انطباعكم عن اختبار الفكشن مع مس شادن

[milkshakesoso]

انا ح تجيني جلطه بسبب الاختبار بس فوق كل دا ح اقول الله المستعان بس_ ابغى اعرف حاجة وحدة في امل اني اكلمها وتراعي في الدرجات لو بــ 60 راضية اعديها ولا افقد الامل؟؟ واخد الماده السمستر الجاي اللي قاهرني ح تكون لوحدها

[lana]

ان شاء الله ربي ينزل على قلبها الرحمة وتراعينا
صراحة انا احترت وتهت ماادري كيف حليت مع اني مذاكرة المادة كويس
ماادري ليه هالاستاذة تحب التعقيد -_-
على فكرة فيه احد لاحظ كانها موزعه الدرجات على 80 بس ؟

[little Angel]

اللي حلو بلأختبار انها جابت ايسية واحد وهذا يقصر علينا المعاناة مع الوقت وكمان انة اختياري بس للأسف الفقرات كانت صعبة وماعرفت احل صح...
الله يسخرها لنا وتراعينا يارب..

[Suzi]

ياعمري كررو حسبنا الله ونعم الوكيل اتوقع اني لازم احضر التوفل قبل مااخد الفكشن وياااارب يسخرلنا مسس زي نجوى الله ييسرلكم وفالكم النجاح باعلى الدرجات

[ranas]

بنات خير إن شاء الله كيف الامتحان ؟انا حصلتي ضروف وتعبانه واول مره اتغيب ويفوتني اختبار بس قولولي كيف الاختبار فجعتوني انا مقهوره عشان ماقدرت اختبر

[رضوه]

سييئ سيسيء حرااااام عليها أنا تعبببببتت 3 مرة أخد المادة معاها رجعت من الاختبار بس ابكي حسبي الله ونعم الوكيل. وماترضى تكلم احدد تعبت منهااا حاولت قبل كذا ماتحننن

[ranas]

طيب بنات اوووف خوفتوني
افتكرو ايش كان الايسي عن ايش واي روايه منهم يعني جابت اثنين وانتو تختارو ولا كيف امانه بنات قولولي لاني شكلو راح اختبر بديل ولو تعرفو ساعاتها المكتبيه علاسبوع الجاي لاني ابغي اروح لها باقرب فرصه عشان اعرف متي اختبر

[مثابره]

طيب اللي اختبرو معاها قبل كدا....متى العاده تنزل الدرجات ...يعني قصدي تتأخر؟؟لأنه مانزل ولا ماده وأنا أعصابي تلفت ...وشايله هم الفكشن

[عبير العسيري]

الاختبار كان صعب وسيء بكل المقاييس

والسؤال الوحيد اللي عرفت احله اللي عن رواية روم وذ فيو

والباقي كله دماااااااااااااااااااااار

شهرين مذاكره لذي الماده راحت على الفاضي الله المستعان

[ام حمدان]

مرحبا بنات

داخله مستعجله لغرض(عندي اختبار بكرا ><) وبالصدفه شفت الموضوع هذا


حقول عالسريع الي افتكره من الاسئله مع اني مو حابه اقول الان شي حتى ماافتكر اخطائي >< بس عشان الي ماحضروا يعرفوا كيف الطريقه وبنسخ ردي كمان فالموضوع المثبت


Fiction 342-أ/شادن الحزيم- انتساب

الاسئلة المقالية جابت 4 او 5 اسئله مو فاكرة بالضبط كانوا عن ايه بس فيهم 2 اظن عن راوية اوليفر والباقيين عن ايما اظن انا اخترت الي عن ايما لذلك ماركزت فالباقي
الي اخترته اظن كان يطلب تتكلمي عن كيف جين اوستن بينت وضع المراه في بدايات القرن التاسع عشر اوشي من هالقبيل ناسيه الصياغه ><
الي عليكم تختاورا فقط واحد من هالاسئلة وتكتبوا عنه عالاقل 3 براقرفات فيها 3 افكار عن السؤال تقريبا بدون ماتكتبوا مقدمه او خاتمه عبروا على طول عن الافكار هي قالت كذا ! والدرجه عالسؤال مكتوب 22 بس اظن تظربها في 2 وتصير 44 !

والاسئله الي عن كتاب rise of novel احلى مافيها انها ماخرجت عن الي شرحته فالمحاضرات وجابتها اختياري وصح وخطا وعليهم 30 درجه كل فقره بدرجه ونص تقريبا (الحمدلله انها جابته كذا لو جا ايسي ماكان عرفت احل :(

وجابت اسئلة الرايز من اغلب النقاط الي هنا
http://www.skaau.com/vb/attachment.p...5&d=1329045416


والجديد فالاسئله والي يعتبر سابقه

جابت اختيارات عن رواية روم

منوعه شي منها عالشخصيات او عن الرموز واغلب الي فيها الي ركزت في ملفات الاي نوت وقرات وفهمت الthemes والsymbols والcharacters راح تحلها إن شاء الله تمام الخيارات هذه عليها 20 كل فقرة بدرجتين


وكمان الجديد انها جابت سؤال كوتيشن من روايه روم ناسيه الكوتيشن للاسف وماني متاكده هو لمين

بس حطت عليه 6 درجات طلبت نحدد الضمير he في الكوتيشن يعود على مين يعني من الشخصيه وايش يقصد بكلامه وايش علاقته بعائلة لوسي


الي حلو في اسئله الاختيارت توفر وقت لكتابه الايسي لكن كمان تخوف انها يا ابيض يااسود >< وكل غلطه بدرجتين ويعني فيه كم فقره ممكن تحتار فيها الطالبه

الكوتشين يمكن كثير ماتوقعه اولهم انا ومدري الي كتبته صح او خطا

وكمان الي مخوفني الايسي ماكانت اسئله متوسطه تقريبا لكن الدرجه يالطيف لو من جد 44 زي مااتوقع ><


ادعوا ربي يحنن قلب المس علينا وتتجاوز عن اخطائنا وفالنا وفالكم النجاح يارب