الحذف و الإضافة ، و آخر ترم لي بالجامعة

[@أبو فايز@]

بسم الله الرحمن الرحيم
السلام عليكم و رحمة الله وبركاته
.
.
.
.
.
.
.

أخواني و أخواتي أبي شوركم في المواد الحرة ، أنا معدلي 3.18 ، و أنا طالب من دفعة 07
و بقي لي 21 ساعة ، أي 7 مواد ، 3 مواد حرة ، و 4 مواد تخصص ...


اللي قررته هو مادتين علم نفس 221 و 242 ، و مادة التاريخ 221

جدولي الحالي فيه ال4 مواد الخاصة ، وبقي لي الحرة ، حاولت أضيفها من النت بعد طول إنتظار و كثرة محاولات لدخول الأودس ، و يتضح لي إن المواد الحرة الموجودة فقط هي stat و math !!

بعد سرد قصتي عندي بعض الأسئلة لكم :

هل هذه هي المواد الحرة المتاحة فقط !! لماذا سميت حرة إن كانت إجبارية ؟؟
هل يوجد مواد أسهل منها ؟ أتمنى أن تتكرموا و تشاركوني تجاربكم مع المواد الحرة
هل معدلي يسمح لي بأن أسجل 21 ساعة و أتخرج هذا الترم إن شالله ؟؟
الحمدلله لم أسجل أو أحذف أي مادة إلا عن طريق الأودس ، فهل الإضافة اليدوية في الجامعة للمواد الحرة تتم عن طريق القسم أم العميد أم القبول و التسجيل أم .... ؟؟ وما شروطها ؟؟

أتمنى مشاركة الكل بتجاربهم و ألف شكر و تقدير لكم

[ESC]

عليكم السلام و الرحمه

هل هذه هي المواد الحرة المتاحة فقط !! لماذا سميت حرة إن كانت إجبارية ؟؟
لا طبعا .. هذي مدري وش جايبها
المواد الحره تضيفها من الجامعه شخصيا <<هذا اذا كان نظامكم زينا معرفش ^^؛
حره لانك حر تختار الماده اللي تبغاها
هي اجباريه فقط بعدد الساعات لا اكثر ولا اقل
هل يوجد مواد أسهل منها ؟ أتمنى أن تتكرموا و تشاركوني تجاربكم مع المواد الحرة
اي طبعا فييه .. عندك فقه السيره النبويه
جغرافيه سياسيه مع استاذ محمد القحطاني [مو متاكده من الاسم] << رائع رائع و النجاح بـ a+ بسهاله عنده و مرره حبوب و اخلاق
هل معدلي يسمح لي بأن أسجل 21 ساعة و أتخرج هذا الترم إن شالله ؟؟
اتوقع يمديك عادي ماله دخل المعدل في عدد الساعات اللي ترغب بتسجيلها
الحمدلله لم أسجل أو أحذف أي مادة إلا عن طريق الأودس ، فهل الإضافة اليدوية في الجامعة للمواد الحرة تتم عن طريق القسم أم العميد أم القبول و التسجيل أم .... ؟؟ وما شروطها ؟؟
بالنسبه للمواد الحره حنا نضيفهم من عند المشرفه الخاصه ..
كيف تعرف المشرف؟ على حسب رقمك الجامعي
شوف رقمك عند اي مشرف و تفاهم معه
..

الله يوفقك و ييسر لك امورك :)

[English boy]

سبحان الله اخوي فايز .. انا عندي مشكلة المواد الحرة زيك بالضبط .. مدري شسوي فيها
يمين بالله هي اللي ماخرتني عن التخرج ... وانا خايف انزل مواد بس تطلع صعبة و تنزل معدلي
المشكلة اني في التاريخ والجغرافيا زيرووووو .. يعني الله يستر!!! مستعد ادرس شكسبير مرتين .. ولا ادرس تاريخ
لكن شوف وش بتسوي .. وانا معك ان شاء الله تقدر نتخطاها
ياشباب مافي مجال نتخرج من دون المواد الحرة .. او عالاقل ناخذ ثنتين منها ..

[مملكة عمري]

221 تاريخ هذه مو سيرة؟
اذا ايه خذها وخذ مادة السيرة اللي من الدراسات
كلهم الرحيق المختوم
بس اللي من الدراسات ساعتين

[@أبو فايز@]

ESC + مملكة عمري

ألف شكر على المساعدة و إن شالله بشوف المواد واللي يناسبني منها وما يتعارض مع الجدول
و الساعات القصوى لكل طالب هي 18 ساعة ، تذكير دائماً موجود بين أعيننا في الأودس
والله يعين راح أشحت الثلاث الساعات الباقية




English boy

هلا بالولد الإنجليشي
أنا في خطتي المطلوب 3 مواد حرة ، قلت أخليها آخر ترم وتساعدني بالمعدل والتخرج ، إن شالله بشوف أسهل المواد و أضيفها ، الأودس معي من اليوم إلى يوم الجمعة ، ولا مالي الا الجامعة اروح أضيفها يدوياً ، بالنسبة للتاريخ و الجغرافيا إن كان مالك فيها علم دور غيرها ، ترى المادة الحرة فرصة ما تفوت في رفع المعدل إن شالله ، و بالتوفيق للجميع