مستجده وابغى مساعدتكم =)

[azadliq]

السلام عليكم ورحمه الله وبركااته
انا اخر سنه ثانوي (علمي) وحابه استفسر عن قسم المحاسبه
1/ هل اقدر اتخصص فيه ؟؟ يعني هاذا القسم عند البنات
2/ ايش النسبه اللي يقبلون فيها ؟
3/ يعتمد اكثر على الحفظ ام الفهم ؟
4/ دراسه هاذا القسم متعبه ام لا ؟
5/ الدراسه باللغه العربيه ام الانجليزيه ؟
6/ كم عدد سنوات الدراسه ؟
7/ ايش الوظائف المتاحه بعد التخرج ؟

واخيرا ابغى منكم نصحيه تقدمونها لي ؟

بانتظأأركم =)

[Noor Muneer]

هل اقدر اتخصص فيه ؟؟ يعني هاذا القسم عند البنات

اكيد تقدري بس اهم شي في التحضيري تدخلي مسار علمي مو اداري ..

ايش النسبه اللي يقبلون فيها ؟

طبعا اول شي لازم تخلصي السنه التحضيريه .. و النسبه على حسب يختلف من سنه الى سنه .. على حسب مستوى البنات اللي طالبين يتخصصو في دي الكليه .. ياخدو من أعلى نسبه الين ما يكتفي العدد .. يعني مافي نسبه محدده ..

يعتمد اكثر على الحفظ ام الفهم ؟

الاثنين حفظ وفهم .. احس ان بنسب متساويه .. يعني مو كله حفظ و لا كله فهم ..

دراسه هاذا القسم متعبه ام لا ؟

الى الآن ما حسيت ان متعب .. بس السنوات الجايه مادري وش يصير ..

الدراسه باللغه العربيه ام الانجليزيه ؟

انجليزيه .. طبعا ذا نظام جديد توه يتطبق .. السنوات اللي قبل كلهم كانو عربي ..

كم عدد سنوات الدراسه ؟

9مستويات .. يعني 4 سنوات و نص

[ALEMBRA6OR]

المشاركة الأصلية كتبت بواسطة azadliq السلام عليكم ورحمه الله وبركااته وعليكم السلام ورحمة الله وبركاته انا اخر سنه ثانوي (علمي) وحابه استفسر عن قسم المحاسبه اهاا ياهلا والله الله بالمعدلات الطيبة . 1/ هل اقدر اتخصص فيه ؟؟ يعني هاذا القسم عند البنات اي نعم بعد التحضيري "مسار علمي " 2/ ايش النسبه اللي يقبلون فيها ؟ دخولك للكلية على حسب معدل التحضيري وبعدين يصير خير . 3/ يعتمد اكثر على الحفظ ام الفهم ؟ الفهم 4/ دراسه هاذا القسم متعبه ام لا ؟ نعم متعبه وصعبة من حكم سماعي لأغلب اللي درسوه وتعمقوا فيه لانه بالبداية سهل . 5/ الدراسه باللغه العربيه ام الانجليزيه ؟ اول ثلاث سمسترات بالكلية عامه انجلش لكن يقولون تخصص المحاسبة يقلب عربي . 6/ كم عدد سنوات الدراسه ؟ 4 7/ ايش الوظائف المتاحه بعد التخرج ؟ كثيرة جداً وبإمكانك الاطلاع على موقع الجامعة - الكلية ثم قسم المحاسبة والفرص الوظيفية المتاحة . واخيرا ابغى منكم نصحيه تقدمونها لي ؟ شدي حيلك في الثانوي هالحين ثم التحضيري والله يوفقك . لا تيأسي وتنصدمي في مواد الجامعة واسعي للهدف حقك بكل قوتك . بانتظأأركم =)

بالاقتباس .

[alza3eem]

انا اخر سنه ثانوي (علمي) وحابه استفسر عن قسم المحاسبه
1/ هل اقدر اتخصص فيه ؟؟ يعني هاذا القسم عند البنات
اول شي يقبلوكي بكلية الاداره والاقتصاد بعدين تدرسي ثلاث اترام بعدين ان شاء الله تتخصصي محاسبه ويكون باقيلك 4 اترام بالتخصص

2/ ايش النسبه اللي يقبلون فيها ؟
حنا لسه اول دفعه من الترم الجاي نشوف كم بيقبلون من اي نسبه وهو على حسب درجات الطالبات والطلاب

3/ يعتمد اكثر على الحفظ ام الفهم ؟
اكيد على الفهم اكثر

4/ دراسه هاذا القسم متعبه ام لا ؟
مو لذيك الدرجه متعبه عاديه دراسة القسم اتوقع بس لسه مااحد جرب النظام الجديد وهو متخصص
احنا اخذنا مستويين بالمحاسبه وكانت كل وحده اجمل من الثانيه

5/ الدراسه باللغه العربيه ام الانجليزيه ؟
اكثرها بالانجليزي وفيه بعض المواد باللغه العربيه

6/ كم عدد سنوات الدراسه ؟
4 سنوات ونص مع السنه التحضيريه وتقدري تخليها اقل او اكثر على كيفك

7/ ايش الوظائف المتاحه بعد التخرج ؟
مثل ماقال الاخ الامبراطور

واخيرا ابغى منكم نصحيه تقدمونها لي ؟
كملي اختبارات الاثانويه على خير وشدي حيلك بالتحصيلي
لا تدخلي الا علمي بالجامعه عشان تدخلي الكليه


بالتوفيق لكي

[joony]

تضرب فيوزاتك من الارقام
لازم تكوني راايقه عشان تحلي مزبوط

[اسامة كردي]

مثل ماقالولك ...

طبعا اغلب تخصصات الاقتصاد والادارة سارت انجليزي

فحاولي في اجازة الصيف تدخلي معاهد ... ادا كانت لغتك ضعيفة

[Joda Majed]

^

مآقصرو معآكِ آلآعضآء جزآهم آلله خير .,، وزي مآقآلك آسآمه كردي " آذآ لغتك ضعيفه آدخلي معهد بدون تردد " :(

وآللغه ثم آللغه ثم آللغه .,، آنصحك من كل قلبي آنك تطورين لغتك وتشتغلين عليهآ كثير .,،

شدي حيلك ولآتنصدمين ويصيبك آليآس في آول سنه بآلجآمعه .,، وشدي حيلك بآلتحضيري وآلله يوفقك يآرب .,،

وفآلك آلتوفيق يآرب =)

[My World]

دفعتنا ماقصروووا جاوبولك على كل اسئلتك

والحلوين نبوهك على نقطة مهمة
اهم شيء اهم شيء لازم يكون عندك خلفية ولغتك الانجليزية مرة قووية
تطورري نفسك }} فرصة الحين عشان الصيف

وبالتوفيق وان شاء الله نشوفك محاااسبة .~~