بنات الانجليزي بليــــــتز تعالواا هنا

[M!!ss AnA]

سلاااااااااااااااااااااام
بناااااااااااااااات ساعدوني بليـــــــز ماقبلوني بالاختبار حق تحديد المستوى حق الانجليزي كان حلمي ادخله ياررررررررررربي قهر والله
دحين اللي ابغاه منكم الله يجزاكم خير قالتي سكرتيره الللغات الاوروبيه انه ادخل اي تخصص واجيب معدل عشان اتخصص انجليزي وفي وحده قالتلي اذا ودك بالانجليزي لا تتخصصي شي تاني كملي السمستر التالت بمواد حره تخص ماده الانجليزي وبكذا تجيبي معدل وتتخصصي السمستر التاني وانا مااعرف ايش هي المواد ممكن اللي تعرف تخدمني ام حمدان خاصه نبغى خدمتك

[shesho]

طيب اسمعي في بنات كثير قبلوهم ولا لا
لانو انا لسا مارحت شوفت اسمي
مره خايفه
لو ما انقبلت والله مره راح اتحطم
كمان انا لسا ما اتخصصت

[وريدي]

المشاركة الأصلية كتبت بواسطة shesho طيب اسمعي في بنات كثير قبلوهم ولا لا لانو انا لسا مارحت شوفت اسمي مره خايفه لو ما انقبلت والله مره راح اتحطم كمان انا لسا ما اتخصصت

ايوه في بنات انقبلو ,, وان شاء الله تكوني من اللي قبلوهم

[shesho]

المشاركة الأصلية كتبت بواسطة وريدي ايوه في بنات انقبلو ,, وان شاء الله تكوني من اللي قبلوهم

يارب

[TOTO111]

انا زي حلاتك ماقبلوني قالت لي السكرتيره ادرسي مواد عامه (الثقافه الاسلاميه وعربي وفرنسي مع المواد الحره)ولا كنت متحمسه قبل ماتطلع النتيجه رحت شريت الثقافه قلت بتسلى فيها على مايخصصوني مادريت انهم شاتوني بقووووووه .....
هذي المواد اللي ندرسها الترم الاول وطلبت منها تحويله تبع سكرتيرة شوؤن الانتساب عشان يضيفو لي المواد هذي ومن الصدمه رحت ضيعت التحويله

[ام حمدان]

لا حول ولا قوة الا بالله
طيب انتي ايش كانت مشكلتك الالكا ولا المعدل
اذا الالكا روحي وانشبي لهم وحاولي فيهم لو حتى يقبلونك قبول مشروط --يعني تتخصصي بس بشرط تنجحي في كل موادك بدرجه ماتقل عن جيد

واذا كان مشكلتك المعدل
اوكي
ارفعي معدلك بذي المواد
ثقافه اسلاميه 201 -عربي 201-ومادتين حره -وكمان مبادئ اداره عامه 101 بالنسبه للمواد الحره
اكثر شي اشوف البنات يآخذوا مادة اسمها السيره النبويه والخالفاء الراشدين هي دسمه شويه بس مرره سهله على كلامهم لانه اغلبها كلام مر عليكي من زمان
ولو تحبي تسئلي عن المواد الحره اكثر اسئلي فالرابط هذا


http://www.skaau.com/vb/showthread.php?t=214117

انتي جربي معاهم اول حكاية القبول المشروط واذا ماوافقوا خلاص اعملي الحركه ذي

بالتوفيق :)