لنحقق لهم ماتمنيناه ..

[قلب ينبض لله ~]

المشاركة الأصلية كتبت بواسطة asma'a السلام عليكم ورحمة الله وبركاته.. امممم في بالي عدة أفكار وحابة أناقشها معاكم .. أول شيء .. نفسي نسوي في المجلة صفحة اسمها سؤال وجواب .. هنا حنحوط الأسئلة اللي أغلب الناس بتسألها .. كم المعدل المطلوب للقبول .. كم النسبة الموزونة .. كم عدد ساعات التدريب الصيفي .. كم ساعة أقدر أخذ في الصيف .. وغيرووووووووو وغيروووو .. لا تنسو انو احنا كنا في مكانهم يوم من الأيام .. فمساهمة بسيطة منكم قد تُدخل السرور على قلوبهم .. ولكم أن تتخيلو الثواب العظيم من رب العالمين .. وكمان في بالي انو نسوي استبيان ونوزعو ع المستويات المتقدمة .. عشان يعطونا من خبراتهم .. وبعدين دا الاستبيان نجمعو وناخذ الأهم .. يعني لو أحد مايبا يلتزم بشغل في البيت .. ممكن نكون قروب لتوزيع هذي الاستبيانات وتجميعها .. وبعدين يعطوني هيا أو يعطوها همس .. واحنا حنتكفل بكتابتها هنا .. وطبعن حيكون الفضل بعد الله ليكم .. وكمان نحتاج بنات يعطونا افكارهم .. أي فكرة تجي ع بالكم أعطونا هيا .. أفكاركم تُهمنا وتفتح لنا الآفاق .. يعني ممكن نعمل قروب افكار :p .. وكمان ي ليت لو فيه احد عندو خلفية بالفوتوشوب .. نباه يمشي معانا حبة حبة بالتصميمات .. ولو تعرفو ناس تصميماتهم كويسة وراقية وأسعارهم مناسبة .. ي ليت ترسلولي هيا ع الخاص .. لأن اذا اضطرينا ممكن نلجأ لهم .. واتمنى من كل قلبي مانضطر لهالشي ^^.. وانا متأكدة بليون في المية إنو عندنا ناس مبدعة .. واحنا بحاجة لرؤية هذا الابداع ^^.. أبا رأيكم على هالأفكار .. واللي عندو اضافات أو تعديلات عليها .. ي ليت يتحفنا برأيو ^^.. بالتوفيق ي حلوين :$ وتذكرو بأن صنائع المعروف تقي مصارع السوء .. دمتم بخير ,.

أسّوم أنا ممكن أشتغل ع التصاميم بالفوتو في الويك آند إن شآء الله ..
أو في ايام الإسبوع لو ماكنت مضغوطه وعندي وقت =$ ..

[мαѕooяy]

المشاركة الأصلية كتبت بواسطة asma'a لا تحسبوني زي برنامج الراندوم متعصب للبنات هع <== اللي حضر الميقا دي حيفهم :p .. ودي ادخل المنتدى بكرة وألاقي عرب كاتبة في الموضوع :p .. مو ألاقي نفسي ترد ع نفسي :p .. بالتوفيق للكل ^^.. دمتم بخير ^_^..

لاتذكريني بسس بس يستاهلوآ البنـآت

المشاركة الأصلية كتبت بواسطة th4m3r و الله مشكلة اهم شيء عجبكم الميقا داي

لا نآيس مآشاء الله يعطيكم الف عَـآفية ثامر أنت وكل القروب ، ،..

المشاركة الأصلية كتبت بواسطة قلب ينبض لله ~ أسّوم أنا ممكن أشتغل ع التصاميم بالفوتو في الويك آند إن شآء الله .. أو في ايام الإسبوع لو ماكنت مضغوطه وعندي وقت =$ ..

مي تو ، أي شيء يحتاج تصميم ، ممكن آسآعد فيه

[First Officer]

المشاركة الأصلية كتبت بواسطة asma'a ^ ترى الدعوة للجنسين :p .. لا تحسبوني زي برنامج الراندوم متعصب للبنات هع <== اللي حضر الميقا دي حيفهم :p .. ودي ادخل المنتدى بكرة وألاقي عرب كاتبة في الموضوع :p .. مو ألاقي نفسي ترد ع نفسي :p .. بالتوفيق للكل ^^.. دمتم بخير ^_^..

اقلكم كيف (لعبة الردانوم) صارت ؟؟؟

هههه حركــة ذكيــة من ثامــر خدعت 1200 مبرمج ومبرمجة أمام الجميع ,,,

لكن لعبتها مكشوفة وما مرت مرور الكرام قدام مجموعة من المبرمجين ,,,

طبعا اكيد تبغى تعرفوا كيف صارت ؟؟؟

هم قالوا ان الأرقام قسمت بالتساوي واتوزعت عشوائيا على الأولاد والبنات <<< وهذا صحيح 100% وما في شك فيه ,,, طيب كيف صارت الخدعة ؟!!

في الحقيقة انه الأرقام كانت مقسمة إلى مجموعتين , الأرقام الزوجية عند الأولاد والأرقام الفردية عند البنات...

والأخ ثامر في البداية فتح لنا الماين كلاس (اللي فيه برنامج الراندوم) وخش على الكود وعدّل في اللوب (رفع قيمة السحب من 1200 إلى 1300 أمام الجميع وكلنا شفنا الكود) لأنه كان فيه واحد من الشباب رقمه أكبر من 1200 <<< وإلى الآن كل شي في السليم

لكن الخدعة صارت انه لمن خلص من التعديل ما فتح نفس الكلاس خرج من البرنامج وفتح كلاس ثاني , وواجهة البرنامج نفس الواجهة للكلاس الأول (المعدّل) طبق الأصل >>>> وكذا ما شفنا الكود تبعه (اللي هو اختيار الأرقام الفردية فقط).... (يعني في البداية كان في كلاسين) عشان كذه البرنامج ماصار يختار إلا أرقام البنات,,,

وبعدين أخونا في الله لمن شاف الشباب زعلانين, خرج من البرنامج وفتح الكلاس الأول وبدأ البرنامج باختيار أرقام الأولاد...ههههه

خدعة بسيطة ضحكت على الجميع , بس يا ثامر مو انت الوحيد المبرمج ,

كلنا مبرمجين وكلنا كنا جالسين قدامك , ما تمشي علينا هذي الحركات ^_^

تقبل مودتي ,,,

[мαѕooяy]

^
الفكرة ممكن تتنفذ بالشكل ده بسهولة ،

لكن انا رقمي كان زوجي ×_× ، يعني مآتوقع متقسمة فعلا ً على ده النحو ،..

وفي بنت فازت ورقمها 902 وانا واثقة من ده الشيء ،..

وفي نفس الوقت صحبتي رقمها 115 ، و فازت

^^

يعني فردي + زوجي طلعوآ من البنات ^^
،..،


بعدين ايش الفايدة من ده الشيء لو فعلا ً كذا

أعترفو انو حظنا حلووو >> آوت ^^

[deathpain]

المشاركة الأصلية كتبت بواسطة First Officer اقلكم كيف (لعبة الردانوم) صارت ؟؟؟ هههه حركــة ذكيــة من ثامــر خدعت 1200 مبرمج ومبرمجة أمام الجميع ,,, لكن لعبتها مكشوفة وما مرت مرور الكرام قدام مجموعة من المبرمجين ,,, طبعا اكيد تبغى تعرفوا كيف صارت ؟؟؟ هم قالوا ان الأرقام قسمت بالتساوي واتوزعت عشوائيا على الأولاد والبنات <<< وهذا صحيح 100% وما في شك فيه ,,, طيب كيف صارت الخدعة ؟!! في الحقيقة انه الأرقام كانت مقسمة إلى مجموعتين , الأرقام الزوجية عند الأولاد والأرقام الفردية عند البنات... والأخ ثامر في البداية فتح لنا الماين كلاس (اللي فيه برنامج الراندوم) وخش على الكود وعدّل في اللوب (رفع قيمة السحب من 1200 إلى 1300 أمام الجميع وكلنا شفنا الكود) لأنه كان فيه واحد من الشباب رقمه أكبر من 1200 <<< وإلى الآن كل شي في السليم لكن الخدعة صارت انه لمن خلص من التعديل ما فتح نفس الكلاس خرج من البرنامج وفتح كلاس ثاني , وواجهة البرنامج نفس الواجهة للكلاس الأول (المعدّل) طبق الأصل >>>> وكذا ما شفنا الكود تبعه (اللي هو اختيار الأرقام الفردية فقط).... (يعني في البداية كان في كلاسين) عشان كذه البرنامج ماصار يختار إلا أرقام البنات,,, وبعدين أخونا في الله لمن شاف الشباب زعلانين, خرج من البرنامج وفتح الكلاس الأول وبدأ البرنامج باختيار أرقام الأولاد...ههههه خدعة بسيطة ضحكت على الجميع , بس يا ثامر مو انت الوحيد المبرمج , كلنا مبرمجين وكلنا كنا جالسين قدامك , ما تمشي علينا هذي الحركات ^_^ تقبل مودتي ,,,

مشكلة الواحد إذا صار فيلسوف يشطح بأفكار مدري كيف،،

وبعدين يا حبيبي لو كلاسين على قولتك فالبروجكت واحد والبرنامج راح يشغل الكلاسين ،،

البرنامج كان عشوائي بالكامل واستخدم فيه ميثود جاهزة وزاد الرانج حقها لـ1300 لمن الولد قال إنه Out of Range ،،

المهم: حظ البنات كان حلو وحظ الأولاد حلو كمان وفي الأخير تعادل الإثنين

الشغلة كلها حظ ليس إلا وإذا مسوي عبقرينو سويلنا برنامج ونستخدمه قدامك المرة الجاية :)

بالتوفيق لك

[deathpain]

المشاركة الأصلية كتبت بواسطة мαѕooяy ^ الفكرة ممكن تتنفذ بالشكل ده بسهولة ، لكن انا رقمي كان زوجي ×_× ، يعني مآتوقع متقسمة فعلا ً على ده النحو ،.. وفي بنت فازت ورقمها 902 وانا واثقة من ده الشيء ،.. وفي نفس الوقت صحبتي رقمها 115 ، و فازت ^^ يعني فردي + زوجي طلعوآ من البنات ^^ ،..، بعدين ايش الفايدة من ده الشيء لو فعلا ً كذا أعترفو انو حظنا حلووو >> آوت ^^

في ناس تحب تخرب على المبدعين فقط ليس إلا

[asma'a]

قلب ينبض بالله & مسوري

يعطيكم العافية حبايبي

ي ليت اذا ماعليكم كلافة تفكرو دي اليومين بغلاف المجلة .. لين ننتهي من كل شيء ^^..

لأن احس الغلاف ماحيكون فيه هروج كثيرة .. أو ممكن نكتب عليه بشكل عشوائي زي المجلات الكبيرة :P ..

يعني كذا ولا كذا .. حيكون التصميم ع كل الغلاف ^^..

واذا مداكم كمان .. حاولو تسوو خلفيات بسيطة بشكل علمي كل ماطفشتوو .. عشان بعدين تسهل عليكم مهمة التنسيق .. والفوتوشوب التعديل عليه ان شاء الله سهل .. لكن المشكلة في الفوكيرة ^^..

فإذا حابين ممكن نفتح موضوع أو أي وحدة منكم تفتحوو .. ويكون دا الموضوع مرجع لقروب التصميم .. عشان تتناقشوو في الافكار .. وممكن البنوتات أو الشباب لما يشوفو حماسكم .. يشاركووكم أفكارهم

بالتوفيق حبايبي

دمتم بخير

----------------------------------------

First officer & massory & deathpain

الللللللله يسامحكم حمسوووتي لما شفت المشاركات زادت ههههههههههههههههههه

قلت الحمدلله الأعضاء صحيوو وصاروو بيشاركوو وبيحطوو حركتات هع

اتاريكم بتتناقشوو في برنامج الراندوم

بالنسبة للفكرة اللي قالها فيرست اوفيسر ^^.. قد تكون صحيحة لو ماكان رقمي زوجي ^^..

انا الرقم اللي كان معايا 954 ^^.. والرقم اللي كان مع صاحبتي وكان مع الأولاد نفس الرقم .. 115 ^^.. وكلهم أوراقهم سليمة ^^..

يعني كل شيء كان في السليم الحمدلله

بس البروبلم انوو احنا البنات دايمن .. نحوب نكون أول من يستولي على الهدايا :P .. وسويناها دي المرة كمان .. أو يمكن عشان القاعدة المتعارفة عن البنات وانهم دوافير .. مالاحظتو ان الكتب كلها من نصيبنا .. وزي ماقالت مسووري الحظ كان معانا

اممم أخوي عبدالكريم .. يمكن بسبب انو أول 7 فايزين كانو بنات .. وثاني 7 فايزين كانو أولاد ^^.. يعني مجرد ملاحظة تحتمل الخطأ والصواب.. مش تخريب ولا شيء ^^.. وترى الفكرة اللي قالها ماشاء الله تبارك الله اجرامية وخطيرة بغض النظر عن صحتها .. وفي المستقبل لو سويت مؤتمر حسويها .. بكذا الكل يكون راضي :P .. بنات وأولاد ^^..

بالتوفيق للكل ^^..

وي ويلكم لو جيت اشوف مشاركات زادت واتحمممممست وفي الاخير يطلع تكملة لبرنامج الراندوم .. حرفسكم ترى .. <== ترا شعووور صعب انك تتحمس وبعدين مايكون الشيء اللي في بالك

أو خلوونا نتفق ع شيء :P .. أي أحد يبا يناقش في برنامج الراندوم .. لازم يجيب شيء خاص بالغرض الرئيسي لدا الموضوع ^^.. وتحت مشاركتوو يُكتب تعبير عن برنامج الراندوم <== ي رب تنفع دي الطريقة

دمتم بخير ^^..

[Th4m3r]

مساء الخير

للتنبيه البرنامج راندوم و ما فيه أي تحيّز
اتمنى ما نمزح في الموضوع دا لأنو فيه غيركم حيفهم الموضوع غلط

[asma'a]

المشاركة الأصلية كتبت بواسطة Th4m3r مساء الخير للتنبيه البرنامج راندوم و ما فيه أي تحيّز اتمنى ما نمزح في الموضوع دا لأنو فيه غيركم حيفهم الموضوع غلط

مساء النور والسرور

أخليت بشرط المشاركة بالموضوع

v
v

وي ويلكم لو جيت اشوف مشاركات زادت واتحمممممست وفي الاخير يطلع تكملة لبرنامج الراندوم .. حرفسكم ترى .. <== ترا شعووور صعب انك تتحمس وبعدين مايكون الشيء اللي في بالك أو خلوونا نتفق ع شيء :P .. أي أحد يبا يناقش في برنامج الراندوم .. لازم يجيب شيء خاص بالغرض الرئيسي لدا الموضوع ^^.. وتحت مشاركتوو يُكتب تعبير عن برنامج الراندوم <== ي رب تنفع دي الطريقة

^



ووالله عارفين ان البرنامج راندوم وولا تحيز وولا حاجة

بس انو الحظ في البداية كان معانا

بالتوفيق أخوي ^^..

دمتـَ بخير ^^..

[Abooody.NETwork]

صراااحه تهت بين الموضوع والردود

شكيت في نفسي

موفقين واي حاجه تبوها عن اي دورة
او عن قسم الاي تي

انا تحت امركم


موفقين