اسئله للى فاهمه بالاحصاء تدخل بليز

[yoola]

سلام
بخصوص الاحصاء الي فاهمه تفهمنى كيف!!!
ا1ختيار الاتنساب بكتاب ص309فقره 23قيمه الثابت sكيف طلعنها لها قانون ولا شو

2صفحه 308سؤال 19 مركز الفئه الاولى كيف جات كمان سؤال 19
3صفحه 311التكرار بسؤال 38 كيف طلعناه
الله يسعد الي تردويوفقها وين ما راااااااحت

[خـجل]

وعليكم السلآم ورحمة الله وبركآته
أتمنيت أني أرد على تساؤولاتك بس للأسف كتابي الإحصاء مو معايا

بس روحي لِ محاضرات مادة الإحصاء من موقع الجامعه

حمليها على حسب الفصل اللي انتي تسألي فيه وشوفي

لأن شرح الدكتورات في المحاضرات جـــداً كويس
جبت b+ . . بفضل الله ثم بفضلهم ^^

[amal refaei]

1- ص 309 فقره 23

نقول عن التوزيع الاحتمالي انه منفصل اذا كان جميع قيم الاحتمالات اكبر من او تساوي الواحد يعني قيم موجبه والشرط دا متحقق عندنا في السؤال
وشرط اخر ان تكون مجموع قيم الاحتمالات مساويه للواحد
وعندك في السؤال القيم المعطاه هي..
0.3+0.25+0.2+s
ومجموعهم زي ماقلنا لابد يساوي الواحد اذا قيمة s راح تكون الاختيار A اللي هو 0.25
وانتي ممكن تجربي تجمعي الارقام المعطاه كل مره مع ناتج من النواتج المعطاه والعدد اللي يطلع حاصل جمعه مع الاعداد مساوي للواحد هو الجواب الصحيح

[amal refaei]

اما بالنسبه لصفحه 308 السؤال 17

راح تكون اجابته فقره c اللي هي 32.5

لانه العدد الواقع في المنتصف بالضبط بين الفئه الاولى والثانيه وراح يكون هو مركز الفئه الاولى

والفئه الاولى تبدء من 25 الى اقل من 40

لو جيتي طرحتي 32.5 - 25 = 7.5
ولو طرحتي 40 - 32.5 = 7.5


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ

وبالنسبه لفقره 19

نجيب النسبه المئويه عن طريق ضرب التكرار النسبي في مئه

والتكرار النسبي هو حاصل قسمة التكرار على مجموع التكرارات

والمطلوب عندنا النسبه المئويه لعدد التلفزيونات في الفئه الرابعه

راح نجيب التكرار النسبي لها وهو 6 / 25 = 0.24

ونضرب الناتج في مئه عشان نجيب النسبه المئويه 0.24 × 100 = 24%

اذا الجواب هو فقره A

[yoola]

الله يوفقكم ويسعدكم يارررررب

[amal refaei]

وبالنسبه للسؤال الاخير ص 311 فقره 38

طبعا هو بيعتمد على الجدول اللي فوق

حاولت فيه الين دخت وطلع معايا الفقره b ) 279.13

بس والله مدري كيف زبطت معايا اعطيني فرصه اعيدها تاني وارجع افهمك ان شاء الله


اتمنى اكون افدتك بمحاولاتي والله يوفق الجميع