اصح مقولة لديك من بين هذه الاقوال :)

[سجينة]

يختبرالذهب بالنار و تختبر المرأة بالذهب و يختبر الرجل بالمرأة !

مو صحيح أنا ماأحب الذهب أحب الاكسسوار << وش دخلك هذا القسم ومين طلب رأيك ههههههههههههههه



أدري إنه هالقسم مو مكاني والمفروض ماأرد بس لفت انتباهي الموضوع لأنه في ظلم لنا
كثير كلام مو صحيح .. ليش دايم في نظركم إحنا الشياطين وانتم الملائكة

( رفقاً بالقوارير )

المرأة كائن ضعيف فوق ماتتخيلوا .. حتى لو كانت عصبية او متسلطة لكنها ضعيفة أمام جبروت الرجل

( الرجال قوامون على النساء )

بس المشكلة احنا الحريم ماحد يفهمنا
كلكم تحسبوا إنه اهم شي عندنا الفلوس والذهب والمظاهر والسيطرة والطلعات والهبال
بس مو كل الحريم زي بعض .. في ناس يهتموا وناس لأ
وحتى لو اهتمت بالمظاهر فهي عالأقل مرأة وتبي زوجها يجيب لها كل شي عشان تتباهى قدام الناس إنه زوجها يجيب ويجيب ومو مقصر في شي << وانا طبعاً ضد هذا المبدأ

بس اش رايك بالرجال اللي يبغو يتزوجوا (فقط) موظفة,أو غنية ولديها شقة,ومسيار,وهي اللي تصرف عليه ومو مهم العمر ولا الشكل ولا العيلة ولا الحالة الاجتماعية

وهذي الموضة دحين وأكيد انتوا عارفين هالشي .. يعني تصير الحرمة هي الرجال وهي اللي تصرف
والرجال هو الحرمة يقعد بالبيت وبالمقابل المرأة تنحرم من كل حقوقها في الحياة

هاه .. لازلتم يالرجال كلكم ملائكة وماعليكم كلام وما تخطئون أبد ؟

*

لما الزوج يطلق زوجته ويرميها وياخذ الاولاد ويحرمها منهم ولا همه احساسها ولا دموعها ولا حتى موتها

وش رايكم فيه ؟؟ رجال صح ؟ فيه كل معاني الرجولة وماحد يقدر يقول شي ؟

*

لما الرجال يستقوي على الحرمة ويضربها ويكسر ظهرها ولا رقبتها ويجيب لها عاهه مستديمة

ماشاء الله عليه سوبر مان ورجل بمعنى الكلمة يفتخر به عشان القوة اللي عنده اللي ماطلعها غير على حرمة ضعيفة



لما ولما ولما والكلام مايخلص لبكرة وكله من أرض الواقع
بس كنت أبي أذكركم .. إنه الحريم مو بالسلبية اللي انتم شايفينها
والرجال .. مو بالمثالية اللي انتم تحسبونها

لايوجد في هذه الدنيا من هو معصوم من الخطأ
كلانا متساويين في الأخطاء والحسنات
سواء كنا رجالاً او فتيات


تقبلوا مروري واسفة على الإطالة وان شاء الله ماعاد ادخل هذا القسم عشان لاأحد يزعل مني :)

في حفظ المولى وشكراً على الموضوع