ممكن رد لطلب بنت المدينه؟

[بنت طيبة]

السلام عليكم ورحمة الله وبركاته

وبعد:

انا طالبه من جامعة طيبه كلية التربيه لاعداد المعلمات ودحين انا في المستوى التالت

لغه عربيه.

وجا نصيبي اني رح اسكن في جده

هل بامكاني اكمل عندكم عااااادي زي الكليه اللي انا ادرس فيها؟

ولا صعب اني اكمل بنفس قسمي او انهم ما رح يعادلولي في المواد؟

اتمنى انكم تساعدوني بحل مشكلتي

وربي مرررررررررررره خايفه

ما اعرف احد من جده

انا لجأت الى الله ثم المنتدى هدا

يارب القى افادتكم

وشكرا

[يلدرم]

اختى بخصوص التحويل لازم هناك تقديم للتحويل وطبعا ماعندي علم بالامور لكن عليك التواصل مع ادارة الكلية

في المنتدى ادخلي منتدى كلية التربية ممكن العضوات هناك عندهم علم

لأن الان كليات التربية انضمت للجامعة والانظمة ممكن اتغيرت

[MISS EZ3AG]

على حد علمي تقدري الآن .. راجعي العمادة اللي بكليتك واسأليهم عن التحويل والمعادله في المواد بعد التحويل
ويااارب يكونو بطلوا الهباله اللي كانوا بيعملوها زمان .. لأنهم ما كانوا بيعملوا نظام معادله وتنجبر الوحده ترجع للمستوى الأول وتبدأ من الصفر في الكلية المحولة لها ..!
بس أتوقع ألحين النظام تغير ..
راجعي كليتك واسأليهم بالأول

[عزة نفسي_تكفيني]

وعليكم السلام ورحمة الله وبركاته


كلية الإعداد المعلمات الآن أصبحت تحت مسمى كلية التربيه

قدمي تحويل واستفسري من عماادة القبول في كليتكـ

وحتتم معاادلة الموااد بحسب الخطه الجديدهـ عندنااا

ويااهلا منورتنااا

بالتوفيق لكـ

[بنت طيبة]

جزاكم الله الف خير

بس ممكن طلب بسيط

هل التحويل لوا علاقه بالمعدل؟

وشااااااااااااااااااااااكره لكم

[عزة نفسي_تكفيني]

ويالغلا بعد بقولكـ شي

انه حتى كلية التربيه ماعادها فيه يعني كلية اعداد المعلماات وكليات التربيه انضمت للجامعه واتلغى التربوي

وصاروا يمشوا على خطة الجاامعه

يعني انتوا عندكم اقسام مختلفه مثلا لو قسمكـ علوم ورياضيات راح يطلبوا منكـ تختاري قسم محدد يناسبكـ

اما انتِ قسمكـ لغة عربيه فعادي حتكملي في قسمكـ على الخطه الجديدهـ للجامعه من غير تربوي

والمواد التربويه اللي أخذتيها يعاادلوها بمواد عامه

وماتكونوا تربويات بعد التخرج اذا حابه مجال التدريس تقدمي على دبلوم تربوي

وبالنسبه المعدل المطلوب للتحويل يشترط أن لا يقل عن 3 من 5 أو 2 من 4 واذا بالنسبه مايقل عن جيد

وهذا رابط يوضح شروط التحويل

http://admission.kau.edu.sa/AccessPa...www.kau.edu.sa


واعتذر على التأخير في الرد واي استفسار ياريت تضيفيه في قسمي مكانه الأنسب وأفيدكـ ان شاءالله أسرع
بالتوفيق لكـ

[بنت طيبة]

الف الف الف شكر لكـ يا الغاليه

جزاك الله الف خير ما قصرتي ربي يكتبوا لك في ميزان حسناتك يارب

وآسفه حبيبتي مني عارفه قسمك انا هنا مسجله جديده

اكرر شكري وتقديري لك

سلام

[عزة نفسي_تكفيني]

المشاركة الأصلية كتبت بواسطة بنت طيبة الف الف الف شكر لكـ يا الغاليه جزاك الله الف خير ما قصرتي ربي يكتبوا لك في ميزان حسناتك يارب وآسفه حبيبتي مني عارفه قسمك انا هنا مسجله جديده اكرر شكري وتقديري لك سلام

العفوو غااليتي منوورتناااا وسعيدين بتواجدكـ ^_^

ومشكوورهـ على الدعوهـ الحلوهـ

وهذاا قسمي http://www.skaau.com/vb/forumdisplay.php?f=94

أي استفسار أنا حااضرهـ

دمتي بسعادهـ

[بنت طيبة]

جُزيتي خيراً

ما قصرتي يا الغاليه

عرفت انوا التحويل لازم يكون شهر 7

وبكدا لازم احنا كمان ناجل الفرح عشان اكمل في جامعة طيبه سنتي واخرج من تانيه يارب

دمتي بود

[عزة نفسي_تكفيني]

المشاركة الأصلية كتبت بواسطة بنت طيبة جُزيتي خيراً ما قصرتي يا الغاليه عرفت انوا التحويل لازم يكون شهر 7 وبكدا لازم احنا كمان ناجل الفرح عشان اكمل في جامعة طيبه سنتي واخرج من تانيه يارب دمتي بود

كل تأخيرهـ فيها خيرهـ ان شاءالله

الله يتمملكـ على خير وألف مبروووكـ يالغلا

وتنورين جدهـ وجاامعة الملكـ عبد العزيز