 1 أخذتها صيفي المادة مرة سهلة تقدري تمشي فيها لحالك هيا القيود بس تلخبط شوية وأسئلة عيشة سهلة فإن شاء الله تمشي معاها ..
وبالنسبة لمنشآت أدعي يوسعوا الشعب وتقدري تدخلي مع سحر ..

موفقة يآرب ~

[tiiito0o]

الله يعينك ويشفي لك بنتك وبالنسبه لماليه 1 من اللي سمعته من البنات ان انيسه تفهم بس اسألتها موسهله يبغالها تركيز وعيشه ماتفهم واسالتها سهله
استخيري وشوفي ولو مااخذتي سيره نبويه فكري فيها واسألي عن استاذاتها انا اخذتها مع اسوأ استاذه وانا مااذاكر وجبت b+ والماده حلوه واغلب اللي فيها حافظينه
مصادر معلومات زي مادة المكتبه لو كنتي بالثانوي ادبي الماده تتكلم عن المعلومات وكيف نستخرجها وكيف تسوي بحث وكذا برضه تختلف سهولة المادة وصعوبتها من استاذه لااستاذه وانا ماجربتها بس اسمع عنها والماده الثانيه مااعرفها وماسمعت فيها اتمنى اني اكون افدتك :)
وسؤالك الاخير اي تقدري اذا تخرج بس ترى مره بيكون ضغط عليك ومنتي ضامنه ظروفك الترم اللي جاي ويمكن تكون استاذه اسوأ من عيشه وانيسه ويمكن تأجلينها ويحطون شعبه وحده مع عيشه السيد

[BoBy]

الله يعينك ويشفي بنتك يارب
عادي لو تحبي تاخدي ماليه1 و 2 مع بعض لانو اساساً دا منهج و دا منهج ومو كتير مرتبطين ببعض يعني ماحتلخبطي ومدام تخرج عادي ينزلولك
شوفي عيشه انا افتكر اخدت معاها محاسبة1 هي في الشرح انسي تفهمي وتنوم ومافيها شي كويس الا اسئلتها سهله
وابداً ما انصحك منشآت مع صباح يعني مو معقوله اخدتي معاها وانتي مجربتها في زكويه !
انا جربتها في زكويه عارفين شرحها فوق الممتاز بس تعرفي كيف اسئلتها
حاولي يوسعولك شعبة سحر انا منشآت اخدتها معاها وكانت مره حلوه معاها المادة واصلا معروفه سحر دكتوره رائعه واغلب مواد المحاسبة درستها عندها
ونظم لا تاخديها عند شريفه تموت في المقالي
شوفي انا دوبي تخرجت هذا الصيف وبنصحك في مادة حرة سهله ( سيرة نبوية ) مع سمر من اروع المواد اللي درستها في الجامعة واستاذه سمر الله يسعدها كانت تدينا كتاب واحد مختصر وتأشرلنا كمان
حتى كل الشعبه معاها a+ و a
ومصادر معلومات في صحبتي اخدتها وقالت حلوه الماده
مدام خلاص بس ترمين باقيلك عادي مو لازم المواد اللي قولتيها لو ما ناسبك وقتها ممكن فقه معاملات و تطبيقات شوفي لو اوقاتهم تناسبك نزليهم
إن شاء الله اكون افدتك :)

[حبي لذاتي قمة أولوياتي ~]

ماشااء الله تبارك الله أفادوك الأخوات بشكل وافي ،’ ~

[Joda Majed]

الله يشافي بنتك يآرب ويوقومهآ بآلسلآمه =(

شد حيلك ربي يوفقك آن شآءلله ويفتحهآ بوجهك وآلبنآت مآقصرو معآكِ مآشآءلله =)

بآلتوفيق

[roopinaa]

الله يسعدكم يارب ويوفكم اااامين

[roopinaa]

طيب احد سمع ع الدكتور عبداللطيف الشيخ يمكن اخد معاه نظم