هل تنصحوني اتخصص انجليزي ؟؟

[122]

السلام عليكم هااو ار يوو قااايز < تعلمكم ان عندها لغه

انا باختصار مستوى ثاني انتساب والترم هذا نختار التخصص وناويه ادب انجليزي وبصراحه مره سئلت بالمنتدى بعض الردود الله يصلحهم قامو يتفلسفون ويقولون القسم صعب ونعرف ناس شاطرين وحملو مواد
وانتم اصحاب خبره الله يسعدكم افيدوني ويقولون انه لازم اخذ معه الانجليزي فرنسي وش السالفه بالظبط ياليت تفيدوني
شكراااا

[الــــغــــلا]

((نتفلسف)) مشكوووووووووووووره وهذي ماهي بفلسفه هذي الحقيقه

[لقيت روحي]

المشاركة الأصلية كتبت بواسطة الــــغــــلا ((نتفلسف)) مشكوووووووووووووره وهذي ماهي بفلسفه هذي الحقيقه

عزيزتي الغلا ..

ماكنت قاصدتك ..

*

شوفي انتي طالما حابة المادة وتبغيها لا تسمعي كلام
اللي حولك تراهم يجبطوكي ..

ويخلوكي كــدة ..


عزيزتي ..

انا تخبطت في حبي للانجليزي ..

ورغبتي في علم النفس ..

لكن غلبني حبي للانجليزي ..

ودخلت فيه ..

وضربت بكلام اللي احبطوني عرض الحائط ..

وبالعكس راح اثبت لهم ..

انهم مو صادقين وراح اجيب علامات ( باذن الله )
حلووة ..

وايش يعني لو حملتي مادة ..؟؟!!..

من البداية انتي اول باول تذاكري ..

اول باول تخلي بالك مع الدراسة ..

حتى ل لاقدر الله مانجحتي ..

راح تشدي حيلك اكثر .. واكثر ..

وتبيني انهم على خطا ..

وهم راح يكونوا ..

والافضل انك تستخيري ..
اختك / لقيت روحي ..

[أسير999]

اذا انتي يا اختي تحبي اللغة وماعندك مشاكل فيها بالعكس انا اشد على يدك واقول ادخلي
اهم شي حب اللغة عشان تمشين صح
مسئلة انه ناس قالوا ومدري ايش :) هذا الكلام مايوكل عيش ابد
الناس مستوياتهم مهب وحده عشان كذا ماتقدرين تحكمين على الكل
اقول وكلي ربك واستخيري
انا من ناحيتي بإذن الله ناوي اللغة وجايكم السنة الجايه بإذن الله هنا :)

[122]

جزى الله كل من رد عني الف خير

طيب يا اخت - الغلا وليه صعب من اي ناحيه معليش بس كلامك مبهم


اختي - لقيت روحي - الله يوفقك ويطمنك ويجزااك الف خير وعقبال المجاستير طمنتيني
لكن فيه سؤال هل راح ادرس فرنسي حتى لو تخصصت انجليزي اقصد اللغتين سوى ؟

شكرا اخ اسير على التشجيع و النصيحه وان شاء الله يتحقق اللي في بالك ...

على فكره انا اخذت دوره انجليزي والحمد لله احب الماده ومستواي زين فيها بس هل لها مستقبل ؟؟؟

[لقيت روحي]

اكيد راح تدرسي فرنسي ..

بس مستويين ( الثالث و الرابع ) ..

وماراح نخش فيه بالتفصيل زي الانتظام ..

بالعكس ..

عندنا ملزمة نذاكر منها ..

وثانيا ..

اكيد لها مستفبل باذن الله ..

لانه الانجليزي مطلوب ..

تحياتي ..

[بوليمر®]

الموضوع هذا يفيدك

http://www.skaau.com/vb/showthread.php?t=50782

[.. بيســـان ..]

وضربت بكلام اللي احبطوني عرض الحائط ..

100 %

الثقة بالنفس هي من الثقة بالله ..

لانه الانجليزي مطلوب ..

أكيد مطلوب .. دي أكثر شهادة ( مستحيل ) تطنيشها لأنها انتساب فقط مو زي باقي التخصصات ..

و أعرف الكثير ( انتساب انجلش ) في السلك التعليمي ( التدريس )

طمنتيني لكن فيه سؤال هل راح ادرس فرنسي حتى لو تخصصت انجليزي اقصد اللغتين سوى ؟

أكيد .. حتدرسي فرنسي المستوى الاول + الثاني فقط يعني ( سنة وحدة )

مسئلة انه ناس قالوا ومدري ايش :) هذا الكلام مايوكل عيش ابد الناس مستوياتهم مهب وحده عشان كذا ماتقدرين تحكمين على الكل

الأخوات عاشوا تجاربهم الخاصة بهالقسم .. و فشلوا فيها لعدة أسباب !!

أما انتي لا تخلي تجاربهم .. تمنعك تعيشي تجربتك الخاصة مع الانجليزي ..

( أصابع يدك مو متشابهة أبدا ) .. أجل كيف بعقليات و نفوس و مستويات البشر ..

حتى المتخرجين من قسم الانجليزي ..

موجود الخريج الكفؤ ..

موجود الخريج اللي دخل القسم فاضي و خرج منه فاضي ..

قامو يتفلسفون ويقولون القسم صعب ونعرف ناس شاطرين وحملو مواد

الناس الشاطرين اللي تقصديهم اللي حملوا مواد ..

أكيد خلفيتهم الانجليزية ضعيفة جدا حتى رسبوا ..

لكن نجحوا في المواد العامة الأخرى و توفقوا فيها ..

مو كل شاطر و كل واحد يجيب معدل معناه ( فهلوي بالانجليزي ) !!

إلا البعض طبعا إذا ( خليت خربت ) ..

((نتفلسف)) مشكوووووووووووووره وهذي ماهي بفلسفه هذي الحقيقه

أعصابك يا الغلا و ان شاء الله موفقة في الترم القادم ..

لكن أخطأتي في استخدام بعض الكلمات ..

ليست ( حقيقة القسم ) .. لكنها حقيقة ( تجربتك الخاصة ) .. !!

[الــــغــــلا]

أعصابك يا الغلا و ان شاء الله موفقة في الترم القادم ..

لكن أخطأتي في استخدام بعض الكلمات ..

ليست ( حقيقة القسم ) .. لكنها حقيقة ( تجربتك الخاصة ) .. !![/quote]

هلا بيسان
احب اقولك ان اعصابي هادئه ولله الحمد،،
وكمان احب اقولك ان حقيقة تجربتي الخاصه على قولتك ولله الحمد والمنه ان درجاتي السمستر اللي فات جميعها فوق 90 ماشاء الله لاقوة الا بالله (( للتوضيح )) ولم احمل مواد كما تظنين
تحياتي

[الانس]

الله يوفقك يالغلا 00 وتستمري دائما على هذا المستوى
ماشاءالله لاقوة الابالله