بنات الإنتساب

[شمعة الماس]

بنات انا هدا الترم محتارة اخد دراما او ادب القصة
ابغى اعرف مين بالعادة يدرسهم وكيف تكون الاسئلة عادة
واذا تتطلب هذه المواد بريزنتيشن او بحث او حاجات تانية غير المقرر
بليز ردوا علي

[داانه]

اهلين شمعه الماس

بما انك انتساب مافي اي طلبات الدرجات كلها ع الفاينال ميه درجه وبس

الدراما بيديها الدكتور سيد احسان

والفكشن انا اخدتها مع دكتوره صفاء

اعتقد ما بتدى الانتساب دحين

الفكشن عباره عن 3 روايات كنا بنركز على 2 ونقرى التالته

بالنسبه للدراما برضو 3 مسرحيات الدكتور بيحدف وحده
بالاضافه الى تاريخ الدراما

بالتوفيق

[شمعة الماس]

شكرا كتير دانة
بس حابة اعرف اي وحدة حسيت انها اسهل
يعني اقصر واختبارها ابسط من التانية
لانو بصراحه عندي كمان هدا الترم 4 مواد linguistics

[سهر]

انا من تجربتي المريره هههههههه مع د/عمر باسلامه في الفكشن انتبهي تاخذي معاااه مرره مايعجبه العجب هوا اللي اعطى فكشن وشكسبير الترم اللي فات اما الدراما مع سيد احسان كان كويس والحمدلله بفضل الله ثم فضل اخوي حبيتك تنسيت النوم اشوف انك تاخذي الدراما مع سيد احسان لو كان هوا اللي يعطيها

[داانه]

شوفي ياعسل

لاني اخدت الفكشن مع دكتوره صفا


ودي الدكتوره عسسسل واسئلتها كانت خيال

لما زاكرت الماده كانت سهله بالنسبه ليا

لاني قريت الراويتين قبل الدوره

بس زي ما قالتلك سهوورا لو كان حيدي الفكشن الدكتور عمر خليكي ع الدراما مع الدكتور سيد احسان

صح في حفظ كتير واسئلتو كلها اسي

بس لوكنتي اخدت معا قبل كدا حترتاحي انو تاخدي معا تاني

انا اخدت معا المودرن وعديت

واخدت معا الدراما

اختبارو عباره عن 8 اسئله تقريبا

السؤال الاول اختياري من سبارك نوتس عن احداث المسرحيه(سبانش تراجيدي )
وجاب اسئله قصيره يادوبك جمله او جملتين الاجابه برضو من الاحداث

مثال اش يقرب السيد بيتر تيزل لماريا دا من مسرحيه سكول فور سكاندال
( راجعي اسئله السمستر الي فات موجوده فالمنتدى وحده منزلتها الله يسعدها حتفيدك ان شاء الله )

السؤال التاني 3 كوتيشنز من المسرحيتين اختاري اتنين

تقولي من القائل ولمين وايش المناسبه وايش الثيم

المهم حتلاقي الاسئله موجوده

الحلو في انو بيديكي سؤالين لكل فقره اختاري واحد

بالتوفيق يا عسل

[شمعة الماس]

بنات يلي رح يدرس هدا الترم fiction شادن
والدراما ناريمان
ابغى اعرف كيف شرح كل وحدة واسئلتها لاني لين دحين ماني عارفة اخد الدراما او القصة

[ana w bas]

بنات كيف عرفتوا الاستاذات اللي بيعطون هذا الترم؟؟؟

تكفون ابي اعرف

بعدين كيف تذاكرون قبل الدوره كيف تعرفون المنهج والمطلوب والكتاب وشو والملخصات من وين؟؟
اقدر اخذها الحين؟؟؟

[سهر]

ana w bas حبيبتي ادخلي على الاودس حقك وروحي اليسار قائمة الشعب الدراسيه وتجيكي 3 خانات اتاري اول شي رمز القسم او الماده اللي هو lane بعدين الفصل الثاني بعدين سنة 2010 ويطلع لك اسماء اعضاء هيئة التدريس
يارب اكون افدتك
حبيتي حظك حلوو اختاري الدراما مع ناريمان مرره سهل لايفووتك قبل لاتصير الشعبه فللل

[ana w bas]

بنات بالله قولولي اقدر اذاكر من الحين قبل الدوره؟؟
وكيف اخذ الكتب والاوراق وانا من بعيد مو في جده