سؤال عن انتظام الطلاب الاجانب

[شاديا فيصل]

السلام عليكم ..مرحبا طلاب kaau
موحابة اطول عليكم بس شكلي حضطر!

انا يمنية وابغى اكمل دراستي في جامعه الملك عبدالعزيز- انتظام
اتخرجت بنسبة 98.54 والقدرات 90 والتحصيلي 86 لحد هنا كل شي ممكن يكون تمام

المشكله اني اتخرجت عام 2008 يعني مرت عليا سنة وهذا الترم اللى تدرسوه دحين
كان فيه ترتيبات اني اكمل برى وللاسف الظروف ماسمحت.

سؤالي:
ياترى اقدر اسجل عندكم انتظام (مع كل اللى ذكرته فوق)؟؟
اقدر ابدأ دراستي عالترم الجاي؟<< سامحوني عالتسمية بس ده اللى اعرفه.
لو ايوة..حتكون اول سنة ليا تحضيري زي غيري؟؟ وحقدر اتخصص بعدها؟
حبايبي والله من جد تايهه ولا ابغى اضيع هذه السنه كمان..ولا ابغى انتساب نهائيا

ياريت تفيدوني بكل شي تعرفوه قبل لا يفوتني التسجيل اذا كان بدأ اصلا
تنصحوني اروح بنفسي لعمادة القبول والتسجيل؟
لاني اتصل عليهم بس ما الاقي رد.
ولاّ الحّق على عمري واسجل في كليه تانيه؟

الله يسعدلي ايامكم امااانه لاتدخلو وتخرجو ساكتين
بالله قولو اي حاجه كل اللى تقدرو عليه / نوروني الله ينور عليكم
استنى ردكم باقرب فرصه
الله يوفقنا كلنا..قولو امين

[ro7i Leek]

صديقتي نفس حالتك ومعدلها ودرجاتها اعلى منك كمان ولاقبلوها انتظاام .. فاضطرت تدرس انتسااب بالرغم من تفوّقها ..


الله يعين وإن شاء الله احد يفيدك

[رتاج]

انا يا عمري امر بنفس حالتك ..وما اعرف شي ..وسجلت بالجامعة والى الان ما ردوا علي ..الله يجبر بخاطرنا ونكمل دراستنا في الجامعة انتظام ..
وان شاء الله يا حياتي غيري يفيدك

[شاديا فيصل]

الله يسعدكم حبيباتي زي ما نورتوني بمروركم..
بس والله حيرة عن جد يعني لو مانقبلنا هنا
مالنا غير الجامعات اليمنية وهاذي شهاداتها نبلها ونشرب مويتها!!!!
اما دار الحكمة وعفت.. فهذي عن جد .؟؟..وانا مو حابة اكلف على اهلي لاني مو بنتهم الوحيدة.

احد يفيدنا الله يرضى عليكم..
والتسجيل للترم التاني بدأ ولا لسه؟ انا اتصل على عمادة التسجيل بس ماحد يرد عليا من يومين ..
نورونا الله ينور عليكم

[مـلآكــ]

shiya أنا عندي وحدة أعرفها من نفس دفعتك و أجنبة و درجاتها أقل سجلت الفصل الأول و قبلوها الفصل الثاني انتظام ...

و الجامعات اليمنية اللي في السعودية مو تبليها و تشربي مويتها لا كده حتكوني على الأقل ارتويتي هذي لا ياعامل في البحر طحينة ...

ياإما أبوكي الله يخليه لكي يروح بكرة يسجل من قسم الرجال و قسم الرجال يسجل بأي وقت طوال أيام الدوام أو الأسرح يروح الرياض وزارة التعليم العالي و يسجلك من هناك و تنتظري مثلنا و الصبر مفتاح الفرج و إذا ما انقبلتي الفصل الثاني تسجلي في مكان ثاني ..

أو تاخذي نفسك على بلدك و تسجلي هناك و ترجعي كل اجازة للسعودية لأنك تعرفي كلية عفت و دار الحكمة تاخذ أحيانا 27 ألف على السنة هذا و تمريض لو تخصص تاني الله يستر كمان ...

أي سؤالــ أختك هنا حاضرة علمك يوم جيت سجل دوخوني السبع دوخات ...
ربــــــ يوفقكـــ و يوفـقــكــنـا ــنــا ....

[اضاءات]

أنت اعملي الي عليك وقدمي واذا هي من نصيبك رح تجيك
بس ح يكون في الغالب على الترم التاني كذا العادة
أما على دار الحكمة ترى مومستحيلة اذا قدمت على برنامج المنح التابع لمؤسسة دار العلم
كثيييير صحباتي انقبلوا هناك بمنح كاملة وجزئية
والصراحة تخصصاتها متميزة وماعليها كلام
وربنا يوفقك

[شاديا فيصل]

يووه الله يستر..
طيب دحين لو اروح او ارسل ابويا
حيكون موعد التسجيل للترم التاني مفتوح؟؟
ولا اني حتعبه معايا ع الفاضي؟
اما على دار الحكمة فاهلي مستعدين يدرسوني فيها بس المشكله اني احسها كثير غالية > حضرمية اش اسوي؟

وما ابغى اكلف عليهم فوق كدا هي دراسه بالانجليزي..وده اللى ما ابغاه
رغم اني كويسه فيه بس ابغى اخد اعلى الدرجات.

يعني دحين مافي حل الا اني اقدم ع التسجيل؟؟؟
واحتمال انقبل واحتمال لا؟

[مـلآكــ]

مفتـــــــــــــــوح ..

و صادقة كلية دار الحكمة مرة غالية االفصل بــ 28 ألف ..

انتي درجاتك عالية إن شاء الله يقبلوكيــ غيرك درجات أقل و قبلوهمــ ..

[نسيم الوجود]

المشاركة الأصلية كتبت بواسطة shiya يووه الله يستر.. طيب دحين لو اروح او ارسل ابويا حيكون موعد التسجيل للترم التاني مفتوح؟؟ ولا اني حتعبه معايا ع الفاضي؟ اما على دار الحكمة فاهلي مستعدين يدرسوني فيها بس المشكله اني احسها كثير غالية > حضرمية اش اسوي؟ وما ابغى اكلف عليهم فوق كدا هي دراسه بالانجليزي..وده اللى ما ابغاه رغم اني كويسه فيه بس ابغى اخد اعلى الدرجات. يعني دحين مافي حل الا اني اقدم ع التسجيل؟؟؟ واحتمال انقبل واحتمال لا؟

يــآآآآحلوهـ حتىا لدرآسه بجامعه الملك عبد العزيز بالانجلش ... اول سنه تحضيري كل الموآد بالانجلش



انا صحبتي كآنت نفس المشكله عندهــــــآ ....

رآسلت عميد القبول الدكتور/ مشـآط

وقـآلي : انو الطـآلبـآت الاجنبيـآت لازم يكون معدلهم من 90 وفوق عشآن ينقبلو انتظـآم تحضيري .. الـ 90 هذي هي عبـآره عن نسبة الثانويه + القدرآت والتحصيلي <<يعني المعدل الترآكمي النهائي اللي يتم عن طريقه القبول بالجـآمعه ...... والتقديم يكون من عندعماده الطلاب ..يعني خلي ابوكي يقدم لكـ من عندهمـ ..

فيه شي ثـــــــآني ..لازمـ اذا تبغي انتظـآم عندنـآ بالجـآمعه ..شهادتكـ الثانويه مايمر عليهـآ اكثر من ثلاث سنوآت


ولو مر عليها تلات سنوات ماتقدري تسجي الا انتسآب وتجيبي معدل كويس عشان تحولي انتظـآمـ ..


استخيري وشوفي الاريح لكـ .. اذا تبغي في جآمعتنـآ او تدرسي على حسآبكـ في الكليآت الاهليه ..






موفقه








نسيمـ

[مـلآكــ]

المشاركة الأصلية كتبت بواسطة نسيم الوجود يــآآآآحلوهـ حتىا لدرآسه بجامعه الملك عبد العزيز بالانجلش ... اول سنه تحضيري كل الموآد بالانجلش انا صحبتي كآنت نفس المشكله عندهــــــآ .... رآسلت عميد القبول الدكتور/ مشـآط وقـآلي : انو الطـآلبـآت الاجنبيـآت لازم يكون معدلهم من 90 وفوق عشآن ينقبلو انتظـآم تحضيري .. الـ 90 هذي هي عبـآره عن نسبة الثانويه + القدرآت والتحصيلي <<يعني المعدل الترآكمي النهائي اللي يتم عن طريقه القبول بالجـآمعه ...... والتقديم يكون من عندعماده الطلاب ..يعني خلي ابوكي يقدم لكـ من عندهمـ .. فيه شي ثـــــــآني ..لازمـ اذا تبغي انتظـآم عندنـآ بالجـآمعه ..شهادتكـ الثانويه مايمر عليهـآ اكثر من ثلاث سنوآت ولو مر عليها تلات سنوات ماتقدري تسجي الا انتسآب وتجيبي معدل كويس عشان تحولي انتظـآمـ .. استخيري وشوفي الاريح لكـ .. اذا تبغي في جآمعتنـآ او تدرسي على حسآبكـ في الكليآت الاهليه .. موفقه نسيمـ

أولا كل الجامعات الآن نجلش بس كلية دار الحكمة من أول سنة تشترط اختبار توفل ما أظن نقدر على التوفل ..

و أنا لما جيت أسجل قالولي بس الثانوية تكون 90% فما فوق أنا دليل حي أنا سجلت على أساس انتظام جايبة في الثانوية 93.16 و المعدل الموزون كله على بعضه 87.46 ...

باقي كلامك حق و هي لازم تعجل ..

أسفة نسيم ما قصدت أغلطك أو أصححلك بس مجرد المعلومات اللي عندي حبيت أقولها ..

موفقين ..