عاشق الامل شكرا لك الف شكر

[ابو عبدالعزيز العتيبي]

فعلا اخوي عاشق الامل طلع خطاء في المعدل وابشرك تم تعديله من جيد الى جيد جدا
اشكرك لولا الله ثم انت لمضت الامور على ماهي عليه
نصيحه لطلاب انتبهو لاخطاء المعدل انا 3 واحد يعدل هذا الترم

[عاشق الامل]

ماشاء الله
موفق اخوي الكريم
الحمدلله ، تصير الاخطاء في جامعة واي مكان
اهم شي انه ما يضيع حق وراءه مطالب ، ولازم علينا نتاكد ونسعى ، والله اسعدتني وفرحتني
انا نفس الشي قبل كذا اعطوني f في الانجلش ولما راجعت اخذت a+ الحمدلله والمعدل ارتفع جدا
المهم على الجميع اي درجة شاكك فيها او لو المعدل حاسس انه مو طبيعي ومنخفض بالنسبة للدرجات لازم يراجع الجامعة ، اهم شي يكون متاكد قبلها عشان لا يحرج نفسه هناك
و بالتوفيق لكم لًلجميع ^_^ ، وشكرا على الموضوع اخي الكريم جزاك الله خير على شكرك ، هذا واجبنا كلنا اننا نساعد بعض .

[رزان العاشرة]

السلام عليكم ورحمة الله وبركاته.
كيف حالك أخوي عاشق الأمل؟؟.
أخوي أنا اختبرت صحة نفسية يوم الإثنين اللي طاف.
ونزلت درجتو تمام؟.
والدرجة هي f.
ومو عاجبتني أبد.
مع إني والله متأكدة إني حليت.
أسعفني وش الحل تكفى أخوي.
ولك مني جزيل الشكر والعرفان.

[عاشق الامل]

اختي الكريمة رزان لازم تروحي الجامعة كلية الاداب قسم الاختبارات وتعطيهم رقمك الجامعي راح يطبعولك ورقة الاجابة حقتك وفيها عدد الاخطاء وعدد الاجابات الصحيحة
لانه احتمال تكون في غلطة في رصد الدرجة في الكشف ، انما ورقة الاجابة وضعك يكون فيها تمام ، ولو ما نفع روحي لدكتورة المقرر اللي مكتوب اسمها عندك في الاودس وراجعي معها الورقة وان شاء الله تكوني ناجحة
واذا لا قدر الله رسوب الله يعوضك وتعيدي المادة ، بالتوفيق لك وان شاء الله مافي رسوب .

[رزان العاشرة]

أخوي أرسلتلها رسالة ع إيميلها وإن شاءالله ترد.
وجزاك الله خير أخوي.