بنات الانجلش

[soso11]

السلام عليكم اولا

الموضوع ومافيه انا طالبة وشك تخرج وصراحة تعبت نفسيا من التخصص دا

وانا عارفة انو دكتورة رندا تتابع المواضيع بس انا ماتكلم في شي غلط
اولا: احنا ناس مسلمين ؟
فين التعامل الراقي الي وصانا فيه الرسول عليه السلام

يعني لا استاذات يكلمو البنات بطريقة كويسة

واحيانا الطالبات كمان صح
بس والله كل ماكانت الاستادة كويس ماحيصير من الطالبة الا كل خير
ثانيا : احنا صح تخصص انجلش بس لازم فالاعتبار يعتبرو انو مو لغتنا الاساسية
ليش التعقيد
عشان نطول فالجامعه
طيب ؟
ومعدل واطي ؟ طيب ؟؟ ليش دا كلو ؟؟

تالت شي : فيه ظلم والله العظيم وتمييز
اغلب الاستادات يميزو بين البنات
طيب البنت شاطرة ومشاركة ؟ طيب ادي فرصة للناس التانية

ليش مانكون جامعه مثالية في كل شي

واصعب تخصص فالجامعه من ناحية التعامل والتعقيد للاسف قسمنا واكبر دليل لما نسوي جداول طوابير عند المكاتب


لييييييييييييييييييييش دا كلو ليييييييييييش يناااااس

انا ماكتبت دا الموضوع كدا بس نبا نحاول نساعد بعضنا لازم نجتهد احنا كمان في دروسنا عشان لانصعبهم
بس احيانا يكونو يبغونا نحضر قصيدة مثلا طيب ؟؟ انا حضرت وطلعت معلومات بس مو بيدي انو افهم كل شي ؟؟
ااااااااااه يارب طيب وكمان نبا نستفيد
والله نص البنات مو نصهم كمان تلاته ارباعهم مو مستفيدين ولااااااااااااااااااااشي

يعني مادة نقد ؟؟ ماعرف ايش اهميتها ؟؟
وفيه مواد كتيرة والله مافي وراها الا الهم
طبعا انا حاسة انو جالسة اكلم نفسي وماحيوصل كلامي دا للجهات المسؤؤلة ولا شي بس مجرد افضفض عن الي قاهرني فالجامعه دي

والحمد الله انا ماخصصت اسم احد لانو مهما كان استادات اكبر مني ولازم احترمهم

واشكوى همي الى الله

[حنين الود]

انا قاعده بأربط نفسي عشان ماأكتب حاجه بدا الموضوع
أولا : مين قالك انو د. رندا بتتابع المواضيع من جد الكلام دا؟
تاني حاجه بالنسبه للمواد النقد والمواد التانيه هيا المفروض تدرسيها الصراحه لانو قسمنا أدب
والمفروض يكون في مسارات عشان الواحد يدرس شي هوا حابب يتخصص فيه او يدرسه يسهل على نفسه وعلى الأستاذات وفيه فايده لسوق العمل كل واحد يكون ليه تخصصه تاني حاجه الجداول حتفضل على دا الحال لاتفكري في شي ولا تفكري تتطوري ولا تطوري الخليقه معاكي هما مبسوطين كدا
من ناحيه التعامل المفروض نحترمهم صح بس لما انا اقول نصيحتي او اقتراحي لشي معين بيصير الكل ماحيعتبروه شي صح لانو معناها انو بنعلم الناس الي اكبر مننا كيف يشتغلوا حبيبي يبغالنا 400 سنه بالتمام عشان يتصلح الحال دا
بالنسبه للكلام هوا بيوصل بالنت والا بالدوام والا بأي طريقه تانيه واكيد اغلب الموجودين في القسم حافظينه كمان بس مابينفهم الكلام دا صار ماله معنى

[soso11]

يسلمو حنين ع ردك الحلو

ومنجد يعني تعب ع قلة فاضي مهما تكلمنا صوتنا ماحيوصل

واذا الاساس غلط والتعامل غلط كيف حيكونو الاجيال ؟؟

اللهم نسألك جيلآ نافعا صالحا

[مني يغار الورد]

والله انا اللي مقهورة صح انا لسه دوبي مستوى ثالث
بس ابدااااااا مو معقووول اقعد كم سنة ادرس ادب ايش الفايدة نفسي اسمع اجاابة مقنعععععععععععععة:(

[Ignor]

كلنا بالهوى سوااااااااااااا ..............

[بسوم]

بعمممممممري ما حسيت إني إنسانه غبيه إلا مع دكاترة الإنجليش ..

ما يعطوك فرصة أصلا إنك تحسسينهم بذكائك ..

يعني عشان تكونين المفضله عند هذي الدكتورة لازم تتمسحين فيها وهي داخله ووهي خارجه ..

أنا مو مو من هذا النوع أبدا .. وفيه غيري كثير إنظلموا لإنهم ما يتمسحون بالإستاذات ويشيلون لهم شنط وووو

ليش هالظلم ليييييش .. آآآآآآآآآآآآآآآآه فتحتي جروح كثير يا soso

والله العظيم فيه بنت أعرفها ممتاااااااااااااااااااازه .. البنت متخرجه معي وعلمي ونسبتها بالثانويه 97 وشي ..

ومعايا إنجليش وتحمل موااااد بالهبل .. هذا أكبر دليل إن البلاء مو فينا .. في الديبارتمنت ..

حسبي الله ونعم الوكيل ..

[Brilliant Shores]

المشاركة الأصلية كتبت بواسطة بسوم بعمممممممري ما حسيت إني إنسانه غبيه إلا مع دكاترة الإنجليش .. ما يعطوك فرصة أصلا إنك تحسسينهم بذكائك .. يعني عشان تكونين المفضله عند هذي الدكتورة لازم تتمسحين فيها وهي داخله ووهي خارجه .. أنا مو مو من هذا النوع أبدا .. وفيه غيري كثير إنظلموا لإنهم ما يتمسحون بالإستاذات ويشيلون لهم شنط وووو ليش هالظلم ليييييش .. آآآآآآآآآآآآآآآآه فتحتي جروح كثير يا soso والله العظيم فيه بنت أعرفها ممتاااااااااااااااااااازه .. البنت متخرجه معي وعلمي ونسبتها بالثانويه 97 وشي .. ومعايا إنجليش وتحمل موااااد بالهبل .. هذا أكبر دليل إن البلاء مو فينا .. في الديبارتمنت .. حسبي الله ونعم الوكيل ..

صح لســـــااااانك يا بسوووم >> كأني سامعتك خخخخخخ


بس الحمدلله على كل حال وإن شاء الله نتخرج من هالقسم عاجلا غير آآآآجل ،،، آآآآميـــــــن

[miss.Independent]

اووووووو ماي قااد انا لسسا اول ترم تخصص وانواع التحطيم شووفتووو

ودوبي اكتشف انو جامعة طوول وعررض مافيها قسم انجليش ترجمة !! انا مررا مااحب الادب بس شكلو بالنهاية مافي غيروو

والا فيي؟ خخخخ

يلا الله يسستر واتخرج بسرعا

[آنجليزيّه]

مششو حالكم محد بيسمع لكم ..
احتسبوا الاجر عند ربكم .. ولاتنسوآ صلاه الوتر والدعاء فيهآ ..
وربي بينصركم ومابيضيع تعبكم

[توتة03]

انا ما ني انتظام بس شدني الموضوع وحاسة فيكم انا ما اروح الا ايام الاختبار وكل لي اقعدها ساعتين وشوفت بعيني المعاملة حاسين البنات زي ذبان يبغوا ينفكوا منهم ولا هي غيرة ماني عارفة ايش بضبط يبغوا
ولو صرتوا معلمات لاترتكبوا نفس الاغلاط
بس الي ابغى اقولوا الله يعينكم وينصركم ويسهل اموركم