{ملتقى الاستفسارات عن الحذف والاضافة وتنظيم الجداول}-طالبـات الإنتساب ّّ

[لصممتي حكممه]

فيه أحد سدد الرسوم ولا لسى ، والجداول نزلت لأحد ؟؟

[white rose]

المشاركة الأصلية كتبت بواسطة الملاك الأبيض نور ووايت روز ولصمتي جزاكم الله خير وماقصرتوا الله يسعدكم ويوفقكم يارب

امين واياك يا غالية وربي يوفقك هالترم ويفتحها بوجهك

المشاركة الأصلية كتبت بواسطة لصممتي حكممه فيه أحد سدد الرسوم ولا لسى ، والجداول نزلت لأحد ؟؟

لسه يا بنتي ما نزل شي تأخرو هالترم :(
سألت امس اكثر من بنت عندهم اعفاء وما نزلت لهم الجداول يعني حتى لو سددتي لسه ماراح تنزل ننتظر كم يوم ونشوف عموما التعديل على الجداول راح يكون 12/3 يعني اكيد الاسبوع الجاي راح تنزل وبالتوفيق ^_^

[بنت خديجة]

يا بنات هذا اول ترم تخصص بالنسبة لية حأخذ إن شاء الله قراءة وكتابة وليسينق وثقافة اسلامية 2 ومقدمة في العلوم الطبيعية وشباب وقيم الموطنة
ايش رايكم اخذ كلها ولا احذف وحدة منها.
وإلي في نفس مستواي اشتريتوا الكتب ولا لا لأني انا اشتريتها صراحة منهج مرة دسم ماني عارفة كيف اذاكر هل احد فيكم بدأ يذاكر واي مادة بدأ يذاكرها
واذا بدأ يذاكر مواد التخصص كيف بتذاكروها لأني صراحة تايهة ماني اعرف امسك ايش .

[حنين بدر]

وانا كمان لسه جديده وارجوا من اهل الخبره بالقسم المساعده
وانا متوقعه ان المواد كثيره الموجوده ده الترم في الخطه الدراسيه فارجوا ممن درس المواد يساعدنا ويوضح لينا عن الصعوبه والسهوله تقريبا....وشكرا ع الموضوع اخت بنت خديجة

[لصممتي حكممه]

خذي مواد البيسك الثلاث ريدينق ،لسننق، رأيتنق ، ومعها ثقافه واي ماده عامه خمسه تكفي لأنه أول مستوى تخصص لازم تركزين على مواد التخصص أفضل ، إن شاء الـلہ مع الدوره گـٌل شئ يوضح ، ادخلوا مواضيع التجمعات حقت الترم آللّيِــے فات إن شاء الـلہ تلاقون أشياء تساعدكم ،..

بالتوفيق ،..

[rawan gh]

تعرفي و الله دخلت عشانك

المواد اللي ماخذتها كثيره مو مستحيله يعني بس حتتعبي خذي بنصيحتي ٥ مواد كفايه
خذي ٣ مواد البيسك الريدنق و الرايتنق و اللسننق و ثقافه و اختاري يا شباب يا علوم

و بالنسبة للمواد و دراستها انا أقلك من الحين الريدنق لا تخليه لقبل الاختبار بيوم حاولي قبلها تطلعي معاني الكلمات و تحفظيهم و الاستراتيجيات جداااا مهمه هي اللي تيجي الاسأله عنها
اختبار الريدنق يكون مقال تقرأيه و يجي بعده اسأله لازم تسويلها بارافريز يعني الجواب مو نسخ و لصق لا تطلعي الجواب من الفقره و تستخدمي كلماتك انتي
و يجي السمري و اللي هو تختصري فقره و تحطي النقاط المهمه على شكل فقره طبعا و يفضل بكلماتك
كمان يجي المرادفات تعطيك كلمه و تطلعي كلمه ثانيه بنفس المعنى من الفقره
و ممكن يجي أوت لاين
و اخر سؤال عادة من كتاب الفوكابلري يعني تعبي الفراغ بالكلمة المناسبه
المقال عادة يكون مرتبط بالوحدة المطالبة فيها بالاختبار
مثلا الوحدة الثانية كانت عن علماء النفس و كذه في الاختبار جانا المقال عن القلق

الرايتنق مارح يكون فقره وحده
لا essay مكون من اكثر من فقره في الاختبار دائماً يطالبو ب ٤ فقرات

اما اللسننق صراحه ما حتفلسف لأني لسى ما اخذته =)

يارب اكون افدتك و خذي بنصيحتي ٦ مواد مرا كثير خصوصا ان المادتين اللي اخترتيهم مالهم الا ترم من لما نزلوهم انا أخذت شباب و مواطنه و صراحه الماده فيها حفظ كثير

الله يسهل لك و لنا يارب
بالتووفيق

[بنت خديجة]

مشكورة يا rawan gh ولصممتي حكممة والله انا محتارة بين اخذ شباب والقيم والمواطنة ومقدمة في العلوم الطبيعية
ابا اسالكم متى بدأت تذاكروا مع السنترا ولا قبل لأن صراحة كتب التخصص دش ماني عارفة ايش اذاكر فيه مادري هل استنى السنترا ولا ابدأ اترجم الاشياء بالعربي من دحين ولا ابدأ الثقافة ومقدمة في العلوم انتو ايش سويتوا ياريت لو تقولولي كيف ذاكرتو وجزاكم الله الف خير

[راجي ربه]

حبيبتي بنت خديجة ..
أنا زيك هذ الترم دوبني تخصصت ولسا ما اشتريت الكتب في اليومين هذه إن شاء الله .. بس نزلت المحاضرات من موقع الجامعه المحاضرات المسجلة وهي كلها جديده حق الترم اللي راح .. وشكلي حسوي زي ما قالت اللي قبلي في مسألة حذف ماده .. لأن مواد التخصص أولى بالتركيز .. وبصراحة حأبدأ بإذن الله في الليسينينج لأنه حيكون في اختبار إلقاء (تختاري موضوع تكتبيه بنفسك وتلقيه عند الدكتوره وعليه 20 درجة ) وحيكون قبل موعد الاختبارات بشهر أو أكثر .. بس حيدرسونا كيف نكتب وكده يعني .. فالأفضل تبداي بمواد التخصص عشان الفايده تكون أكبر مع الممارسة اللغة تكون أرسخ والاختبار يسهل إن شاء الله .. لكن كمان أعطي المواد التانية حقها من التلخيص والمذاكره .. وهذا رابط المحاضرات المسجلة ..
http://elearning.kau.edu.sa/accesspa..._id=214&lng=AR
وياليت نتواصل في الايام الجاية عشان نتعاون بصراحة حاسة بشوية رهبة عشان أول ترم في التخصص .. لكن بإذن الله نتفوق بجدارة ..
أختك .. الراجية لربها ..

[بنت خديجة]

يا اختي راجي ربه والله اتمنى اننا نتواصل انا عن نفسي شكلي حبدأ الريدنق لأن الكتاب دسم .
وشكلي كمان حبدأ في الثقافة بس مادري ايش مادة عامة اخذها مقدمة في العلوم الطبيعية ولا شباب وقيم المواطنة محتارة.
انتي كيف لغتك الإنجليزية كويسة ولا تمشية حال.

[راجي ربه]

يعني متوسطة مشيت في السفر بالكلجه .......
عشان كده دخلت القسم .. أبغ أقوي لغتي بشكل صحيح ..
يعني انتي شايفة انو الريدينج دسم اكثر .. طيب وامقابلة جهزتي لها .. ما عندي فكره أكتب عن إيش .. والا كيف .. مره شايلة هم .. اله يعين ..
بالنسبة للإعفاء ماتعرفوا أحد نروح له في الجامعه ما تصعب المعاملة .. وتمشي لنا هي .. وايش الأوراق المطلوبه ..