استفسار عن مواد ابغى اضيفها

[ranas]

السلام عليكم ورحمه الله وبركاته

ابغى ارتب جدولي وحابه تساعدوني فى اختيار المواد انا اخترت
رايتنق
سمنار
بويتري
ابلايد
دراما

ايش رايكم ضغط ولا إن شاء الله اعديهم على خير

ياريت تفيدوني الى مجربه الله يسعدكم دنيا واخره يارب
ساعدوني وفرجو كربه لاخت مسلمه عشان ربي يفرج عليكم دنيا واخره ياااارب

[ريم17]

انا اقول لو تحذفي السمنار افضل لان المواد التانيه دسمه نوعا ما ......ماعدا الرايتنق ....استبدلي السمنار بأي ماده ثانيه ......لو تضيفي ماده حره تكون سهله وحلوه عشان ترفعي معدلك ....والله يوفقك ياعسل

[انا رورو انا]

ابلايد ودراما وبويتري مرررررررررا كتير ! خدي الابلايد لانو مرا دسمة المادة دي ودمها تقييييل واخلصي منها وخدي دراما مع مس كويسسه المادة برضو يبغالها جهد واحدفي البويتري..االسمنار ع حسب كلام اغلب البنات المادة خفيفه

[ranas]

يعطيكم العافيه
رور انا وريم مرررره شكرا على ردكم بس والله حابه ادرس بقوه هذا السميستر عشان اخلص تعبت من الجامعه والاولاد
حيلي اتهد قلت هذا السميستر بقفل على نفسي شهور واضغط على نفسي عشان اعدي
انا شوفت الابلايد اشتريت الكتاب واقرا فيه شوى بس السمنار نفسي اعرف سهل ولا لا؟؟؟؟ ويقولو في بحث صح الكلام؟؟؟

وعشان هذا الماده مع خوله مااحبيت اضيع الفرصه بصراحه خوله استاذه اكتر من روووووعه وافهم عليها مرررررره عشان كذا
اما البويترى مااعرف عنو ولا شي سوى اسمه فقط

[ام حمدان]

وعليكم السلام ورحمة الله وبركاته

اممم
طيب ممكن سؤال
انتي خلصتي مواد اللغويات ؟

لانه السيمنار مايخلونك تدرسيه الا عالتخرج وتكون مخلصه فروع اللغويات وفيه بحث طبعا


اما ابلايد ودراما وشعر احسها زحمه

قوليلي بقيه موادك الي مادرستيها وبفيدك إن شاء الله

[ranas]

مواد الغويات كلهااا خلصتهاا الحمد لله بس باقيلي الابلايد والسمنار بس

اما الادب لسا مااخذت غير مقدمه في الادب بس باقي فكشن ودراما وبويترى ومودرن وبركتكم ون وتو وريسرش وشكسبير لسا مااخذتهم

[nour al3mr]

براكتكم 1 انحذفت و انضاف بدلهـــــآ مقدمة في العلوم الطبيعية chem 205

اذا شايفة انك راح تقدري تتفرغي للموآد و تعطيها حقها بالمذاكرة فاتوكلي على الله = )

[ranas]

تسلمي اختى نور العمر يعطيك العافيه يااارب ويوفقك دنيا واخره

يعنى شايفه المواد الى حضيفه إن شاء الله متوافقه مع بعض؟
ابلايد
سمنار
بويتري
دراما
رايتنق
اتوكل على الله واضيفهم؟

[ranas]

ايش معنىchem
هل هي ماده انجليزيه؟
ومتى اقدر اخذهاا؟
وهل في احد اخذهاا قبل؟

ياريت تفيدونى

[nour al3mr]

مناسبة لو وقتك يسمح لانها أدبية وتحتاج تفرغ

أما الـ chem هي من قسم الكيميــــآء

للآن ما بدأ تدريسها لكن من الانتظــــــآم راح نعرف = )