مشكلتي مع الانجليزي

[كونتيسه]

السلام عليكم ورحمة الله وبركاته

اخباااااااااااااااركم
تقبل الله منا ومنكم قيامنا وصيامنا وبلغنا ليلة القدر ياااااارب

ندخل بالموضوع بصراحه نفسي اتعلم اللغه الانجليزيه لكن ماني عارفه كيف
سجلت بكذا موقع واملللل منه واتركه واخر موقع هو لايف موكا عجبني جلست فيه اربع ايام وتركته
دخلت العطله هذي معهد بيرلتز دورتين تحضيري والمستوى الاول وبصراحه استفدت منهم كثير
لكن خاايفه انسى وحاسه اني نسيت بعض الاشياء لاني ماراجعت
ومفكره اليوم ابدا اراجع الي درسته
بصراحه ماعندي حصيله كلمات كثيره

فكرة اجيب فلبينيه بالبيت تتدرسني ماااااااالقيت
لكن لقي هنديه هههههه شرطت عليه اجيب زوجها من الهند وتركتها
وزي ماتعرفون الان الوظائف كلها يطلبون شهادة انجليزي مستحيل القاء الا وانا معايه هذي الشهاده
و الان باقي ليه سنتين واتخرج باذن الله وخايفه تمر السنتين هذي وانا ماعملت شي

سمعت من كثير ان الافلام تفيد بالتعليم لكن مااحب اتفرج افلام وكمان ماعندي قناة افلام
فكرت اتفرج انمي دورت بالنت كلللللللها انجليزي ولا مدبلج ولا ياباني مترجم لكن انجليزي ومترجم مالقيت

ياريت تساعدوني بالطرق الصحيحه لتعلم اللغه
هل فيه اشرطه ممكن اشتريها تفيدني لقيت اشياء بجرير لكن ماشتريت قلت اسأل ولا اتورط بشي
اقدر اتعلم اللغه بسنه او سنه ونص
تعرفوا مواقع كويسه اقدر استفيد منها
اممم اخر شي ايش افضل قاموس اشتريه من جرير ممكن يفيدني

اعذروني على الاطاله لكن بجد هذا الموضوع ارهقني كثييييييير
وشكرا

[الصرح الشامخ]

نفس المشكلة موجوده عند كل الناس وعندي والسبب هو التأسيس .. لذا يجب رفع الموضوع ..حتى يراه المختصين للاجابة ..

تحياااااااااااتي للجميع ،،..،،..،،..

[تفآحة نيوتن}~]

حبيت افيدك واقولك انو انا سويت الي قلتي عليه

ولا استفدت ششي


بما انك انتي مبتدئة

استمري في الي اقولك عليه لمدة شهر على الأقل

وشوفي اذا تقدمتي خطوة ولا لا

___


الخطوة الأولى :- في البداية لما تسمعي محادثة مثلا او تقري جملة مقال او شي ثاني

لازم تكون عندك مخزون من المفردات (الكلمات)

عشان تفهمي كل كلمة وبعدها تفهمي ايش تقصد الجملة

يعني اول خطوة احفضي احفضي احفضي

بس مو حفظ مشي حالو تسمعي الكلمة اول شي عشر مرات

وبعدين كرري كتابتها وحطيها في جملة

(الخطوات ذي الاستماع ثم التكرار كتابته ) راح تثبت الكلمة لك تثبيت مزبوط


الخطوة الثانية:- وانتي على النت افتحي موقعالـ bbc

عندهم رابط للقناة تسمعيها مباشرة

وانتي على النت اسمعي له , نزلي محادثات قصيرة, قصص على جوالك


لما تستمعي كثيررر رراح تتحسن قرائتكـ كثيرررر


الخطوة الثالثة :- اقري قصص انجليزية مقالات اي شي ادخلي مواقع الصحف الانجليزية

مثل الجارديان والديلي تلغراف , والتايمز

اقري مو شرط تفهمي كل شي ( الاهم زي مااسوي انو اراجع المخزون الكلمات عندي )

وتفهمي كلمتين من جملة راح تفهمي الجملة كلها

وكمان اشتري لك قصة بالإنجليزيةمن المكتبة وانتي تتعلمي

كل نهاية اسبوع اقريها وحطي خط تحت كل كلمة فهمتيها

وكل اسبوع سوي زي كذا بعد 3 اسابيع راح تشوفي الكتاب مليان خطوط

وذا زي الاختبار لك يختبر مخزون الكلمات عندكـ


في معلومة حطيها في راسك كويس

( اسمعي كثير , تتكلمي اكثر / اقري كثير , تكتبي اكثر )


_________


بس استمري على الخطوات الثلاثة ذي لمدة شهر على الأقل

صدقيني راح تحسي انك تقدمي خطوات وكسرتي حاجز كبيرر

وصار عندك ثقة واستعداد تتعلمي بشكل اعمق

وقتها اتعلمي القرمر والاشياء الثانية مع الاستمرار على الخطوات الثلاثة

في كل مكان وكل وقت


نصيحة خلي الانجليزي كهواية لك تحبيها تمارسيها في اي وقت

لو قلنا بنتعلم ونسوي دروس ووقت محدد نحفظ الكلمات ووقت ثاني للإستماع

<< كذا راح نمل ونتكاسل

[تفآحة نيوتن}~]

المشاركة الأصلية كتبت بواسطة الصرح الشامخ نفس المشكلة موجوده عند كل الناس وعندي والسبب هو التأسيس .. لذا يجب رفع الموضوع ..حتى يراه المختصين للاجابة .. تحياااااااااااتي للجميع ،،..،،..،،..

صحيح تأسيسنا ضعيف

لاكن دحين احنا كبار ونقدر نتعلم

وبيدك اذا تبغى تتعلم ولا ماتبغى

مرحلة اللوم انتهت

فبدل مانجلس نلوم الي ماأسسنا ونتشكي

نتقدم خطوة نعتمد على انفسنا نتحرك

احنا محنا صغار لازم يعلمونا كل كلمة وكل حرف



مع تمنياتي للكل بإجادة هذه اللغة

[كونتيسه]

مشكوره اختي تفاحه
بصراحه كلام منطقي
ريحتيني الله يريحك بجد حسيت انزاح القلق مني
وان شاء الله بطبق الي قلتي عليه


شد الهمه اخوي الصرح الشامخ ان شاء الله السنه الجايه تكون تمااااااااام باللغه

[تفآحة نيوتن}~]

المشاركة الأصلية كتبت بواسطة كونتيسه مشكوره اختي تفاحه بصراحه كلام منطقي ريحتيني الله يريحك بجد حسيت انزاح القلق مني وان شاء الله بطبق الي قلتي عليه شد الهمه اخوي الصرح الشامخ ان شاء الله السنه الجايه تكون تمااااااااام باللغه

تسلمي اسعدني ردك

ربي يوفقك ان شاء الله

وييسر لك كل عسيرر

[عبــــــــــد الله]

روحي معهد نيوهيرايزون او المعهد البريطاني وسنة وحدة حتكوووون دجاجة انجليزي قصدي بلبل

واهم شئ انك تفكرين انك رايحة تستفيدن ..... غير كدا خروجك متل دخولك

موفقة

[كونتيسه]

المشاركة الأصلية كتبت بواسطة عبــــــــــد الله روحي معهد نيوهيرايزون او المعهد البريطاني وسنة وحدة حتكوووون دجاجة انجليزي قصدي بلبل واهم شئ انك تفكرين انك رايحة تستفيدن ..... غير كدا خروجك متل دخولك موفقة

مشكور

امممم لكن مافهمت ايش قصدك خروجك مثل دخولك خخخ يعني مايفهم هذا المعهد

انا الي اعرفه انو افضل معهد بجده هو بيرلتز
ونيورايزي بنت خالتي جربته مررره مو كويس
لكن البريطاني مااسمعت عنه

[almalaak]

خيتووو انا تخصصي انقليزي ودحين مع الاجااازه احس نسيت كل اللي تعلمته طول السنه

الانجليزي يبغااالو مرااااااااااااااجعه على الاقل في الاسبوع مره

أمسكي ورقه وقلم وأبدأي أكتبي جمل عربيه(((مو أي جمله يعني تكون كلماتها مهمه وصعبه شويه ونحتاجها كتييير )))

بعدين حاولي تقلبيها انقلش طبعا حتلقي نفسك ماتعرفي تحولي كل الكلمات ع الانقلش

تمسكي القاموس وتدوري على الشي اللي ماعرفتيه وبكدا ماراح تنسيهااا لو ايش

بس طبعا لااااااازم تكرري الشي داااااا

التكراااااار يعلم...............((الشطاااار))

[كونتيسه]

يسلمووووووو ملوكه

الله يوفقك ياعسل