مكتبة دار الهدى
معهد ام القرى
مساحة اعلانية
 
وصف
الأستاذة وفاءالاستاذة جوهرةالاستاذ علي عبدالعظيمدكتورة الكيمياءالاستاذة صفاء
الأستاذة سارةمدرسالاستاذة بهجةمساحة إعلانية متاحةالاستاذ حسن ابو شريف
الاستاذ ابو محمدالاستاذ اسامة عبدالرحمنالاستاذ وليد حافظ

 

 


العودة   منتديات سكاو > الملتقيات الجامعية > ملتقى السنة التحضيرية > ملتقى المسار العلمي إنتظام
   
   


ملخص تجربتي للسنة التحضيرية

ملتقى المسار العلمي إنتظام

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 13-06-2018, 06:37 AM

عبدالعزيز. عبدالعزيز. غير متواجد حالياً

جامعي

 
تاريخ التسجيل: Sep 2016
الكلية: كلية الطب
التخصص: طب و جراحة عامة
نوع الدراسة: إنتظام
المستوى: الأول
البلد: خليص
الجنس: ذكر
المشاركات: 12
Skaau.com (5) ملخص تجربتي للسنة التحضيرية


السلام عليكم و رحمة الله و بركاته
محدثكم طالب طب مستجد MED18 , لي عن اخر اختبار بالسنة التحضيرية شهر لذلك المعلومات المكتوبة في هذا الموضوع طازة ,جديدة لا غبار عليها إن شاء الله . سأنقل تجربتي للسنة التحضيرية و نصائح أنا استفدت منها و أعتقد أنها بتفيدكم بإذن الله .
أولا السنة التحضيرية متطلب إجباري لجميع الطلاب المستجدين و لها مسارين علمي و إداري ( إنساني ) , انا راح أتكلم للعلمي ان شاء الله و ,على النسبة الموزونة للسنة التحضيرية فقط يتم تخصيص الطلاب في الكليات حسب المقاعد المتاحة لكل كلية ( التسكين ).
راح تمر بخطتين أ و ب لكل خطة مواد معينة و سيتم شرحها لاحقا , يتم تحديد الخطة الخاصة بك من الجامعة ( مثلا إذا تم تحديد الخصة الخاصة بك أ , راح تاخذ خطة أ في الفصل الأول و تاخذ الخطة ب في الفصل الثاني و العكس صحيح ) .

الخطة أ
الرياضيات 110 نقرتين لعرض الصورة في صفحة مستقلة
منهج كان جميل صراحة شامل جدا و بنفس الوقت مو متعمق مرة , أحلى شيء فيها إذا فهمتها تحس نفسك فيثاغورس هههه , أهم شيء إذا شيء ما فهمته لا تخليه يمر كذا , علطول حاول تفهمه سواءً من الانترنت أو تسأل الدكتور حقك أو دكتور أخر , تخلي زميلك يشرحلك دبر نفسك المهم لا يمر كذا , لان المادة مترابطة ببعض جدا , مثلاً راح تاخذون درس في الأشتقاق له علاقة و ثيقة بالمستقيمات و الميل لذالك مهم تفهم كل شيء و أعتقد هذا الشيء حلو لانك ماراح تضطر تراجع كل شوي , راح تشوف نفسك و انت تذاكر الدرس الاخير إنت راجعت الدرس الثاني معاه و هكذا دواليك ( راح تضرب عصفورين بحجر ) .
راح تاخذ فيه الارقام و تصنيفاتها , المستقيمات و الميل و التعامد و التوازي و المتطابقات المثلثية , الدوال و أنواعها و الدوال العكسية و اللوغاريثمات , و الاتصال و النهايات و الإشتقاق ( الحب ) .
توزيع الدرجات: 30 درجة الأختبار الدوري الأول ,30 درجة الأختبار الدوري الثاني , 40 درجة للإختبار النهائي . طبعا ممنوع استخدام الحاسبة , صراحةً أنا كنت خايف من هذا الشيء جدا لكن طلعت مرة سهلة , ماراح تحتاج الحاسبة أبدا , الأرقام مرة سهلة و بسيطة.
أما بالنسبة لدكتور المادة لا تهتم مرة كثير فيه لأن فيه مصادر مرة كثير غيرها بالنسبة لي كان دكتور المادة مثل المرجع أو المستشار , أرجعله اذا ما عرفت أحل مسأله أو شيء مرة عجزت أفهمه , لكن برضو أحرص أن يكون الدكتورعربي عربي عربي و ليس غيره لأنك حتتعب شوي , لكن برضو حتى لو أجنبي تقدر تدبر نفسك تحضر لخصوصي أو تحضر محاضرة دكتور اخر تكون عارف موعد المحاضرات تبعه ما أعتقد انو في أحد ما بيخليك تدخل .
أما الحضور في الأول و الأخير الأمر يرجع للدكتور تبعك متساهل أم لا , لكن في سنتنا 2018 كانوا مرة مشددين على الحضور , لا يضحكون عليكم يقولوا الحضور للمواد العلمية غير مهم هذا يمكن زمان لكن في سنتنا تغير كل شيء في طلاب كثير أخذو حرمان .
المصادر:
ما اخفيكم الأمر أني ذاكرت من كل شيء تقريبا بس أكتشفت متأخر للأسف إنها مضيعة للوقت و الجهد , الافضل إنك تختار مصدر أو اثنين تضع فيها كل تركيزك .
أولا : أهم شيء , لو اكتفيت به فقط بتاخذ الدرجة الكاملة إن شاء الله , حساب البروفيسور حمزة أبو جبل في تويتر و محاضراته التطوعية للطلاب و ملخصاته , روحوا تويتر و اكتبوا حمزة أبو جبل راح يطلعلكم و أما المحاضرات التطوعية هذي على حسب ما ادري اذا بيسوي أو لا , عموما هو يعلن في تويتر عن موعد و مكان محاضراته التطوعية جزاه الله خير و اليوتيوب مليء جداً
بفديوهات المحاضرات و الشروحات للبروف حمزة أبو جبل, أما ملخصاته البروف عنده قناة تيلجرام ينزل فيها ملفات البي دي اف تبع ملخصاته , بتلقا رابط القناة في حسابه في تويتر .
ثانيا : من أجمل الملخصات و أشملها على الإطلاق ملخصات أشرف بركات وجدتها حتى أفضل من ملخصات السعدي رغم شهرته , عيبها الوحيد إنها مكتوبة بخط اليد لكنها جميله جدا , بتلقاها في مكتبة 2000 بجانب الجامعة .
ثالثا : تست بانك ( يعني نماذج اختبارات قديمة ) مهم جدا لجميع المواد, و جدت تست بانك السعدي ممتاز , عبارة عن مراجعة عامة و اختبارات قديمة تذاكره قبل الاختبار بيوم أو أقل بعد ما تغطي المنهج كامل .
رابعاً :الكتاب مهم جدا , لغته سهل جدا و تنظيمه رائع و واضح جدا يعني أقدر أقول اذا شيء منت فاهمه ممكن ترجع للكتاب , حاول انك تجد نسخة pdf أفضل بدال ما تشتريه لانه ماراح تاخذ جميع الشابتر إذا ما لقيت نسخة الكترونية حاول تستعير من المكتبة المركزية للجامعة الكتب اللي تحتاجها , و ايضا عشان تذاكر من الكتاب بشكل جيد يجب عليك البحث عن خطة المنهج أو syllabus تجد فيه المواضيع اللي راح تاخذونها و أمثلة و أسئلة تدريبية من الكتاب مختارة بعناية , لذالك ركز جدا على الأمثلة و الأسئلة المختارة و حاول تفهمها جيدا لأن الإختبار راح يجي نفس أفكارها و قريبه منها مرة و أحيانا نفسها خاصتاً في الرياضيات , أيضا
ركز على المفاهيم و التعريفات و حاول تفهما جيدا مو تحفظها و أفضل مكان لفهم التعريفات الكتاب .
خامساً : موقع symbolab موقع فادني جدا لأنه يحل لك النهايات و الاشتقاق و يعرض الخطوات و طريقة الحل .الرابط ( https://www.symbolab.com/ )
الفيزياء 110
منهج جميل , صغير نسبياً , لطيف , لكن مفاهيمه كثيره شوي و يجب عليك فهمها مرة مرة مرة كويس عشان تحل كويس, ولذلك حاول انك تكون عند دكتور ممتاز أو احضر اكسترا .
أما بالنسبة لتوزيع الدرجات مثل الرياضيات .
أما المنهج راح تدرسون الكميات القياسية و المتجهة و المتجهات و الازاحة و التسارع و السرعة و قوانينها و القوة راح تتوسعون فيها جدا و الاحتكاك .
أما الحضور مثل الرياضيات .
أما المصادر اللي أنصح فيها :
أولا : أيضا ملخصات أشرف بركات جدا حلوة و بسيطة و شاملة .
ثانيا : تست بانك العربي .
ثالثا : في الأيام الأخيرة قبل الإختبار بعد مذاكرتك لملخصات أشرف بركات حاول إنك تمر سريعا على ملخصات يوسف زويل لأنها تغطي الأفكار و الملخص صغير نوعا ما , راح تكون مراجعة جيدة قبل الإختبار .
رابعاً : خطة المنهج أو syllabus عشان تعرف إيش اللي معاك بالضبط .
نصيحة قبل ما تحل أي سؤال في الفيزياء لازم تعرف ايش يبغا بالضبط و كيف الحالة يعني هل الجسم طالع ,هل هو نازل ,هل رُمِيَ عموديا ,هل رمي افقيا و هكذا دواليك .
مهارت الحاسب 100
مادة سهلة جدا , و مرة حلوة , تعتبر بريك بعد المواد الثقيلة اللي فوق ,أغلب المعلومات إنت أصلا عارفها,تقدر تاخذ الدرجة الكاملة بسهولة جدا و انت مرتاح بس لا تهملها للاخير حاول تتدرب مع الدكتور و في البيت و حتى لو احتجت المعمل اتفق مع دكتورك
راح تدرسوا في الويندوز و الوورد و الإكسل و البوربوينت و الخوارزميات ( حل المشكلات ) هذا بالنسبة للعملي ,
أما النظري راح تدرسون أنواع الحواسب و قطع الحاسب و الشبكات و أنواعها و التجارة الالكترونية و التعليم الالكتروني .
راح يكون عندكم أربع أختبارات عملي بـ70 درجة و إختبار نظري أخر الترم بـ20 درجة و الحضور عليه 10 درجات .
المصادر : ( الترتيب ليس على الاهمية )
أولا : و أهم شيء الكتاب مهم جدا خاصةً للاختبار النظري .
ثانيا : تست بانك هشام تعباني جيد بس أنتبه لأنه في اخطاء .
ثالثا : الدكتور تبعك مصدر جدا مهم , وحاولوا تكون عند دكتور كويس و متساهل شوي, عشان اللي بيراجع و يعطيك درجةالاختبار العملي هو نفس دكتورك .
مهارات الإتصال 101
مادة ولا أحلى محاضرتها من أفضل المحاضرات راح تستمتع جدا فيها , أغلب دكاترتها كويسين جدا .
راح تدرسو فيها الاتصال و أنواعه و الاتصال مع الذات و الاتصال اللفظي و الغير اللفظي و مهارات الارسال و الاستقبال و الحوار و الإقناع .
توزيع المنهج : 10درجة حضور , 10درجة تقديم عرض , 10درجة بحث أو عمل , 30درجة اختبار نصفي , 40درجة اختبار نهائي ,
طبعا 30 درجة تبعة الحضور و العرض و البحث أو العمل تعتمد على دكتورك يتحكم فيها على كيفه ممكن ما يطلب عمل و يعطيك الدرجة الكاملة ممكن العكس ممكن يطلب عرض فقط و هكذا دواليك .
أما المصادر :
أولا : و أهم شيء الكتاب مرة مهم , مافي شيء راح يغنيك عن الكتاب , راح تجد ملخصات تنتشر في القروبات قبل الاختبار مثل اعتقد تبع هشام تعباني
لازم تعرف انه ماراح يغنيك أبدا عن الكتاب ,و تجي أسئلة على التفاصيل اللي ماراح تجدها الا في الكتاب , نصيحة لا تترك شيء في الكتاب إلى قد حفظته إذا تبغا الدرجة الكاملة , ممكن يفيدك الملخص بعد ما تذاكر الكتاب كمراجعة .
ثانيا : تست بان هشام تعباني حلو إذا كان عندك وقت اطلع عليه .
انتهى

الخطة ب
خطة تعتبر أثقل من خطة أ عشان فيها 3 مواد علمية .
الأحياء 110
مادة جميلة بس ثقيلة شوي لكثرة المواضيع و التفاصيل لكن ماهي متعبة مثل الرياضيات مثلاً , الغالب فيها هو الحفظ و لكن الفهم أيضا مهم .
الدرجة الكاملة فيها سهل جدا جدا , اللي عليك تترجم السلايدات كل يوم بيومه عشان ما يضيع وقتك بعدين وقت المذاكرة للاختبار على الترجمة .
طبعا كل ما كانت انجليزيتك أفضل كل ما قل وقت المذاكرة و العكس صحيح , لكن برضوا حتى لو انجليزيتك ضعيفة تقدر تعديها بدرجة كاملة اذا التزمت بالترجمة و المذاكرة المستمرة .
الدكتور مو مرة مهم لأن السلايدات و اضحة و ما تحتاج شرح كثير .
طبعا السلايدات اطلبها من الدكتور أو بتجدها في موقع كلية العلوم قسم الاحياء و لا تذاكر غيرها أبدا , حتى ما تحتاج syllabus .
توزيع الدرجات: 30 درجة اختبار دوري أول , 30 درجة أختبار دوري ثاني , 40 درجة اختبار نهائي , يختلف عن المواد العلمية الأخرى أنو اللي تختبره ما راح تختبره مرة ثانية , كل اختبار مواضيع أخرى.
أما الحضور مثل الرياضيات .
المصادر :
أولا : السلايدات أهم شيء , تقدر تكتفي بها فقط و تاخذ الدرجة الكاملة سلام سلام .
ثانيا : اذا تبغا شيء يرتب أفكارك بعد مذاكرة السلايدات , عليك بملخصات الشعراوي لكن ما تغنيك أبدا عن السلايدات إذا تبغا الدرجة الكاملة .
ثالثا : التدريب التفاعلي في موقع كلية العلوم حلو إنك بعد المذاكرة تمر عليه عشان تعرف طريقة الأسئلة . راح تنتشر شائعات تقول إنك إذا حفظت أسئلة التدريب التفاعلي
تاخذ الدرجة الكاملة عشان الإختبار ياجي نفسها نسخ لصق , وهذا الكلام خطأ مردود عليه , الأختبارات كان يمكن فيها سؤال سؤالين فقط مثل التدريب التفاعلي , لا تسوي الحركة هذي إذا تبغا درجة كويسة نصيحة .
رابعاً : حاولوا تتفرجون مقاطع في اليوتيوب تشرح لكم و يفضل تكون أنميشن عشان تكون صورة في دماغك .
الكيمياء 110
أكثر مادة كنت خايف منها بحكم إني كنت ضعيف فيها في الثانوي بس اكتشفت إنها مادة مرة حلوة لما فهمتها كويس .
تعتبر أصعب و أثقل مادة في الخطة هذي , صعويتها تكمن في ان الدروس لم تكن مرتبطة ببعض بشكل كبير , طويلة بعض الشيء بس تبقى سهلة للي يذاكر .
حاول تجد فيها دكتور مرة مرة مرة كويس عشان لازم تفهم مرة مرة مرة كويس .
راح تدرسوا فيها الوحدات و المولات و حساباتها و القواعد و الاحماض و تسمية المركبات و أحوال المواد و تركيز المحاليل و الذائبية و الجدول الدوري و التوزيع الإلكتروني غيرها .
توزيع الدرجات : 30 درجة اختبار دوري أول , 30 درجة أختبار دوري ثاني , 40 درجة اختبار نهائي .
أما الحضور مثل الرياضيات .
المصادر :
أولا : أهم شيء ملخصات السيد و بس , أفضل ملخصات و جدتها للكيمياء تغطيلك كل شيء , و مطبوعة بالكمبيوتر و مرتبة .
ثانيا : تست بانك السيد جدا جدا جدا مهم , ما تتخيلون كيف مهم , لازم تعرف طريقة الاسئلة في الكيمياء عشان تعرف تحل في الاختبار , ركز جدا في التست بانك ذاكره قبل الاختبار بيوم أو يومين بعد ما تخلص
الملخصات حقت السيد .
ثالثا : الانترنت , ايه فعلا الانترنت رهيب جدا خاصةً موقع اليوتيوب لمادة الكيمياء , هذي بعض القنوات اليوتيوبية اللي فادتني :
1 - قناة Tyler DeWitt رجل أجنبي بس شرحه غاية في الروعة و البساطة خاصةً في تسمية المواد , حتى لو انجليزيتك مو مرة كويسة راح تفهم .
2 - قناة HS Engineers رجل عربي جزاه الله خير أستفدت منو في الكيمياء كثير , طبعا هو ما يشرح منهج جامعة الملك عبدالعزيز لكن راح تلقون تشابه مرة كثير بين منهجكم و محتوى الفديوهات .
و غيرها الكثير من الفديوهات المنفصلة , شاهدوا كمان المحاضرات المصورة من دكاترة جامعة الملك عبدالعزيز سواءا مراجعة أو شرح .
الإحصاء 110
تعتبر في الوسط بين الأحياء و الكيمياء في السهولة و الصعوبة , مادة صغيرة نسبيا , سهلة , ممتعة ,راح تستمتع فيها ان شاء الله .
راح تدرسون فيها عن علم الاحصاء و أنواع البيانات و الدراسات و أنواعها و الإحتمالات و التشتت و الانتشار في البيانات و غيرها الكثير .
توزيع الدرجات : 25 درجة اختبار دوري أول , 25 درجة أختبار دوري ثاني , 40 درجة اختبار نهائي , 10 درجات واجب .
جزء كثير من الأسئلة يُحَل عن طريق برنامج الإكسل و اضافة في الاكسل اسمها ميجا ستات , على فكرة احنا دفعة18 أول سنة يُطَبق فيها نظام الحل بالأكسل و نظام الواجبات , الاختبار بيكون في المعامل , راح يعطوك ورقة الاسئلة و الأسئلة اللي تحتاج تحلها بالإكسل تشغل الكمبيوتر و تفتح
برنامج الاكسل و تحل و بعدين تضلل على الاجابة في الورقة عندك ,
الاكسل سهَّل علينا كثير مرة , عكس السنوات اللي قبلنا كانوا جميع الأسئلة يحلونها بدون اكسل حسابات كثيرة و كلام كثير .
مثال مثلا لما بتحسب المتوسط الحسابي تروح تكتب البيانات في الاكسل و بعدين تضللهم و تقله عطني المتوسط و تضلل الاجابة و انت مرتاح بدون ما تعرف كيف جابها ,
لكن السنوات اللي قبلنا كانوا لازم يعرفون الخطوات عشان يحلونها حسابيا , طبعا بتقول المتوسط الحسابي سهل أقول انا معاك لكن في أشياء في صعوبة شوي و بتطول لو بتحلها حسابيا .
أما بالنسبة للواجبات , بعد كل شابتر تاخذوه راح ينزل لكم في نظام البلاك بورد أسئلة الواجب و التفاصيل راح تعرفونها مع الدكتور بعدين إن شاء الله .
- قبل ما تحل أي سؤال أفهمه مرة كويس لأن كلمة واحدة ممكن تغير المطلوب فوق تحت .
أما الحضور مثل الرياضيات .
المصادر : ملحوظة ( الترتيب ليس على الاهمية )
أولا : الدكتور مهم جدا تكون عند دكتور شاطر و يعرف للأكسل , لأن نظام الاكسل جديد على الدكاترة و راح تلقا بعض الدكاترة ما يعرفون يشرحون طريقة الحل بالأكسل و لا يعرفون له حتى .
ثانيا : سلايدات دكتور سعيد الغامدي مهمه جدا , ذاكرها و لا تذاكر غيرها .
ثالثاً : الشعبة المساندة جدا مهمة في البلاك بورد . ( سيأتي التفصيل بعد قليل )
رابعا : مراجعة الدكتور سعيد الغامدي لأسئلة الواجب قبل الاختبار ( تحتها 1000 خط أحمر ) , ممكن يسويها و ممكن لا لكن عموما هو يعلن عن الموعد , مهمه جدا يعض الأحيان الاختبار ياجي نفسها .
خامسا : أسئلة الواجب أفهمها مرة مرة كويس لأن الاختبار ياجي نفس الفكرة بالضبط بس الأرقام متغيره , حتى نفس نص السؤال .
أنا برأيي ما تحتاج ملخصات السعدي أو غيره للأحصاء بالعكس تشتتك و تضيع وقتك , اكتفي بالسلايدات و مراجعة الدكتور سعيد الغامدي و تدرب على الأكسل عشان ما تضيع و قت في الاختبار و تضيع عليك درجة .

انتهى

الأنجليزي :
لم أضيفة مع اللي قبل لأنه أنت ممكن تأخذه الترم الأول بس أو نص الترم الاول أو مرا ما تاخذه فهو ليس ضمن خطة معينة .
عموما ما اعرف عنه كثير بس راح اتكلم باللي أعرفه .
هو كورس عبارة عن 4 مستويات كل مستوى بياخذ نص ترم تقريبا و تختبر عليه و تقفله , عندك حلين الأول هو أنك تجيب شهادة ايلتس بدرجة 4.5 أو ما يعادله في اختبار التوفل و يعادل عنك الأنجليزي ( أي يحذف عنك ) ,
الثاني : إنك تختبر اختبار تحديد المستوي المقدم من الجامعة و يتم تحديد المستوى لك , راح تجيك رسالة بالموعد و المكان .
وزنه بالمعدل ساعتين , و المستوى الأول لا يحتسب بالمعدل .
محاضراته مزعجة قليلا 4 ساعات في اليوم تقريبا .
المصادر :
أولا : الكتاب فقط هو اللي تحتاجه الباقي كله وسائل مساعدة , الكتاب جدا واضح و مبسط و المنهج جدا سهل .
ثانيا : الانترنت أكيد
راح تسمع بملخصات في المكاتب المجاورة للانجليزي بس لا أظن إنك راح تحتاجها أبدا , الكتاب يحتوي على ملخص للقواعد في أخره و الكتاب جدا لغته سهلة.
نصائح عن الانجليزي :
1 - لا أحد يضحك عليك و يقول يرفع المعدل , هو ممكن يرفع لكن انت ما تضمن تجيب درجة كويسة فيه, بالعكس تفتك منه أفضل بكثير لأنك بتركز على المواد العلمية الثانية
خاصةً أن دوامه مزعج جدا و متعب و مضيعة وقت صراحة لانه المنهج مرة سهل لكن أنت ملزم بالحضور و الجلوس لأربع ساعات ( ممل ) و دوشة كل شوي اختبار , راح تنشغل بالانجليزي عن المواد الأهم .
2 - لا تعطي المادة أكبر من حجمه .
3 - الدكتور مو مرة مهم , المهم يكون حبوب عشان تتحمل الاربع ساعات ههههههه و متساهل عشان هو اللي يقيم اختبارت الكتابة و أحيانا التحدث .

كذا انتهينا من المواد و الخطط .


طيب بعض الملاحظات التي أود التحدث عنها:
- لكل مادة لها منسق مادة هو اللي يحدد المواضيع و هو اللي يكتب اختبار مادته لجميع طلاب التحضيري , حاول تكون في شعبته , عشان تلقى يشرح الأشياء اللي هو يبغاها و يكون التواصل معه أسهل , إذا ما قدرت تكون في شعبته حاول تجد رقمه أو إيميله و تتواصل
معاه إذا بتسأله عن النظام أو شفت شيء مو عاجبك في المادة و شعبها و المنهج و الاختبار و غيرها .
- اختيار الشعب قديما كان ما بتقدر تغير شعبتك إلا عن طريق عمادة القبول و التسجيل و مو دايما تزبط , لكن نحن في هذي السنة في الترم الثاني أتاحوا لنا تغيير
الشعب عن طريق الأودس في وقت محدد , ما ادري إذا بيفتحوه لكم و لا لا , لكن لو فتحوه حاول تستغله , و حاول تكون في شعب المنسقين .
- في هذي السنة عملوا لنا الشعب المساندة للمواد العلمية في نظام البلاك بورد ( رياضيات , كيمياء , إحصاء , فيزياء ) , أعتقد أنو بيكملوا عليها, هي
شعبة يَحَدد لها موعد في الأسبوع ( محاضرة واحدة فقط ) تكون غالبا حل أسئلة الكتاب , لكنها مفيدة جدا خاصة للإحصاء ,حاولوا تكونون برضوا عند شعب المنسقين المساندة و إذا ما كنت عنده كلمه و قله ضيفني معاك في الشعبة المساندة.
- استخدم البريد الجامعي في التواصل مع الكادر الأكاديمي أفضل .
- عدد ساعات جميع المواد ما عدا الانجليزي 3 ساعات .
- لا تشتري كتاب إلا اذا كنت فعلا محتاجه , حاول تستعير الكتب اللي تحتاجها من المكتبة المركزية للجامعة .
- استخدم تطبيق AnkiDroid مفيد جدا لحفظ الكلمات , فائدته تذكيرك بالكلمات بانتظام , أكتب فيه الكلمات اللي تحتاج استذكارها , فادني جدا للأحياء حيث كنت أكتب الكلمات اللي ما اعرفها في البرنامج
كل ما أترجم السلايدات و راح يذكرني فيها هو بانتظام , عموما حمله و عطه فره و راح تعرف طريقة عمله . ( للأندرويد مجانا , لنظام ios غير مجاني ) .
- راح أتكلم عن موضوعين مرتبطة ببعض ارتباط وثيق جدا , الأول : حاول تبحث عن القروبات حقت الدفعة في الواتس اب أو تيلجرام , راح تكون مصدر ازعاج لكن بنفس الوقت تعرف ايش اخر الأخبار و ايش قاعد يحصل مع الدفعة
إذا عندك مشكلة ممكن تشاركها مع زملاك راح تلقى ناس مروا بنفس المشكلة و أهم شيء إذا في نقطة من المنهج ما كنت فاهمها أو سؤال تقدر تسأل طلاب دفعتك في القرويات وماراح يقصرون , راح تستفيدوا
منها خاصة في أسئلة واجب الإحصاء .
الموضوع الثاني : راح تسمع إشاعات و أخبار مالها مصدر موثوق لين الليل , خاصة في القروبات , لا تصدق أي شيء , عندك سؤال يخص الجامعة أو الدرجات أو الاختبار أفضل ناس ممكن تسألهم هم الكادر الأكاديمي مو زميلك في الدفعة .
- راح تسمع كثير من الناس يقولون ما راح تمشي في السنة التحضيرية بدون مدرس خصوصي , أو إذا تبغا طب أو هندسة لازم خصوصي , بكل قوة و صرامة
أقدر أقولك أنه كلام فاضي , ما تحتاج تحضر للخصوصي عشان تجيب درجات كويسة , أنا مثال و غيري الكثير , لم أحضر عند أي خصوصي عشان أدخل طب ,
صح ممكن تتعب شوي لكن برضوا ما تحتاج لأنه المناهج سهلة و تحتاج منك تركيز شوي و وقت .

كذا أنا انتهيت ولله الحمد .
أي سؤال أو نقطة ما فهمتها من فضلك إسألني .
حقق الله جميع أمانيكم , و جعلكم في أعلى المنازل .
الحمدلله رب العالمين , و السلام عليكم و رحمة الله و بركاته .
رد مع اقتباس

 

The Following 2 Users Say Thank You to عبدالعزيز. For This Useful Post:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-06-2018, 07:51 PM   #2

ابحر الجنوبية

جامعي

 
تاريخ التسجيل: Jan 2018
كلية: كلية الحقوق
نوع الدراسة: إنتظام
البلد: جــــدة
الجنس: ذكر
المشاركات: 17
افتراضي رد: ملخص تجربتي للسنة التحضيرية

بيض الله وجهك ما قصرت
لكن حاب اعدل معلومه بسيطة جدا وهي في الحاسب
انا ادبي ولكن درسنا في الحاسب الويندوز و الوورد و الاكسل و البوربوينت و حل المشكلات كذلك

وشكرا على الموضوع الجميل

 

ابحر الجنوبية غير متواجد حالياً   رد مع اقتباس
 

الأعضاء التاليه اسماءهم يقولون [ شكرا ] لـ ابحر الجنوبية على هذة المشاركة:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 18-06-2018, 02:51 AM   #3

عبدالعزيز.

جامعي

 
تاريخ التسجيل: Sep 2016
كلية: كلية الطب
التخصص: طب و جراحة عامة
نوع الدراسة: إنتظام
المستوى: الأول
البلد: خليص
الجنس: ذكر
المشاركات: 12
افتراضي رد: ملخص تجربتي للسنة التحضيرية

المشاركة الأصلية كتبت بواسطة ابحر الجنوبية مشاهدة المشاركة
بيض الله وجهك ما قصرت
لكن حاب اعدل معلومه بسيطة جدا وهي في الحاسب
انا ادبي ولكن درسنا في الحاسب الويندوز و الوورد و الاكسل و البوربوينت و حل المشكلات كذلك

وشكرا على الموضوع الجميل
وجهك أبيض يا قلبي

ممكن في تشابه مع الأدبي في جزيئات هذا وارد .

شكرا لك شرفني مرورك

 

عبدالعزيز. غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 14-07-2018, 09:07 PM   #4

Dr.jestre

جامعي

 
تاريخ التسجيل: Jul 2018
كلية: مسار السنة التحضيرية علمي
التخصص: طب وجراحة
نوع الدراسة: إنتظام
المستوى: الأول
البلد: جــــدة
الجنس: ذكر
المشاركات: 1
افتراضي رد: ملخص تجربتي للسنة التحضيرية

السلام عليكم شكرا علي المعلومات الي ذكرتها هنا بس عندي كم سؤال انت عادلت الانجليزي ولادرسته وبختبار تحديد المستوى كيف اقدر اتجهز له عشان انحط بلفل عالي اتنشاء الله اتمنى تفيدني

 

Dr.jestre غير متواجد حالياً   رد مع اقتباس
 

الأعضاء التاليه اسماءهم يقولون [ شكرا ] لـ Dr.jestre على هذة المشاركة:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 15-07-2018, 06:19 AM   #5

عبدالعزيز.

جامعي

 
تاريخ التسجيل: Sep 2016
كلية: كلية الطب
التخصص: طب و جراحة عامة
نوع الدراسة: إنتظام
المستوى: الأول
البلد: خليص
الجنس: ذكر
المشاركات: 12
افتراضي رد: ملخص تجربتي للسنة التحضيرية

المشاركة الأصلية كتبت بواسطة dr.jestre مشاهدة المشاركة
السلام عليكم شكرا علي المعلومات الي ذكرتها هنا بس عندي كم سؤال انت عادلت الانجليزي ولادرسته وبختبار تحديد المستوى كيف اقدر اتجهز له عشان انحط بلفل عالي اتنشاء الله اتمنى تفيدني
و عليكم السلام و رحمة الله و بركاته
بالنسبة لسؤالك الأول أنا اختبرت تحديد المستوى و حطوني في المستوى الثاني و كان صراحة إجحاف لمستواي لكن أيش نسوي الشكوى لله , المهم مر أو أسبوع للانجليزي إلى أن طلب الدكتور من كل طالب كتابة قطعة عن نفسه , و بعدين هو يراجعها , فلما نظر في ورقتي جزاه الله خير قالي انت أعلى من المستوى الثاني , أنا بحولك للمشرف و أحاول أرفعك للمستوى الثالث , و فعلا رحت للمشرف و قالي راح نختبرك تحديد مستوى مرة ثانية , قلت تمام . و حددنا موعد للاختبار و اختبرت و بعدها بايام حددوني على إني في المستوى الثالث .
و بس والله درست المستوى الثالث و الرابع في الفصل الأول .
لا تشيل همه بسيط جدا كل مستوى أسهل من الثاني, و لو قدرت تعادل يكون أفضل أكيد وإذا ما قدرت أخذها سهالات إن شاء الله .

أما بالنسبة للتجهيز لإختبار تحديد المستوى , صراحه ما أعرف مصدر محدد للتجهيز لهذا الإختبار بهالتحديد , بس عموما حاول تحسن إنجليزيتك خاصة في القراءة و الأستماع , حاول تستغل الاجازة في الانجليزي نصيحه يختصر عليك كثير , إحفظ كلمات قد ما تقدر .

شرفني مرورك , موفق يارب , إن شاء الله تكون سنة حلوة لك يارب و تنبسط فيها .

 

عبدالعزيز. غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-07-2018, 03:00 AM   #6

qaz199

جامعي

 
تاريخ التسجيل: Feb 2018
كلية: مسار السنة التحضيرية علمي
نوع الدراسة: ثانوي
البلد: جــــدة
الجنس: ذكر
المشاركات: 1
افتراضي رد: ملخص تجربتي للسنة التحضيرية

السلام عليكم
هل اختبار تحديد المستوى هو نفسه اختبار oxford online placement test ؟

 

qaz199 غير متواجد حالياً   رد مع اقتباس
 

الأعضاء التاليه اسماءهم يقولون [ شكرا ] لـ qaz199 على هذة المشاركة:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-07-2018, 06:52 AM   #7

عبدالعزيز.

جامعي

 
تاريخ التسجيل: Sep 2016
كلية: كلية الطب
التخصص: طب و جراحة عامة
نوع الدراسة: إنتظام
المستوى: الأول
البلد: خليص
الجنس: ذكر
المشاركات: 12
افتراضي رد: ملخص تجربتي للسنة التحضيرية

المشاركة الأصلية كتبت بواسطة qaz199 مشاهدة المشاركة
السلام عليكم
هل اختبار تحديد المستوى هو نفسه اختبار oxford online placement test ؟
وعليكم السلام و رحمة الله و بركاته

على ما أعرف نعم هو نفسه , بس برضو تأكد و أسألهم على حسابهم في تويتر .

شكرا لك , شرفني مرورك .

 

عبدالعزيز. غير متواجد حالياً   رد مع اقتباس
 

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 17-07-2018, 08:17 AM   #8

its okay

جامعي

الصورة الرمزية its okay

 
تاريخ التسجيل: Jul 2018
كلية: كلية الاقتصاد والادارة
التخصص: ادارة عامة
نوع الدراسة: إنتظام
المستوى: السادس
البلد: جــــدة
الجنس: ذكر
المشاركات: 3
افتراضي رد: ملخص تجربتي للسنة التحضيرية

نصيحتي اللي داخل تحضيري ركزز على الاختبارات الاولى ضروري كنت متهاون فيها ماكنت ادري ان اغلب نتيجة المادة منها

 

its okay غير متواجد حالياً   رد مع اقتباس
 

الأعضاء التاليه اسماءهم يقولون [ شكرا ] لـ its okay على هذة المشاركة:

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 

 


الساعة الآن 05:21 AM


Powered by vBulletin® Version 3.8.9 Beta 3
Copyright ©2000 - 2018, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2018