تنبيه لطلاب دفعة 09 بخصوص المواد الحرة والأختيارية وعدد ساعات التخرج ( بالصور )

[أبو فاتن]

المشاركة الأصلية كتبت بواسطة bandarman هههههههههههه لاتوسوس ولاشي اصلا هو على كيفه يحدد شي غريب من جد يعني ليش مايسوو نظام ويمشو عليه لو تشوفه هو قاعد يقرأ ويقرر بمزاجه والله شي محزن كأننا عايشيين في العصر الحجري!!!

ما قلنا هالكلام

وقام يكلم نفسه ويعلم عليها ويقول آهاا من هنا ساعة ومن هنا ساعة ومن هنا ساعة وقال وضعك تمام توكل على الله

الله يسعد أبو طالب ويوفقه يارب والله إنه من أرجل الناس اللي بالجامعة تواضع وحب للمساعدة وعفوية وطيبة قلب ترفعه عند ربه وفي قلوب الناس





بارك الله فيك أخوي بندر والله ماقصرت عسى ربي يوفقك

[mare5421]

ابو فاتن الله لايهينك وين موقع ابو طالب ومن وين اطبع الخطة وأخير الحالة

[SAMI_1275]

الله يعطيك العافية

[أبو فاتن]

المشاركة الأصلية كتبت بواسطة mare5421 هلا بك أخوي لاتشيل هم اخوي أنا بكره الصباح إن شاء الله رايح لجدة وأشوف وش بطلعبه منهم يا أنا ياهم وإن شاء الله بجيب الخبر اللي يأكد كلام الأخوان

ياهلابك أخوي وبيض الله وجهك

وش رأيك تتواصل مع أخونا عويد ( لأنه من الرياض ) وتخلص له أوراقه معك دام أنت بتروح الله يسلمك ومنها تكسب دعوة في ظهر الغيب ؟

[mare5421]

والله الساعة المباركة اللي اخدم فيها اي احد ولو يرسلي رقم جواله على الخاص عشان انسق معه اكون شاكر له
بس اهم شي ابو فاتن لاتنسى تعطيني process حق العملية هذي لأنو الوقت ماراح يسعفني اكثر من اربع ساعات في الجامعة وتقولي الخطوات الله لايهينك

[أبو فاتن]

المشاركة الأصلية كتبت بواسطة mare5421 ابو فاتن الله لايهينك وين موقع ابو طالب ومن وين اطبع الخطة وأخير الحالة

الموقع الله يسلمك مبنى مقابل كلية الإدارة والأقتصاد والله إني ناسي أسمه أتوقع مركز المعلومات ( عموماً راح تعرفه على طول لأن فيه صيانه أمام البوابة قاعدين يشتغلون فيها لهم أكثر من 5000 سنة )

أول ماتدخل تلقى مكتب أبو طالب هو أول مكتب على يدك اليسار رجال بعوارض تشوف في وجهه الخير

بس قبل تجيه تروح للشؤون التعليمية تطبع الخطة

الشؤون التعليمية هذي الله يسلمك تلقاها أمامك على طول أول ماتدخل المبنى كونتر وفيه هالشباب اللي يطبعون لك الخطة



موفقك خير

[أبو فاتن]

المشاركة الأصلية كتبت بواسطة sami_1275 الله يعطيك العافية

الله يعافيك وياهلابك أخوي

[mare5421]

المشاركة الأصلية كتبت بواسطة أبو فاتن الموقع الله يسلمك مبنى مقابل كلية الإدارة والأقتصاد والله إني ناسي أسمه أتوقع مركز المعلومات ( عموماً راح تعرفه على طول لأن فيه صيانه أمام البوابة قاعدين يشتغلون فيها لهم أكثر من 5000 سنة ) أول ماتدخل تلقى مكتب أبو طالب هو أول مكتب على يدك اليسار رجال بعوارض تشوف في وجهه الخير بس قبل تجيه تروح للشؤون التعليمية تطبع الخطة الشؤون التعليمية هذي الله يسلمك تلقاها أمامك على طول أول ماتدخل المبنى كونتر وفيه هالشباب اللي يطبعون لك الخطة موفقك خير

الله يعطيك العافية ما قصرت

[عوبد99]

هلا اخوي ابو سعود وجود
اي والله تكفى فزعتك الله لا يهينك
مشكور اخي ابو فاتن على التنويه وما قصرت يا الذيب
بس المشكلة ما اعرف كيف ارسل على الخاص
ليت من لديه الطريقة يعلمني عشان ارسل رقمي لبو سعود وجود
ومشكورين وماقصرتوا مسبقاً
الله يرفع قدركم ويعلي شأنكم ويجزاكم عنا كل خير.

[mare5421]

هلا اخوي عوبد
والله انا زيك ما اعرف كيف الطريقة وأعتقد بعد لازم اكون عني فوق 100 مشاركة عشان تكون عندي الصلاحية للرسايل الخاصة. وانشاءالله الشباب يفيدونك بالطريقة