اليوبي: القاعات الدراسية والمرافق التعليمية جاهزة لاستقبال طلاب الجامعة

[@مجموعة انسان@]

الله ياخذك يا اليوبي انت والطيب عشان تحسون بالناس اللي ماتت واللي الا الآن يدورون على جثثهم
وماعندهم بيوت ولاسيارات

[hoor]

المفترض إنها تتأجل الدراسه الى أن تستقر الأوضاع على الأقل
أروااااح بشريه وخسائر ماديه وبيوت تهدمت وهم خايفين على تأخير الدراسه
الله يعينكم ان شاء الله ويحفظكم

[حابه # اتخصص]

اقوول ارتاح أنا مني جايه الجامعة بإذن الله

إذا بيصرلي شي راح يصير لي وأنا في بيتي
بس أنا اروح أرمي نفسي للموت وأقول فداء العلم ما صارت

[منولة]

كيف ياناس دراسه السبت على الاقل تأجلو اسبوع .... عبال ما نشوف كيف الوضع في البلد ...

[عيون السهارى]

أقول اتحدى اذا اليوبي والطيب ماغيبوا اقاربهم بس يتفلسفوا من باب انه الطالب اولا

والله انهم كذابين لاصار شئ هما اول ناس بينسحبوا انا عن نفسي مابداوم اول اسبوع

في حريقه الدراسه اهم شئ نفسي يكفي الارواح اللي راحت خلاص يكفي استهتار يكفي يامسؤلين الين متى ..؟؟

[لـ ح ـظة غروب]

مع نفسووووووووو

ما رااااح ادااااوم

[dail]

ok أنا راح أداوم بس بشرط تقولوا لمدير الجامعه اذا نزلت أمطار وأنا بالجامعه وما قدرت أنزل لاهلي يستقبلني في بيتو...لانو مستحيل انزل لبيتي راح يكون الخط مقفل ....

[طلال الغامدي]

شي طبيعي يقول كذا حاليا عشان لا يثير البلبلة والفزع ...والله أنكم شعب مدلع مع إحترااامي للجميع ... الناس شغالة 24 ساعة يحاولوا يعدلوا في المباني عشان الطلاب .. وفعلا جزاهم الله خير .. أصلا إحنا شعب مو حق دراسة بصراااحة .. هو صحيح الخوف الأكبر من ناحية الطريق مدري كيف حيسير لأنو كوبري الجامعة نفسو طاح .. ومدري كيف من جهة السليمانية الوضع .. عموما شي طبيعي الخبر ولازم يقول كذا ما يحتاج ندعي عــ الناس ونسب فيهم وهما شغالين لمصلحتنا .. ولو فيه تأجيل مستحيل ينشر الخبر الآن .. سلام عليكم وسامحوني للأسلوب لكن مو كويس الواحد يدعي على أخوه المسلم مهما حصل .........

[ليوناردو]

طلال الغامدي ,, لا يكثرررر ,, وحسن أسلوبك
شكلك ساكن بعيد عن جدة أو في منطقة ما تضررت ,, تعال جنوب جدة و أنا أوريك المصايب اللي صارت
بعدين في الدول الاجنبية اذا توقع أن هناك أمطار على طول يتم أعتماد أجازة ولكن عندنا لازم الفاس تطيح في الراس

[طلال الغامدي]

ليوناردو .. سوري حبيب ألبي جدا جدا عــ الأسلوب ومعاك حق وعـــ فكرة أنا ساكن في كوبري بريمان يعني لو كنت عارف جدة كويس حتعرف أنا قريب من المشاكل ولا لأ :) .. لكن أخالفك في الرأي مع إحترامي لرأيك .... أنا أنفعلت عشان السب في اليوبي والطيب كأنهم هما المسؤولين عن النكبة كلها .. أصلا أصلا مو من حق الوكيل ولا العميد أبدا أبدا أنهم يأجلوا الدراسة أبدااا .. التأجيل لو جاء حيجي من فووووق ... والجماعة سووا اللي عليهم بصراحة أشتغلوا وسووا اللي عليهم من ناحية محاولة إصلاح الأضرار وجزاهم الله خير.. وكمية الأمطااار مالها أي صلاح بللي سار اللي سار كله من الجشع والإهمال من البلدية وأمانة جدة وإنتوا فاهمين قصدي .. وأنا شخصيا شايف الدراسة كيف دول براا وعمرها ما تتأجل عشان مطر!! وأصلا كمية أمطار جدة تنزل على دول كثيرة بشكل شبه يومي وما عندهم أي مشاكل .. آسف مراا ثانية على الأسلوب للجميع