اللي اخذوا هياكل بيانات1 الترم الماضي

[red flower]

السلام عليكم


كيفكم بنات


بنات اللي اخذوا هياكل بيانات 1 مع د. زينب ( او هيلين ) الترم اللي فات

كنتو تذاكروا من الكتاب ؟؟؟


بصراحه د. زينب ماكانت كذا .. انا اخذت معاها هياكل 1 من زمان
وكانت بدون كتاب .. والمذاكره من المحاضرات

بس مررره اتغيرت
دحين بآخذ معاها هياكل 2
صارت تشرح بسلايد .. وكمان طلبت الكتاب وقالت انه ضرووووري مره

وبنات هياكل الترم اللي فات قالوا انها طلبتهم الكتاب والمذاكره منه



واحنا قالت لنا ان كتابنا نفس كتاب هياكل 1



بصراحه زينب احس ماينفع اذاكر الا من محاضراتها
بس شكلها مع حكاية السلايدات حتتغير ..


ياريت تفيدونا

[عصر الحاسب]

حتى في 204 صارت كذا بسلايدات الله يعين*_*

[Anemon]

حتى انا اخد معاها هياكل 2
صراحه اتفاجات من اسلوبها
مرررررررره اتغيرت
الله يستر

[IT girl]

أهلين بنات
أنا أخذت داتا ستركتشر الترم اللي فات وكنا بنذاكر من الكتاب كنت أحس السلايدات بس رؤوس أقلام وحتى لو فيه شرح بسيط مايمنع ان الكتاب كان مرررة مهم( السلايدات تنظم لي المذاكرة صراحة)

وربنا يوفأ القمييييع يااارب^_^

[Nosa]

وعليكم السلام ورحمة الله وبركاته

اممممممم

غريبة والله!!

بس افتكر على وقت ما اخدت الكورس دا .. برضو قالتلنا جيبوا الكتاب مهم وما ادري اش
وانه نفسه كتاب هياكل1 .. فنحنا قولنا لها انه ما جبنا كتاب اصلا لهياكل1!
فضحكت وقالت هوا مهم وكيف كنتوا تذاكروا بدون الكتاب وبعدين صرفت الموضوع

صرااحة ما اتخيل د. زينب تخرج عن شرحها ابداااا

وانتوا ممكن كمان تاخدوا المحاضرات تبع دفعتنا وتمشوا معاها في الشرح
ولو حسيتوا اختلاف وقتها جيبوا الكتاب وذاكروا منه

والله يعينكم ياااارب