ســـــــــــــؤال مهم ؟

[أبو مشـعـل]

السلام عليكم
كـــــــــيف الحـــــــــال
ياشباب حبيت أسالكم في كلية الحاسبات لأني في السنة التحضيرية وإلى الأن ماتخصصت :
1-هل الدراسة بالإنجليزي؟
2-بكل صراحه هل دراستها صعبه أم سهله؟
3-ماذا تعتمد أكثر على الفهم ولا على الحفظ؟
إذا كانت هناك معلومات مهم يليت تفيدوني وتفيدو غيري

[dona-kun]

1-هل الدراسة بالإنجليزي؟
اخوي الدراسه في كل تخصصات العلمي بالانجليزي والحاسب منها بس لاتخاف مو انجليزي معقد والاساتذه يشرحون عربي فلا تشيل هم
2-بكل صراحه هل دراستها صعبه أم سهله؟
والله مافي شي سهل اخوي بالذات هذا تخصص والازود في الحاسب انو عمرنا مادرسناه بتبحر فراح يكون حبتين جديد عليك لكن ممتع الى المالانهايه صدقني اذا داخله عن حب راح تستمتع بكل عقده فيه وعلى قولتهم ضرب الحبيب متل اكل الزبيب هع هع
3-ماذا تعتمد أكثر على الفهم ولا على الحفظ؟
والله هي عباره عن رياضيات واحصاء يعني تقدر تقول 79% فهم


اذا عندك اسئله زياده او تبي تفسير لكلامي لايردك شي اسأل تراه تخصص راااااااااااائع فوق ماتتصور و اختيار موفق اخوي الله يوفقك ان شالله

[أبو مشـعـل]

الله يكرمك ويرزقك بالزوج الصالح.
هناك ثلاث تخصصات :
1-علوم الحاسبات
2-نظم معلومات
3-تقنية معلومات
مالفرق بينها وماهو الأحسن؟

وجزيتي خبراً وزروجتي بكراً ورزقتي طفلاَ

[شكولا]

^
::


حللوه الدعوة

بالنسبه للتخصصات تمنيت افيدك بس انا لسى ماتخصصت..

تقدر تدخل على موقع الجامعة وتشوف الخطط الدراسيه لكل قسم

وشوف اش اللي يناسب ميولك..

تمنياتي لك بالتوفيق..

[Fiery Phoenix]

نصيحة مني لا تحاول تفكر كثير بالكلية طالما انت طالب سنة تحضيرية، بالعكس هو شي حلو لكن لا تخليه يغلب عليك وركز باللي عندك أولا وأخيرا. أنا دخلت الجامعة لغرض واحد فقط، وهو اني أدخل قسم الفلك بكلية العلوم وأصبح طالب بالقسم. طوال السنة التحضرية كل من سألني ايش بتخصص قلتهم لهم تخصص مزدوج فيزياء وفلك، وصرت معروف بالشي هذا. بالأخير جبت معدل مرة عالي وجاني قبول في كل الكليات، وكنت لازلت مقرر على كلية العلوم. لكني بالنهاية استخرت واخترت حاسبات كبديل. حاليا أنا هاوي فلكي معروف بالقسم وأقوم ببعض الأنشطة عندهم، مثل رحلات، كتابة مقالات، الخ

زبدة كلامي ان خططك السنة هذي تبقى مجرد "خطط". ما تدري ايش ربي كاتب لك. لكن لاتخاف، I'm sure you'll do just fine one way or another.

بالنسبة لأسئلتك، أعتقد دنى جاوبتك بشكل ما أقدر أجاوبك مثله. لكن يفضل انك تاخذ بنصيحتي ولا تعتمد على خططك الحالية علشان ما تتفاجأ بالنهاية.

آسف على الإطالة، وتقبل مروري...

[أحـمـد ظـافـر]

^

كلام سليم ,, لكـن برضة خل ليك هدف واضح مدعوم بالميول الشخصي .

[تونا]

أقسام الحاسب :
1) تقنية معلومات :
أكثر شي فيها تنظيم وبنيان الكمبيوتر أو ما يسمى آركتيكشر يعني في الغالب هاردوير وشبكات
2) نظم معلومات :
صراحة أنا اشوف انه قسم ادارة واقتصاد جا الحاسب بالغلط ههههه مع احترامي الشديد لهذا القسم ..
بس أكثر المواد فيه عن الإدارة والتسويق وكدا طبعا مع شوية برمجة ورتوش حاسب :)
3)علوم حاسبات :
برررررررمجة !!!!!!!!