تجمع طالبات المستوى الرابع

[prin]

المشاركة الأصلية كتبت بواسطة missaisha اناكمان موادي زي الحسناء بس حابه اخد الترم ده مش حابه اخذ مواد كتير لاني شايله القراءه 1 كمان بفكر اخذ مع القراءه الاستماع والكتابة والثقافه هيكون كويس كده ولا اخذ مواد اكتر انتو ايش رايكم

شوفي عزيزتي صحيح 6 مواد يعتبر ضغط ولكن أنا اللي عرفته من السمستر اللي فات أنه الـ 3 مواد العامة ساعدتني في معدلي وهذه فائدتها ,, والشي هذا يعتمد عليكِ أنا نصيحتي لك أنك تشوفي هل أنت لو بدأت المذاكرة من الآن قادره أنك توفقي بين 6 مواد ,, مثلا لو أخذتِ قراءة 1 وكتابة 2 واستماع 2 وثقافة اسلامية وفكر فلسفي وتحرير كتابي,,اتفرغي قبل المحاضرات انك تخلصي مواد البيسك خصوصا وانتي اساسا عندك خلفية عن طريقة المذاكرة وكمان اخدتي مادة القراءة سابقا ..فوجود الـ 3 مواد العامة راح يساعدك في المعدل وحتتفرغي لمذاكرتها أخر شهر تقريبا والحمدلله هذا السمستر عندنا فتره كافيه على الاقل نختم منهجين قبل المحاضرات وكمان بعد المحاضرات عندنا شهرين تقريبا ....شوفي ايش يناسبك والله يوفقك

[سبحانك ربي 1000]

الله يجزاكم خير ع هالتجمع
حبيت اسأل اللي اخذو كتابه 1 وقراءه 1 المستوى الثالث من اسهل فيهم ومافيه تعقيد لاني ماأ خذتهم انــــا المستوى الثالث وابي اخذ وحده منهم الان مع الاستماع 2

[prin]

المشاركة الأصلية كتبت بواسطة سبحانك ربي 1000 الله يجزاكم خير ع هالتجمع حبيت اسأل اللي اخذو كتابه 1 وقراءه 1 المستوى الثالث من اسهل فيهم ومافيه تعقيد لاني ماأ خذتهم انــــا المستوى الثالث وابي اخذ وحده منهم الان مع الاستماع 2

ياهلا فيكِ,, طبعا كتابة 1 اسهل من قراءة 1,, الله يوفقك

[prin]

يابنات في منكم انضافت معاها مادة الفكر الفسلفي ؟؟

[سبحانك ربي 1000]

الشباب وقيم المواطنه مو راضيه تفتح معايه احد مثلي ي صبايا
وكمان مالقيت استماع وتحدث2 في الاضافه

[سبحانك ربي 1000]

وين الناس هاجدين

[prin]

المشاركة الأصلية كتبت بواسطة سبحانك ربي 1000 وين الناس هاجدين

ياهلا فيك اختي الفاضلة ,, صحيح للاسف انه مادة الشباب وقيم المواطنة وكمان مادة الفكر الفلسفي الى الان مو راضيه تنضاف وانا ارسلت ايميل لـ مس جميلة وقالت انه مادة الفكر الفلسفي عليها قيد وماتقدر تضيفها ليا! , فأنا اللي عملته اني اضفت الفرنسي وحسيت كمان اسهل من الفكر الفلسفي , انا الترم اللي فات نفس الشي ماكانت راضية مادة الشباب وقيم المواطنة تنضاف عندي فرحت الجامعة عند مس جميلة وضافتها ليا في نفس الوقت , الافضل انك تروحي الجامعه والله غريبه انهم مافتحوا شعبة للمادة للانتساب ! الله يوفقك ويسهل عليكِ

[حلم قريب]

المشاركة الأصلية كتبت بواسطة prin وانا ارسلت ايميل لـ مس جميلة وقالت انه مادة الفكر الفلسفي عليها قيد وماتقدر تضيفها ليا!

كيف يعني المادة عليها قيد وماتقدر تضيفها لكِ ؟

[جوليـــا]

السلام عليكم
بنات هذا جدولي
الاستماع 2 الكتابة 2
الثقافة 3 اللغة العربية 2

ابغى ااجل القرءاة 2 لانو خايفة من الاستاذة شادن بصراحة .. كمان بركز على مادتين كويس اش رايكم

[prin]

المشاركة الأصلية كتبت بواسطة جوليـــا السلام عليكم بنات هذا جدولي الاستماع 2 الكتابة 2 الثقافة 3 اللغة العربية 2 ابغى ااجل القرءاة 2 لانو خايفة من الاستاذة شادن بصراحة ..كمان بركز على مادتين كويس اش رايكم

ياهلا ياجوليا , والله انا اشوف الافضل انك تضيفي مادة القراءة , لانه اساسا مذاكرتها تعتمد علينا اولا واخيرا باننا يكون عندنا مخزون كبير من الفوكابلري عشان نقدر نفهم القطع في الامتحان وكمان انك تعرفي تستخرجي الاجوبة من القطع وكمان تفهمي الاستراتجيات وكتاب الفوكابلري تحفظي كلماته فاساسا الاستاذه مالها دور غير انها تعطينا اجوبة الكتاب والامتحان حيكون وراكِ وراكِ سواء السنة دي او اللي بعدها, التعقيد مش في المادة انما في اسئلة الاختبار للاسف ! الله يوفقك ويسهل عليكِ