كلية الكيمياء اللحيوية ^_*

[دافئ الإحساس]

المشاركة الأصلية كتبت بواسطة rnooma يا لبااااااااااا نحناااااااا ويالبا البيوك p: والله شي جميل فرحني مررة

من جد يالبا طلاب وطالبات البيوك في كل انحاء السعودية

>>اصلا مافي الا هنا وفي سعود

دوم الفرحة يارب

[دافئ الإحساس]

المشاركة الأصلية كتبت بواسطة لمسات الورد مافاااائده أن يكوووووون القسم جميلـ اعضآء هيئه التدريس أجمل وهو قسم غير معترف به في وزارة الصحة......!!!؟؟؟ انا تخرجت السنة اللي فاااتت ولمن قدمت على المستشفيات قالوا لي هذا القسم غير معترف به بسبب انه الجماعه فتحت قسم افضل منه وهو قسم المختبرات الطبية وان مدير الجامعه وقع ان قسم الكيمياء الحيوية غير مؤهلين للعمل وارسل بها للوزاره فاصدرت الوزارة قرار بمنع توظيف خريجين الكيمياء الحيوية... وهذه قضيه تابعناها في ديوان المظالم واتضح ان المشكله من الجامعة وليس من الوزارهـ....!! أنا اشهد انه قسم رائع لدرجه انه في خارج المملكه موظفين الكيمياء الحيويه مطلوووووبين ورواتبهم عاليه جدا ويرون انهم مؤهلين جدا للعمل.....!! اذا كنا غير مؤهلين للعمل ف المستشفيات ولا بالمدارس فلماذا هذا القسم مازال مفتوحا....!!؟؟؟ ولماذا لايزال يقبل اعدادا هائله من الطلاب والطالبات ؟؟؟ وحسبي الله ونعم الوكيل

شوفي

انك كانو حالو يخرجوني انا ولا اصحابي من القسم فهادا الشي مره بعيد إن شاء الله

لنو القسم هادا حكمل فيلو يعني حكمل

والوظايف مو بيدهم

يعني مع نفسسسسهم اكتر شي

انا متوكل ع ربي وحكمل دراستي

وربنا هوا الرازق مو مدير ولا وزير حتى !!!

وبالنسبة لمدير الجامعه انا ابا اقابلو لني اعرف واحد يشتغل في الجامعه

في الجهات العليا

فحقلو يشوفلي طريقة اقابلو وحتى لو اروحلو انا وابويا ما فرقت

وإن شاء الله اوصل لنتيجة معاه يارب

مشكورة لمرورك

[دافئ الإحساس]

المشاركة الأصلية كتبت بواسطة بيو كيميائية ^_^ الله لايسامح اللي وقف عملنا وتسبب بجد ماتوقعت الموضوع من مدير الجامعة عشان كذا مارد علي لما إشتكيت ولا جاب خبر لكـن الله موجود وياخذ حقنـــا دول العالم متقدمة وإحنا في الوراء دائمًا الله يكتب لنا الخير يارب

مافي جديد

من يوووومنا ع ورآآآآآ

ولا حيجي يوم ولا حنحلم بيوم نتقدم

لاننا من يومنا ما نفكر الا في التفكير السلبي

والعنصرية كمان

شوفي ازا السبب من مدير الجامعه او من اي احد غيرو

انا ما اقول الا حسبي الله ونعم الوكيل

وبادعي وانا صايم وباقول حسبي الله عليه اللي كان السبب

وزي ما يقطع رزق اولاد وبنات الناس

الله يقطع رزقو يارب

انا عارف دعائي مو حلو نوعا ما

لكن من القهر اللي في قلبي

والعنصرية حقتهم

بالعقل ياجماعه

نحنا معتمدين في الخارج وفي كلي الجامعات والمستشفيات

اشششش معنا محنا معتمدين هنا

ع راسنا ريشة !!!

الله ينتقم من صاحب السبب المنتقم الجبار

وزي ما اهلي انقهرو عليا الله يقهرو في ولدو يارب

[دافئ الإحساس]

المشاركة الأصلية كتبت بواسطة bemesho الله يفرجها لنا ويحاسب من كان السبب يعني ما ادري ليش مخلي القسم لسى مفتوح ولو قفله وريح راسه احسن

آآمين يارب

والله انك صادقة وسالت انا نفس السؤال دا

لمن حاول يناقشنا ددكتور المايكرو عن دي الهرجة

فلمن سالتو دا السؤال

سكت!!

وصرفني وبدأ في الدرس

وجيتو بعد الدرس قلتلو فهمني اش الهرجة بالزبط !!!

قالي مافي شي ومو راضي يهرج بس مع الزن

قالي انو وزارة وما وزارة

وشغله طويلة عريضة

مشكورة اختي

[دافئ الإحساس]

المشاركة الأصلية كتبت بواسطة - لغة القرأن - السلام عليكم .. انا خريجة كيمياء حيوية من عام 1426 وللحين عاطاااااليه تم انشاء قروب في تويتر للخرجي الكمياء الحيوية اسم القروب ( biochemgroup ) والهاشتاق الخاص الي لينا #ksake7 يااااريت نجمع اكبر قدر يسووون فلووو ويكتبووون عن المأساه الي نعيشعا في الهاشتاق لأن كثيييير من الصحفيين والاعلامييين في تويتر لازم نسوي صدى لصوتنا ارجووووو التفاعل من الجميييييع والنشررررر

الله ييعييينك يا اختي

والله انصدمت لمن شوفتك كلامك

وبعدين ترا ما بنستفيد شي لا من الفيس

ولا من تويتر

مهما نسوي محا يسير شي

ولو يبو يفتحوولنا مجال للعمل كان فتحووه من زمان ولا !!!

اول شي كلي شي بيد ربنا سبحانو

وبعدين ترا سمعت عن المظاهرات في مكة في جامعه ام القرى

ع البنات اللي ما انقبلو مساكين

ووصلت الهرجة للملك عبدالله

وأمر انو كل الجامعات تفتح ابوابها وتقبل كل الطلاب والطالبات

وتخيلي في بنات نسبهم بيض ع حسب كلام بنت خالي

وانقبلو في الجامعه وع حسابو لنهم دخلو تاهيلي

الله يطول في عمرووو ياااارب

ونحنا لو وصلنا هرجتنا دي او مشكلتنا دي للملك عبدالله

صدقيني انها حتنحل وبالراااحة إن شاء الله

يسلموو لمرورك

[دافئ الإحساس]

المشاركة الأصلية كتبت بواسطة sarayeffo ..~ اخوي دافئ الاحساس الموضوع الاصلي قديم من تاريخ 07-17-2005, 04:45 pm !!! و حراام لا تحبطونا و تحطموونااا احنا تونا في بداية المشوار << كل ما احاول اقنع نفسي و احبه ارجع اتحطم من جدييد لما اسمع ان ماله مستقبل ، ،

طول ما القسم عاجبك

حطي الكلام حق الوظايف ورا قفاكي او ورا ضهرك ولا تفكري في الموضوع مره

واتوكلي ع رب العباد

ترا ربنا ما ينسى عبدوو اصغر المخلوقات ربنا هوا مدبر رزقها سبحانو

فما بالك بالانسان !!

في واحد كلمتو قبل سنة ومتخرج من قسمنا ومعدلو 1 فاصلة مدري كم

طبعا بالعقل مالو وظيفة لو ايش

وتخيلي جا تعيينوو في البلدية

صحيح انو مكان مو مكانو

بس انو اسمها في الاخير وظيفة ولا انو يقعد عاطل

اللي قدر يجبلو الوظيفة يقدرر يوفقنا في احسن الوظايف يارب

اشكرك لمرورك

[دافئ الإحساس]

المشاركة الأصلية كتبت بواسطة بيو كيميائية ^_^ هو مو بس مخلي القسمـ إلا مايخجلون وهمـ كاتبين في الموقع العمل في المستفيات يعني شلون تحطوهـا وأنتوا السبب الشيء الآخر التدريب اللي ناخذهـ ومكتوب في الورقة القديمة لتسهيل العمل في كافة المجالات والجديدة كاتبين كلام بعدين طالبات كلية العلوم اللاتي أصحبت لديهن القدرة على التدريب في المجالات وأول واحد المستشفيات مرة يعني شلون وأنتوا اللي موقفين عملنـا مرة تنرفزت من هالموضوع وعصبني -------------- أختي لغة القرآن أنا توني عاملة حساب في تويتر بس ماأعرف له كويس بس بابحث عنكمـ وبانظمـ

ملاحظة حلوة جدا

كيف كاتبين مستشفيات ونحنا ع قووووولهم محنا مؤهلين نشتغل فيها !!

انا حكتبها في نقاط دي الاشياء عشين اعرف اتكلم مع مدير الجامعه

اشكرك لطلتك الرائعه

[دافئ الإحساس]

انا امكن اتأخرت عليكم نوعا ما في الرد

سوري جدا

لنو الخميس امس الحمدلله كان اخر يوم عندي في الاختبارات ومستني

درجات الاسبوع الجاي دا وإن شاء الله تبشر يارب

وغير كده نسيت الباس لنو اول ما غلقت اختبار المايكرو سرت مني فاكر شي

من جد جبلي الجنان الاختبار خخخخخ

حقضها زي كانو باحفض قرآن عما في شكلها

منورين جميعا في موضوعي

وإن شاء الله حكون في المنتدى احسن من دي الايام حقت الصيفي

ولكم بالجميع

[قلبي مملكه]

والله شي جميل ويارب يتحقق


التخصص حلو ايه مو بس حلو الا روعة
بس لو ندرسة صح
قسمنا في الجامعة ابدا مايتقارن بالتخصص براء
القسم يبغالة تطووووووووووووير
شوفو جامعة الملك سعود كيف
ماشاء الله تبارك الله نفس التخصص لكنه حلو
حتى الطلاب وهم بانفسهم يقولو انو متوظفين الي باحث والي مساعد باحث وهم مو مطولين متخرجين
ياليتهم يقفلو القسم ولا يخلوة كذا يقبل اعداد كبير والقسم يبغالة تطوير

[لمسات الورد]

يالليت دافئ الاحساس تقابله لانه كثير مننا متخرجين بامتياز بمرتبه الشرف واعرف اولاد دعمونا بتواقيعهم لمن رفعنا القضيه في ديوان المظالم لم يجدوا وظائف وهما من نفس المستووى شد حيلك وشوف ايش يطلع معاك
وانا معاك الله الرزاق ونعم بااااالله....بس امكن يكون بمجال اخر مو نفس التخصص اللي اعرفهم اخذوا دورات ودبلومات وتوظفوا في المطارات باقل من 2000 ريال
الله يقويك انا ماحبطك بس ابين لك اللي سار معاناااا
وبالتووووفيق