استشارة بخصوص اضافة مادة

[مستر m]

أخواني الأعزاء
أنا جدولي كالتالي:
مقدمة في اللغويات،مقدمة في الأدب، مقدمة في الترجمة، فرنسي 2، تحدث واستماع 2، مناهج البحث

حبيت استشيركم في حذف مناهج البحث واضافة ثقافة 3 لاني اشوف الجدول دسم شوي
فياليت تفيدوني برايكم عن هذه الماده (مناهج البحث) وهل هي يبغالها مجهود كبير أو مادة تقدر تستوعبها ومايحتاج حذفها ولكم جزيل الشكر

[مستر m]

أفا يا جماعة يوم كامل مافيه رد

بإنتظار رايكم وشوركم

[حنين الود]

مناهج البحث يبغالها تجهيز حبتين ووقت فاضي ويبغالها شغل ...
توكل على رب العالمين واحذفها بشرط تجتهد في جدولك كله مواد سهله لو جبت ممتاز في الثقافه والفرنسي واللغويات ان شاء الله يرتفع معدلك فوق التصور ..اجتهد وتوكل على الله ابدأ بجمع الأسئله وربنا يوفقك

[hunter 01]

اخوي مستر m
6 مواد في ترم كثيرة شوي ورايح تشتت تفكيرك ولا راح تقدر تجيب فيها الدرجات اللي انت تطمح فيها بالنسبة للثقافة 3 ترى منهجها دسم جدا .... نصيحتي لك خليها 5 مواد وشد حيلك فيها وتمنياتي لك بالتوفيق

[handsome211]

اخوي انا مستوى رابع بس انا اخذت لمحة كبيرة عن المواد الي عندك مثل 321 و 341 و 331 و 350 كنصيحة افضل انك تحذف مناهج البحث 331 واذا مقدمة في الترجمة مع الدكتور الكبير خالد توفيق ربي يوفقه في حياتة نصيحة لا تحذف مقدمة في الرجمة 0 اضف الاسلامية 301 بدل من مناهج البحث والامر راج لك0 لان مقدمة في اللغويات والادب يبيلها جهد0

[حبيتك تنسيت النوم]

مناهج بحث ثقيله حبتين

تتكلم بالتفصيل الممل عن طريقة إنشاء البحوث من أول ورقة لآخر ورقة في العمل
طريقة ذكر المراجع والمصادر - طريقة الفهرسة - طريقة أختيار العناوين المناسبة

و فيه شبتر كامل عن السرقة الأدبية
وفيه شبتر عن الرموز والأختصارات وعلامة الترقيم

وعندنا يالانتظام .. عمر باسلامه ما اختبر دوري ثاني يقول بداله بحث بـ 30 درجه ويناقشك فيه
بس انا اخذتها مع دولاور خان .. رفيق داج ما احطه في بوفيه حتى .. مشنا فيها بأتفه واسهل أسئله شفتها في حياتي بالاضافه الى بحث عليه 5 درجات بس !!

انتبه اذا با سلامه ما انصحك تنزلها مع المواد اللي ذكرتها انت والله يوفقك ويكتب لك اللي فيه الخير .

[حبيتك تنسيت النوم]

ونسيت اقولك لو الترجمه مع خالد توفيق خذها وانت مغمض وشد حيلك شوي بس وتاخذ الـa+ وانت طيب ان شاءالله

والاستماع والتحدث خذها مع اي مخلوق وكائن حي حتى لو من حقين الفضاء اللي معهم 3 عيون وقرنين خضر عادي .. اهم شيء وخر عن طارق علي سيدا .. شوف العيال خريجيين وقاعد لهم في البركتكم 1 وتقدر تشوف شعبه كيف عدد طلابه اللي ينعدون على الأصابع

خلاصة الكلام

زي ماقالوا الشباب لو تحذف مناهج بحث وتضيف ثقافه أسهل لك وأفضل

والله يوفقك