تجــمـــع طــلاب وطــالبات خطة أ و خطـة ب لتبادل النصائح لتحقيق افضل الدرجات للجميع

[آموـون]

يسعدككم ربي كلكم <3
وبأذنن الله آنزل كل شي اعرفهه عن خطة آلف من الى
بس اذا نزلت درجآتي عشآن اعرف افيدككم مزبوطط هههههههه

[Molook..]

طبعن نصايح الاخوات عن الخطه ب كافيــه
وأنا عندي نماذج وتست بانك لو حابين أنزله لكم

[همس الوفآ]

السلام عليكم ورحمة الله وبركاته
انا كنت ناوية انزل تجربتي في خطة أ
بس كويس فتحتوا هالموضوع وسامحوني بطول شوي
نبدأ ..

نظام الاختبارات للفيزياء والرياضيات:
الدوري الاول 33 فقرة عليه 30د و3د بونس
الدوري الثاني نفسه
النهائي 44 فقرة عليه 40د و4د بونس
يعني المجموع النهائي 100 و10د بونس
مثلا لو جبتي في الدوري الاول 28 والثاني 31 والنهائي 41
مجموع الدرجات 98 والبونس 2 تنجمع فيصير اخذتي 100
+ اختبار يجي سهل اختبار متوسط واختبار معقد نوعا ما
فلازم نتقبل ان الغرض الرئيسي من هالسنة التصفية فلا تلومي احد وذاكري كويس
لان لو عليتي قلبك من الحين لبكرا محد بيعيد لك الاختبار او يزودك درجات هذا الواقع
حاولي ما تغيبي عن اي محاضره لهالمادتين لان المحاضرة اللي بعدها طبيعي جدا تحسي نفسك متنحة وما تدري ايش تقول الدكتوره
المهم..
1\الرياضيــات :
- مستوى الدكتورات متقارب بس كلهم كويسات الحمدلله
- في المذاكرة انصحك ترجعي لدفاترك حقت العام علشان تفهمي خاصة لو كانت معلمتك كويسة
لان المنهج تقريبا نفس العام بس انجلش..
ذاكري من الكتاب وحلي كل التمارين اللي معاك في الخطه + ملخصات اشرف بركات مرره تفيد
في شي اسمه الورك شوب يقولوا مهم اسئلة كثيره بس انا عن نفسي ما مسكتها
لان باختصار مافي وقت احل كل هالاشياء ..
المهم لازم تكوني فاهمه كل شي .. كل اسبوع راجعي الافكار ما يحتاج تذاكري بس اهم شي تكوني فاهمه ومكتب الاستاذات مفتوح سواء استاذتك او غيرها وما يقصروا مع احد
ذاكري قبل اسبوع او اثنين من الاختبار ورتبي الاشياء اللي تذاكري منها علشان ما تحوسي
مثلا ذاكري من الكتاب وحلي اسئلته وتصفحي ملخص اشرف بركات لو كان فيه طريقة سهله وسريعة افهميها ووقت الاختبار راجعي من الكتاب وحلي النماذج ..
- اي شي يخص المنهج نماذج خطة ..الخ تحصلينه في صفحة دعاء قاروت الدرجات من صفحة استاذتك.
* في الاختبار مافي آله لذا فصفصي كل سؤال وركزي في الحل لان ممكن خطوه غلط تغيرلك الناتج
وحطي في بالك ان كل الحلول المتوقعة موجوده في الاختيارات وممكن جدا يحطون لك في الاختيارات نفس الفترة بس الفرق القوس مره مغلق ومره مفتوح فركزي ..

2\الفيزيــاء:
- د\سناء اباضة اكثر من رائعة لأول مره احس نفسي فاهمه الفيزياء
- في المذاكرة محاضرات سناء اباضة سهله وواضحة وقليله ونصيحة حتى لو ما كنتي عندها ذاكري من محاضراتها وموجوده هنا
+ راجعي ملخص هناء فرحان لو فيه فكره مو موجوده في المحاضرات اكتبيها في دفترك
+حلي النماذج والاسئلة
الكتاب ما تحتاجيه الا بس علشان تقرئي منه الاسئلة غير كذا المذاكرة من اللي قلت لك عليها
- كل شيء تحتاجيه للفيزياء موجود في صفحة هناء فرحان حتى الدرجات عندها لانها المنسقة.
وطبعا نصيحتي ذاكري من قبل زي الرياضيات..

شوفي الفيزيا والرياضيات لما تذاكريهم من قبل تعرفي ايش المهم وايش اللي ياخذ وقت
لانك قبل الاختبار ما عندك وقت تجلسي تطبعي ورق ولا تجيبي شي جديد تذاكري منه مافي داعي
تلخبطين نفسك وتوترينها زيادة فالافضل تكوني مرتبة وضعك من قبل ووقت الاختبار
محدده لنفسك ايش بتذاكرين بالضبط هالشي بيخليك تدخلين الاختبار وانتي مركزة مو حايسه والافكار ضايعة في راسك

3\الحاسب:
- نفس نظام الاحياء اللي اختبرتي فيه ينحذف
الدوري الاول 35د العملي 25 والنظري 20 سؤال ب10د
الدوري الثاني نفس الشي
النهائي بس نظري 30 سؤال ب30د
ومافي بونس

العملي لا تفكري ابدا انك بتاخذين الدرجة عالجاهز زي المدرسه
التصحيح جدا دقيق علشان كذا ركزي في كل فقره وعموما سهل بس ركزي لان طارت درجاتي على اشياء تافهه
النظري اختبار الكتروني واغلب الاسئله عمليه يعني يجيك بالغلط سؤال او اثنين نظري بحت..

-في المذاكرة لازم تطبقين كل شي في الكتاب سواء كان الاختبار عملي او نظري

4\مهارات الاتصال:
- د\اميرة النمر رائعة
- توزيع الدرجات : التكاليف 30د وفيه ملف وغالبا تكونين ضامنتها
الدوري الكتروني وعليه 30د
النهائي الكتروني وعليه 40د

الاختبارات تنحط من قسم الطلاب فمرررررره سهله
التكاليف سهله بس لا تراكمينها على نفسك سويها اول باول وحطيها بالملف
-ذاااكري بفهم لانك لو فاهمه المنهج مزبوط حتحلي الاسئلة وعموما اهم شي بطلي فلسفه العلمي
ولا تقولي في الصح والخطأ هو يقصد كذا ولا في الكتاب كذا انتي ما يهمك الا العبارة اللي قدامك صح ولا خطأ وانتهينا

....
نصيحة توكلي على الله وخلي امك وابوك يدعولك لان من جد ربي ييسرلك الاختبار بدعواتهم
ووقت الاختبار ابعدي عن الناس القلق اللي تحسسك انك ما فتحتي الكتاب وتجيب لك اسئله مدري من وين
وتلخبط اهلك هالنوعية وقت الاختبار لا تعطينها وجه ابدا لحد يزعل بس ماله داعي تحوسيني معاك وتوتريني زيادة والبلا ممكن تجيب درجه حلوه و في المقابل نكبت خلق ربي
ختاما حاولت اقولكم كل شي عندي وبعض النصايح علشان ما تطيحون في نفس غلطاتي
+ هالسلسه من الفيديوهات جميله وحتفيدكم ان شاء الله
وبالتوفيق

[ابوطالب الشريف]

نصـيحه اخ اي نصائح او ملفات للتنزيل ضعوها بهذا الموضوع لكي لاتتشتتوا .. وزي ماقلوا الاخوه لحد يبخل علينا سواء من خطـة أ او ب

[رهف المالكي]

اول شي ماقصروا البنات والشباب لكن احب ازيد عن خطة الف

الرياضيات / عبارة عن 5 فصول كلها معانا ماعدا الفصل الاول بس شرح لكن مايدخل في الاختبار لكن لازم تكونوا فاهمينه وفي كل شابتر في سكشنات محذوفه يعني مو كل الباب معاكم .
الاختبار الدوري الاول معاكم الباب الثاني فقط ماعدا اخر سكشن 2.6 هذا في الدوري الثاني 30 درجة
الدوري الثاني معاكم 2.6 من الباب الثاني والباب الثالث ويتكلم عن الـ limit _
الاختبار النهائي معاكم كل المنهج 40 درجة


الفيزياء / احنا في السليمانيه كان معانا الباب 1 ,2 , 3 , 4 , 5 ,6 , 7, 9 كلها سهلة بس يبغالها مخ وتركيززززززز
ومذاكرة قبلها بوقت .
الدوري الاول / معاكم الباب 1 و 2 و 3
الدوري الثاني / معاكم الباب 4 و 5 و6
النهائي معاكم كل المنهج 1 2 3 4 5 6 7 9
الحمد لله افتكيت منه ....

الحاسب / مادة سهلة والحلو فيها ان اللي تختبره ماتختبروه ثاني لازم تنتبهوا لشي .. اي جزء عملي ذاكروه عملي ونظري يمكن يجيكم في اسئلة النظري ..
الدوري الاول / معاكم اتوقع 3 ابواب ناسيه والله بس فيه عملي ونظري العملي عليه 25 والنظري الكتروني عليه 10
يعني التوتال 35 .
الدوري الثاني / معاكم بابين اتوقع الاكسل والاكسس كمان عملي 25 ونظري 10
النهائي معاكم الابواب الاخيره 3 ابواب بس نظري الكتروني مافيه عملي وعليه 30 درجة .


نجي لمهارات الاتصال / حلوة بس محاضرتها يجيني نوووووم بس لانو كله كلام ولغة الجسد ومدري ايه المهم هو عبارة عن 6 ابواب
طبعا ماتختبرونه مرتين يعني مافيه دوري اول وثاني بس فيه اختبار واحد وتختبرونه مع اختبارات الدوري الثاني .

توزيع الدرجات // 30 اعمال السنه طبعا سهله الكاليف مو صعبة
30 اختبار نصفي ويدخل معاكم 3 ابواب الاولى
نهائي / 6 ابواب كلهاااااا __ يابتنكرفون كرف ههههههه __ لا امززح سهله وعليها 40 درجة فقط



هذا اللي حبيت ازيده عن خطه الف وياليت احد يقولنا كيف توزيع الدرجات في خطة ب وكل مادة وش الابواب اللي تدخل معانا في كل اختبار وكم باب في كل مادة وكذا يعني _ زي ماسويت انا يقولنا ..... شكرا ...

[Dr.Raghad]

_

بسم الله

Math 110

انا كنت مع استادة ليندا الزبن مرررة شرحها ممتاز ولآيعلاعليه بس مشكلتهها سريعةة

طريقة توزيع الدرجات في الدوري الأول 33 سؤال عليهم 33 درجة
في الدوري الثاني 33 سؤال عليهم 33 درجة
في النهائي 44 سؤال 44 درجة
مجموعهم كلهم 110 الاساسية 100 والعشرة بونس :)

طريقة المذاكرة بعد كل محاضرة حاولي تحلي الاكسرسايز
انا الدوري الأول والثاني ذاكرت من الكتاب بس ودرجاتي كانت متوسطةة بس ماارضتني ابد
في النهائي ذاكرت محاضرة محاضرةة بالشرح مع فيديوهات زويل والحمدلله الدرجة كانت مرضيةة جداااااا
انصحكم بزويل وبقوووووة


Phys 110

كنت مع استاذة سناء اباظةة شرحها كويس بس ماكنت ماشية كويس معها ابدا احسس الشرح في وادي وانا في وادي

طريقة تقسيم الدرجات نفس طريقة تقسيم درجات الرياضيات

المذاكرة الدوري الأول ذاكرت من دفتر المحاضرات وملخصات هناء فرحان وكانت الدرجةة متوسطةة ( متوسطة اقصد فوق العشرين ^_^ )
الدوري الثاني رحت لمدرسة مصرية مررة ممتازة والحمدلله ترفعت شويتين :)
النهائي مع يوسف زويل مرررة مبدع < تعرفت عليه لمن خلاص بدأ ينتهي الترمم , ويني عنه من زمان :(
والدرجة لسا ما طلعت ان شاء الله انها حلوةة واحلى من الرياضيات دعواتكمممم

الحاسب

مادة لزيزة وخفيفةة مامنها خوف ان شاء الله
كنت مع استاذة اريج الصاعدي , وعموما هوه مع اي استادة مو مهمم
اهم شيء يكون معاكم الكتاب النسخة الجديدة
وتذاكروا للنظري كل الفصول اللي معاكم يعني حتى العمل ذاكروه لآنه تجي اسالة من
والختبار حيكون الكتروني ..
اما العملي فكنت افتح موقع الاستادة والقى تدريبات اطبقها على الجهاز وخلاص . .

الأتصال

مريت بـ 3 استادة كل شوية يغيروا لنا استادة هذا من غير انه بدئنا متأخر
اخر استاذة كانت ابرار الخضيري مرررة كويسة وتعاونة الله يعطيها العافية
والحمدلله درجتي الدوري والتكاليف حلوة
والنهائي انتظرها ان شاء الله الفل مارككك :)
التكاليف اللي هيه
5 درجات مشاركة
5 درجات عرض باوربوينت
5 درجات رسالة بريد
5 درجات نقد
5 درجات الانصات ( اختبار في نفس المحاضرة تشغل لكم فيديو وتسمعوه وسجلوا اهم النقاط , وبعدين تديكوا اسالة عن الفيديو وتحولها )
5 درجات السيرة الذاتية
عموما التكاليف حاولوا تجيبوها كاملةة واول بأول مو زيي خليتها لمن نهاية الترم وتعبت وانا اشتغل عليها لمن سلمتها الملف
طبعا انتوا اسالوا استادتكم عن الدرجات بعد كل تكليف عشان تضمنوا 30 واذا في نقص حاولوا تعدلوهه

اختبار الدوري والنهائي الكتروني . .
المذاكرة سوى في الدوري او النهائي كنت اذاكر من ملخص مادة مهارات الاتصال اخذتوه من هنا من المنتدى بس كنت ازيد عليه بعض النقاط من الكتاب . .

واي سؤال انا حاضرة
دعواتكم ليه بالمعدل العالي والتوفيق في خطةةة ب

^__^

[أسرار سامي♥]

*()


مشكورين ع الاضافات الجميله

اسال الله ان يجعلها في ميزان حسناتكم

بس معقوله في الماث مافي حاسبه

[HU~]

*أكتر نصيحة حابة أنصحها قبل كل شي .. " إذا مافهمت من شرح الدكتور\ة "
حاول قد ماتقدر تغيّر شعبتكصح إنّه الملخصات قد تغني عن الشرح أحياناً كثيرة
بس صدقوني مو قد ما أحد يشرحلك و يفهمّك :)

الرياضيات > مادتي المفضلة !!! إذا كان شرح دكتورك تمام .. لا تلخبط نفسك بالملخصات !
أنا في الدوري الأول ذاكرت من أكتر من ملخص و حست كثيير بس أكتشفت إنّه الأسئلة ماتجي
بالتعقيد اللي في الملخصات! و كمان الشي اللي مرررة فادني كان الوورك شوب!!
دايماً بعد ماتخلصوا أي فصل حمّلوا الوورك شوب من موقع الأستاذة : دعاء قاروت
أو إيمان سيمباوى + نموذج لإختبار سابق عشان تشوفوا طريقة الأسئلة !
المنهج صح إنّه دسم بس جايبين الزبدة من كل اللي كنا ندرسه في الثانوي
و خاصة ثالث ثانوي!! و الحمدلله درجتي حلوة~

الفيزياء > أنا ولا عمري فهمت ايش كانو يقولو في المادة دي
و كنت بالدف أجيب فيها درجة كويسة في الثانوي!
بس لمّا درستها و خلصتها في الجامعة أكتشفت إنّها مادة ممتعة و ماتستاهل الحوسة دي !!
للأسف دكتورتنا ماكنت أفهم منها حاجة "الله يستر عليها" !!
فحُست مررررررررة في الملخصات!
أكتر شي ركّزت عليه كان ملخص يوسف زويل "فادني مررة" +نماذج إختبارات سابقة
< تحتها مليون خط!ماتعرفوا قد إيش النماذج حقة هناء فرحان فادتني الله يعطيها ألف عافية!
< تلاقوها في خوارزم

الإتصال > مادة دش و أنا بطبعي أكره الكلام الفاضي و الطويل و درجته حتى ماعجبتني -_-
بس الحمدلله على كل حال! ماينفع فيها غير إنّك تقرأ الكلام بتركيز و فهم قبل الإختبار بيوم
أو يومين و تدخل و إنتَ متوكل على الله!و أصحك أصحك تحفظ الكلام إلا التعاريف
حاول تفرّق بينها ! و في ملخص هنا نزل في المنتدى نسيت مين كتبه و مرة فادني
الله يعطي صاحبته ألف عافية!

الحاسب > برضو حفظ + فهم و راح يمشي الحال و حرام لو ماجبت فيه درجة كويسة!
و حتى لو كنت عارف برامج المايكروسوفت already لازم تطبّق !!
عشان عادي أحياناً يجيبوا رمز في الإختبار الإلكتروني أو أيقونة و يقولك ايش دا؟!
و غير كدا الإختبار العملي سهل بس يبغاله تركيز و تطبيق كل فقرة مطلوبة بالسنتي!
عشان عادي حاجة بسيطة تنقص عليها! فانتبهوا!

الإنجليزي > أنا بدأت من ليفل 3 ~
الإنجليزي مادة حلوة و كل حاجة بس العيب طبعاً الدوام الطويل -_-"
المهم الإنجليزي في ليفل 3 و 4 يختلف شوية عن ليفل 1 و 2
من ناحية الإختبار الشفوي و الكتابي~
في ليفل 3 > تختبروا إختبارين طبعاً سبيكينغ تسحبوا ورقة و السؤال
اللي يجيك تفكّر فيه دقيقتين و تجاوب و مواضيعه ماتخرج عن مواضيع الكتاب
و أحياناً ممكن يجيبوا أشياء عامة من الحياة!
أما الرايتينغ برضو إختبارين و تكتبوا أعتقد 75 كلمة "ناسية كم بالزبط"~
أما بالنسبة للإختبار الإلكتروني كنت أذاكر من الكتاب القرامرز +
الفوكابلوري + إيفري دايش إنجلش فقط!
ليفل 4> مايختلف عن ليفل 3 بشي غير إنّه السبيكينغ يكون قدام الكلاس
و المواضيع شوية صعبة "شوية مو كتير" أما الرايتيغ فتكتبوا 150 كلمة ~

و بالمناسبة لازم تعوّدوا نفسكم تذاكروا أسبوعياً "في الويكيند"
المواد العلمية =الرياضيات +الفيزياء عشان تقدروا تستوعبوها
قبل الإختبار بمدة كافية ! مو معقولة تجي قبل الإختبار و إنتا مو عارف إيش كنت قاعد تاخد!
حاولوا تعوّدوا نفسكم قد ماتقدروا عشان مايتراكم عليكم المنهج ;)
أتوكّلوا على الله و احتسبوا الأجر و أتذكروا على قد تعبك على قد مارح
تنجز و تجيب درجات حلوة بإذن الله تعالى~ وأستشعر عظمة كونَك طالب علم !!!

و بس الله يوفقكم يارب و يفتح عليكم و يبشّركم بالدرجات الحلوة~

[ابو ياسر3000]

موضوع مفيد للجميع
شكرا لصاحب الموضوع

[يوشي1414]

السسلآم ععليكم
بماا اني خلصصت تحضضيري عع خَير الحمدلله
قلت افيدكم بتججربتي اللي دآمت سسنه ونص فيها "(
رح أبدااء بخطه أ
مهارات الاتصال والحاسب مواد مرهه سههله ولوو قرأتو المادهه بتركيز مارح تقل درجاتكم فيها ععن 90
ططبعن الاتصال فيه تكاليف واشغال كدهه مايبي لها مهه سهله
الفيزياءء
مادهه مره حلوهه وسسسهله ماا اكتشفت هالشي الا مع دكتورة نجلاء خصيفان بالصيفي
كان شرحها الله يجزيها خير ف التوب وماا اطلع من المحاضره الا وانا فاهمه كنت ازاكر من
الملزمة وااطلع عع فيديوها يوسف زويل ونماذج لكل دوري ااشوف الفيديو وطريقة الحل ونماذج
ااختبارات سابقة لانو الافكار مستحيل تطلع ععنها اهم شي النماذج لو تراجعوها قبل الاختبار بساعه
عشان تتطلعون ع الافكار وماتنصدمون بشي فكرته تكون جديده عليكم
الرياضايت
هالماده انا ماحبها ممن الله مع انها سهله بشكل فضيع
درستني استاذه امجاد الغامدي طريقة المذاكره من الكتاب الاكزامبل ومرات اطلع ع الوورك شيت
حق استاذات ثانيات لانها ماكنت تعطينا وورك شيت ووايوه كمان فيديوهات يوسف زويل
نجي لخطه ب :|
الاحصاءء
سسهل بسس يبي له تكتبي الشرح مع الاستاذه ف كل محاضره
واللي تقولك مهم تحددينو ولماا تقول داا السؤال جا العام الماضي تركزي عليه قد ماتقدري
لانو مارح تقولو ممنَ عبث :/! وتترجمي معها ف المحاضره ععشان ماتحوسين بعدين
الاحياءء
آهه بس وش ااقول ووش اخلي هالماده مصطلحاتها كثيره لو مافتحتيها اول بأول رح تضيعيي
كلها دش وكلام وفيه ااشياءء يقولو لو فهميها مارح يحتاج تحفظي
^بسس انا كنت ااحفظ كل شي ماا احاول افهم "(
الكيمياءءء
هالمادهه تجنن درسستني دكتورهه سهير جَمبي
ااطلع من المحاضره وانا فاهمه الحمدلله وحلوه طريقتها قبل كل اختبار دوري تجيب نموذج
ممن اسئلة السنوات الماضية ونحل سوا ونتناقش فيها وتقولنا ااش الشي اللي لازم نعرفو من كل باب
بآلآضافهه للمذاكره اول بأول وفيديوهات يوسف زويل يعني اارجع له ف الاشياء اللي ماني فاهمتها
ونماذج الاختبارات
وبسس كداا خلصصت الحمدلله ااهم شي ركزو ععليه النماذج حقت السنوات الماضيه ف كل المواد
لانها مسستحيل تخرج الافكار ععنهااا وبالتوفيق ييَ رب :