بنات الانتساب اللي يبغوا مواد وطلعت تعارض

[سهر]

السلام عليكم ورحمة الله وبركاته

بنات انا باقيلي 5 مواد عالتخرج وهي:

الابلايد , الفكشن , المودرن , الكريتيسيزم , البراكتكم2

المهم

نزل لي جدولي وفيه الفكشن والكريتيسيزم والباقي تعاااارض
المواد الي ابغاها
مودرن , ابلايد وهي تعارض مع الفكشن
ايش الحل؟؟ هل ممكن يفتحوا شعب زياده وممكن تكون 3 مواد بنفس الوقت تعارض؟
في احد قبل كذا سارت معاه؟؟
افيدوني لاني شايله هم عالآآآآآآآآآآآخر

[ѕυрзя пıdσ]

الله يعينك يارب ويفرج همك

انا لمن سألتهم قالو احتمال يفتحو شعب بس ماحددو لانو لسا باقي وقت

بالنسبة لنا اغلب المواد متعارضة بس انتي وضعك غير

الافضل انك تراجعيهم بنفسك وتقوليلهم انك تخرج وان شاء الله تنحل المشكلة

ويكتبلك ربي الي فيه الخير والصالح لكي ياااارب

[سهر]

تسلمين ياحلوه
بس ماادري قد صارت قبل كذا او اول مرره يعني لو انا بس اللي محتاجه ممكن يفتحون لي شعبه واكون فيها لحالي!!!
مااتوقع
اخاف ابدأ اذاكر وبعدين مايفتحوا شعب
اش اسوي بليز انصحوني

[nour al3mr]

وعليك السلام ورحمة الله و بركـــــآته ..

أفتكـر صارت للأولاد الترم المــــآضي ..
وكان اغلبهم أيضـآ تخرج ..

راجعي القسم و اساليهم ..

الله يعينكم على حوستهم ..

[LAURA H]

هاااي سهوورة كيفك؟؟

اتوقع انه راح يفتحوا شعب بس اصبري شوي..
حنى احنا مو تخرج وموادنا اغلبها تعارض..

ربي يوفقك ونشوفك خريجة يارب,,

[شخصية مستهدفة]

سهر

ألف مبروووووووك مقدماً

أنا معاك تخرج بإذن الله هالسيمستر

موادي

أبلايد ,, سيمينار ,, براكتكم 2 ,, فكشن

أتوقع حيكون في شعب بس أصبري حبتين ,,

ألاحظ من ترمين موادنا زي بعض أنا وانتي ايش الهرجه :) !!

ربي يوفقك يا سوووووكرة

[اموولي11]

انا كمان تعااارض بس انا موتخرج عندي الشعر والبراكتكم 1

[ѕυрзя пıdσ]

يابنات مين تقدر تتأكد من مس جميلة ازا اكيييييد حيفتحو شعب تانية ولا لأ

والله الجدول مرررررررررا مايزبط كل المواد تعارض

وكمان متى حينزلو اسماء الاستازات <<<<<<< أهم شي

عشان يمدينا نعتمد المواد ونشتري الكتب ونزاكر

بعد الدورة حيكون عندنا 3 اسابيع قبل الاختبارات =(

[little_star_]

لا تخافي صارت مع صديقتي الترم الماضي وفتحوا لها شعب ثانيه وهذي الشعب للخرجيين فقط لازم تروحي عند مس جميله تعبي استماره للمواد المتعارضه ويفضل تروحي قبل لا تبدا الدوره


الله يسهل للجميع

[سهر]

المشاركة الأصلية كتبت بواسطة laura h هاااي سهوورة كيفك؟؟ اتوقع انه راح يفتحوا شعب بس اصبري شوي.. حنى احنا مو تخرج وموادنا اغلبها تعارض.. ربي يوفقك ونشوفك خريجة يارب,,

ننتظــــر ونشوف النهـــآيه
الله يصبرنا