اليوبي: القاعات الدراسية والمرافق التعليمية جاهزة لاستقبال طلاب الجامعة

قصّة · 02-12-2009, 02:34 PM

طلال:المقارنة بين جدة والدول الاخرى أجزم بأنها غير صحيحة جدة الى هذه اللحظة ونحن لانستطيع أن نمارس طقوسناالتي اعتدنا عليها فالأمس توقعت أن الاجواء قد استقرت لكن للاسف وكأنها الكارثة ولدت بالأمس وتسببت بغرق السيارة والعودة بأطفالنا ووجوهم ارتسم عليها الانكسار والموقع الذي وقع الحدث بطريق الجامعة ..,والدول الاخرى تداركت الأمر حيثُ أنا الأمطار تتساقط عليها مُعظم السنة ولم تشهد مثل هذه الكوارث والسبب وجود صرفات المياه!
أمّـا ماصرّح به من قبل اليوبي فالشكر موجهه لهم أولا واخيراً فالجهود التي بُذلت منهم لاتستحق غيرالثناء ألاأنني أُعارض هذا القرار والسبب قد ذُكر بالأعلى فقد تولدت لدينا "فوبيا الأمطار"..
أقلّها اليومين القادمه "السبت والأحد"..

طلال الغامدي · 03-12-2009, 04:29 AM

كلامك صحيح أخوية .. قصة .. واللي حصل مهو سهل فعلا .. لكن لا تنسى لا اليوبي ولا الطيب لهم صلاحية بالتأجيل .. فــ تصريحه أنو الدراسة لم تتأجل صحيح جدا وفي محله وهو أكثر شي يقدر عليه في الوقت الحالي .. وأنا معاك أنو الدراسة يجب تأجيلها أسبوع على الأقل خصوصا إذا كان الطريق وكوبري الجامعة تحديدا لأنه أتضرر بالسيارات وقت السيل .. لكن أكرر التأجيل ليس بيد اليوبي ولا الطيب وكل اللي يقدرواعليه حاليا تطمين الطلاب على الجامعة.

ودق · 03-12-2009, 12:16 PM

أمطار الجمعه تحكمنا

ننتظر للجمعه ونشوف نداوم أولا

واللي الله كاتبه بيصير

يسلمووو عالخبر

Dr.Kado0oSh · 03-12-2009, 03:42 PM

ايوه ايوه استمرررررررررر ياليوبي باشـآ

دحين دآ صـآآآحي ولآ كيف ؟!

يقولك شعارنا الطـآلب اولآ ومهتملي بالتقويم الجـآمعيٍ نقرتين لعرض الصورة في صفحة مستقلة

و ديني شكلوٍ حيشوووف طلاب وطالبات الجامعه كلهم مهبقين نقرتين لعرض الصورة في صفحة مستقلة

اقلكم نسسسوي مظـآهرآآت نقرتين لعرض الصورة في صفحة مستقلة

اقلك ياليوبي انتـآآ انا وربي بجي من المدينه وابغا ادووام وديني لو شفت شيء غلط ولآ نزلت مطره لآ اخدك زي الزلاجه واتزلج فيك انتا وصاحبك الطيب دآ نقرتين لعرض الصورة في صفحة مستقلة

علي ابراهيم · 03-12-2009, 07:52 PM

الله يستر من الجاي
الله يعين الجميع

دلع الروووح · 03-12-2009, 10:41 PM

أستغفر الله ياربي أهل العقول براااااااااحة بكتب ردي للطيب واليوبي
يعني مين قال ان الطلاب والطالبات مررا خايفين من عدم نظافة الجامعة اولا ؟
هادا اخر اهتمامنا حاليــا ..
مو الجو أصلن مايهيء للدراســة ::
1- الأجــواء خطيــرة في جدة والكل بيحذر من يوم السبت الله يستر منو ويحمينا
2- بحيرة المسك مهددة بالانفجااااااار وأنفجر الســد الأول فيهـــا والتسرب وصل الين التشليح
3- تم إخلاء حي السامر والصفا والاجواد والمنار والتوفيق ... ويالطيب واليوبي ماتدرون ان كليتي كلية الفيصلية وســط هادي الاحيــاء اللي شبــه مهجوووووورة الآن ويبغوني أداوم هناك كمان والكلية أقرب شيء للبحيـــرة لو لا سمح الله حصل الفيضااان .
4- الطررررق المؤديــــــــــــة كلهـــا مكسرررررررة وخربااااااااااااانة يعني كيف يبغونا نركب زوارق وللا طياااراااات ونداوم .
5- رائحــــة الجثث اللي الى الآن ( الخميس 3-12-2009) محــد أستخرجهـــا يعني لها اسبوووع يعني يعرضونا للأوبـــة والامرااااااض إحنا من بيوتنا ما خرجنا .
6- الاوادم اللي فقدوا ممتلكاتهم سياراتهم اموالهم وكتبهم واول شي ارواح غالين عليهم والين دحين مفقودين يعني ايش النفسيــة هادي اللي تأهلهم لحضور الدراسة في الجامعة لاأ واول اسبوع اختبارات يعني بقوووة مسخررررررررررررة.
ويعني مو غريبــة مايأجلو دراســة لأنهم ماهمهم اي شي يتعلق في الطلاب والطالبات
كلها ورقــة قرار من على المكتب ولو صار شي لا سمح الله يقولون فيه خطة انقاذ يعني حاسين بالخطرررررر و شكلو نموت في وسط كلياتنا وما وصلنا منقذ واحد وخصوصا كلية الفيصلية اللي في وسط منطقــة الخطر يعني ارواحنـا بعدين تروح بسببهم وقلة المسؤولية والاهتمام ...
ويصير اكتشفنا حاجتين: خيانة جدة , وتعليم " الدفن والتكفين" ( العااالي )
بس هادا لو داومنا على نفسهـــم محد رايح يضحي بروحو
لسبب : نحن نمتلك روح واحدة وليس 7 أرواح ولن نلقي بأيدينا الى التهلكــة .