اش المعاهد اللي تعطي شهادة icdl

[حروف البسمه]

السلام عليكم ورحمة الله وبركاته


حابه تدلوني على المعاهد اللي تعطي شهادة icdl واللي تتعادل بمادة الحاسب


شكرا

[غير مرشح]

تقدري تسجلي في جامعة عفت دراسه+اختبارات

[مـ جدة ـلاك]

شهادة ال icdl اتلغت

وجات بدالها الكامبردج

وانا ادرسها دحين

و ندمت اني دفعت عليها فلوس لأنها ببساطه نصب في نصب

بأول اختبار الكمبيوتر طلع كل البنات راسبين ماعدا وحده على الحافه

واذا نبغى نعيد لازم ندفع 100

وهيا عباره عن 7 مواد

4 برامج الاوفيس
والانترنت
وتقنية المعلومات
والوندوز

لو عندك اي استفسار اسأليني انا حاضره

[حروف البسمه]

شكرا يا غير مرشح

ومشكوووره ياااملاك

طيب فين درستيها بأي معهد ؟؟ وعدتي الاختبار والا خلاص انسحبتي ؟

[مـ جدة ـلاك]

معهد نحو المستقبل عند القاعه الذهبيه

ومعايه كثير بنات من الجامعه

انا الصراحه ماسجلت في اختبار الاعاده بس بقية الكلاس سجلو وبكره راح يختبرو

تعرفي وين المشكله

انو لو كانت لسى icdl
راح ننجح كلنا

لأنو النماذج معروفه و كلها تلاقيها عالنت و تلاقي مساعدات كثير عشان تجتازي الامتحان

لكن الكامبردج احنا اول دفعه يعني زي فيران التجارب

و من جد من جد نتيجة الاختبار كانت صدمة لنا

اشياء كثير مبهمه مش واضحه

والمشكله انو اتفه برنامج اللي هوا الوورد

بس الكمبيوتر يحسب على شي على كيفو

وفي النهايه يقولو ادفعو ميه عشان تعيدو :( مره شي محبط

حاجه تقهر

[احــلام]

السلام عليكم
يعطيك العافية ملاك جده ع طرح تجربتك
انا باخذ الكامبردج بس محتاره بالمعهد لانه الاغلب نصابين
دوخت وانا ابحث عن معهد كويس وبعضهم مدحولي الفتيات العالمي والفرسان و ببحث عنهم اكثر

[ǁ غــلأآإ ، رٍوٍحــي ǁ]

والمشكله انو اتفه برنامج اللي هوا الوورد بس الكمبيوتر يحسب على شي على كيفو

سوا الكآمبردج او الـicdl
لهم طريقه معينه لو عرفتي كيف تحلي فيها الاختبار صدقيني راح تنجحي


انا كنت زيك بس في الـ icdl
ودخلت اختبار " الويندوز " مع اني بيرفكت بالحاسب
ورسبت فيه واستغربت ليه رسبت مع اني جاوبت كله صصح


بس بعدين اخذت دورة مكثفه في الـ icdl والحمد لله بعدها
مارسبت ولا في اي برنآمج .. واخذت الشهاده في 6 ايام

[Hamsa }~]

أنا درست الكامبردج في نيوهورآيزن

اختبرت ومارسبت في أي اختبـآر الحمدلله ..

[abdullah__Salem]

طيب هل شهادة الكامبردج معتمدة نفس اعتماد icdl زمان ؟؟؟

وهل اقدر اعادل بيها الحاسب الالي

بالنسبة لأماكن دراسة الكامبردج للأولاد اعرف معهد جدة الدولي تقاطع التحلية مع السبعين

icdl الجامعة كانت مسوية اعلان عن الاختبار شهر ٧ الماضي بس كنسلوه وبطلو وزعلو ومدري ايش صار لهم

[alba3m]

المشاركة الأصلية كتبت بواسطة ǁ غــلأآإ ، رٍوٍحــي ǁ سوا الكآمبردج او الـicdl لهم طريقه معينه لو عرفتي كيف تحلي فيها الاختبار صدقيني راح تنجحي انا كنت زيك بس في الـ icdl ودخلت اختبار " الويندوز " مع اني بيرفكت بالحاسب ورسبت فيه واستغربت ليه رسبت مع اني جاوبت كله صصح بس بعدين اخذت دورة مكثفه في الـ icdl والحمد لله بعدها مارسبت ولا في اي برنآمج .. واخذت الشهاده في 6 ايام

في اي معهد درستي

ووين اخذتي الكورس ؟