بعيدا عن جو الاختبارات ماهي معلوماتكم عن شهادات السيسكو

[الدكتور المحتار]

المشاركة الأصلية كتبت بواسطة sna!!ke اهاا حلـو ، يعطيك العافيه طيب ينفع مثلا اني ادرس في البيت وبعدين اخش الاختبار علطول مثل الـ icdl ولا لأ؟ لانه الاسعار مرتفعه شوي ، خاصه لو كنت بتاخد اكثر من دورة -_-

يب يب يمديك تختبر فقط من غير ما تدخل الدورة
ورااح توفرلك في المبلغ ودا شي اكيد


بس الميزة في الدورة انهم يعطوك الكتاب الاصلي للسيسكو وكمان الاشياء العمليه
في معامل متكامله وكل شي
وفووق دا كلو راااح يدووك شهاده حضوور الدورة مختومه من شركة السيسكو
يعني لها امتيازات عديده

[deathpain]

والله حمستني ،،
بكرة عندك كلاسات في الجامعة ؟
انا عندي برمجة من الساعة 9:30 لين الساعة 11 ؟

[الدكتور المحتار]

المشاركة الأصلية كتبت بواسطة deathpain والله حمستني ،، بكرة عندك كلاسات في الجامعة ؟ انا عندي برمجة من الساعة 9:30 لين الساعة 11

اتمنى انو يستمر الحمااس دا على طول

بالنسبه للمحاضرات
انا فرع شمال جده
محاضراتي من 9:30 لين 2:30

عشاان عندي لاب برمجه >>>>عندي اختبار عملي دعوااتك

[deathpain]

المشاركة الأصلية كتبت بواسطة الدكتور المحتار اتمنى انو يستمر الحمااس دا على طول بالنسبه للمحاضرات انا فرع شمال جده محاضراتي من 9:30 لين 2:30 عشاان عندي لاب برمجه >>>>عندي اختبار عملي دعوااتك

الله يوفقك إن شاء الله ،،
انا في الفرع الرئيسي ( السليمانية )
إن شاء الله نتقابل في أي يوم قدام الجمجوم ،،
أهم شيء تأكدلي من طريقة الدفع وكم المبلغ بالكامل
وشكراً !

[خالد2007]

موفقين اخوتي
ولدي اضافة يمكن تفيد وهي ان الشهادة من نيهرزان اقوى عند الخدمة المدنية
لان شهادة السيسكو ليست منتشرة علي نطاق واسع وذلك لمحدودية علم غير المختصين بها

[الدكتور المحتار]

المشاركة الأصلية كتبت بواسطة deathpain الله يوفقك إن شاء الله ،، انا في الفرع الرئيسي ( السليمانية ) إن شاء الله نتقابل في أي يوم قدام الجمجوم ،، أهم شيء تأكدلي من طريقة الدفع وكم المبلغ بالكامل وشكراً !

تامر امر

من العين دي*-^ قبل العين دي ^-* >>>>كيف الفيسات متعوب عليها هع


وان شااء الله نتقابل

والرد بيجيك بكرة ان شاء الله


العفو

[الدكتور المحتار]

المشاركة الأصلية كتبت بواسطة خالد2007 موفقين اخوتي ولدي اضافة يمكن تفيد وهي ان الشهادة من نيهرزان اقوى عند الخدمة المدنية لان شهادة السيسكو ليست منتشرة علي نطاق واسع وذلك لمحدودية علم غير المختصين بها

هوا صح انو معهد نيوهورايزون اقوى بس بصراااحه مبالغ في سعر الدورات


بالنسبه لشهادات السيسكو هيا تعتبر جدا قوية بالذات للي معاهد بكلوريوس تقنية معلومات

اعرف واحد من اصحابي
معاه ccnp وبعض شهادات مايكروسوفت وموظف في هيئة الطيران المدني
براتب وقدرو مع العلم انو ما معاه شهادة جامعيه



يعني الشهاة تعتبر قوية جدا

[Al-AzDi]

جديد دورة أساسيات الشبكات ( CCNA(1.2.3.4
تاريخ الدورة : 1-1-1433
وصف الدورة :
تحتوي الدورة على اربع مستويات وهي :
CCAN1.CCNA2.CCAN3.CCAN4
مدة كل مستوى يدرس لمدة اسبوع من السبت الى الخميس بواقع خمس ساعات يوميا من الساعه الخامسة عصرا الى الساعه العاشرة مساءا

يحصل المتدرب بعد الانتهاء الدورة على شهادتين :
الاولي
شهادة من جامعه الملك عبدالعزيز
الثانية
شهادة من شركه سيسكو الدولية للشبكات

اهداف الدورة :
CCNA1:
يدرس فيها المتدرب على مقدمة في الشبكات. تقسيم عنونه برتوكولات الانترنت ...
CCNA2:
يدرس فيها المتدرب على برمجة الروترات .وبرتوكولات التوجيه ...
CCNA3:
يدرس فيها المتدرب على برمجة السويتش .وتطبيق الامان عليها ...
CCNA4:
يدرس فيها المتدرب على الشبكات اللاسلكية .ونظام الامان ...


مكان الانعقاد : عمادة خدمة المجتمع والتعليم المستمر

رابط التسجيل

[Sna!!ke]

المشاركة الأصلية كتبت بواسطة al-azdi جديد دورة أساسيات الشبكات ( ccna(1.2.3.4 تاريخ الدورة : 1-1-1433 وصف الدورة : تحتوي الدورة على اربع مستويات وهي : Ccan1.ccna2.ccan3.ccan4 مدة كل مستوى يدرس لمدة اسبوع من السبت الى الخميس بواقع خمس ساعات يوميا من الساعه الخامسة عصرا الى الساعه العاشرة مساءا يحصل المتدرب بعد الانتهاء الدورة على شهادتين : الاولي شهادة من جامعه الملك عبدالعزيز الثانية شهادة من شركه سيسكو الدولية للشبكات اهداف الدورة : Ccna1: يدرس فيها المتدرب على مقدمة في الشبكات. تقسيم عنونه برتوكولات الانترنت ... Ccna2: يدرس فيها المتدرب على برمجة الروترات .وبرتوكولات التوجيه ... Ccna3: يدرس فيها المتدرب على برمجة السويتش .وتطبيق الامان عليها ... Ccna4: يدرس فيها المتدرب على الشبكات اللاسلكية .ونظام الامان ... مكان الانعقاد : عمادة خدمة المجتمع والتعليم المستمر رابط التسجيل

مده كل مستوى اسبوع واحد فقط؟؟؟ متأكد من الشيء ده ؟ السعر تقريبا 4000 ريال لكن ماادري اذا مشمول الاختبار ولا لأ ...
ياليت لو تعطيني رابط الخبر الاصلي مو الاستمـاره ، دورت وماحصلت

[Sna!!ke]

ايضا لو في احد يعرف صلاحيه الشهاده كم تقعد معاك؟ حتنتهي بعد سنتين مثلا او بعد فتره معينه؟ ام انها حتقعد معاك علطوول