اللي عنده معلومات عن المسار وعن المواد

[t.h.m2004]

مساء الخير للجميع
انحاس مخي وانا احوس واحولت عيوني ماقدرت اتأكد من هالمعلومات واللي عنده خلفيه عن النقاط لايبخل علينا
1- الانتساب وش المسار اللي متوفر لهم ( علم اجتماع - خدمه اجتماعيه )
2- الكل يعرف ان فيه مواد كان موجوده قبل كم سنه وحذفت من الخطه واستبدلت بمواد ثانيه مثل مادة psy 351 كانت عندي بالخطه الاولى 10 والحين الخطه الجديده محذوفه ولما ادخل تقرير للوضع الاكاديمي تبعي احصل المادة لازالت مسجله ومكتوب قدامه no يعني لم يتم اجتيازها وبالخطه الاساسيه للمواد غير موجوده
3- المواد الحره مسجل بالخطه ( مادتين حره ) لكن كيف اختيارها وباي مستوى اختارهم وياليت اح يعطيني امثله للمواد الحره السهله المتوفره لقسم الاجتماع

وشكرا لكم

[عاقل ذاق المر والحالي]

مساء النور
ياحبيب قلبي الظاهر انك دفعه 9 او 10 وكانت المواد الحره ثلاث مواد على ساعتين على مااعتقد
المطلوب منك ترجع للخطة اللي كانت موضوعه لدفعتك وتخلص المواد الي عليك سواء الاجبارية او الحره وانتبه للساعات الحره لان عددها قل في الدفعات الي بعدكم

وقبل تخرجك بترم روح للجامعة واسحب برنت بالمواد المجتازه والمتبقيه وشد حيلك وغلقها

فالك النجوح

[t.h.m2004]

يعطيك العافيه صحيح دفعه 10 لكن من وين اجيب الخطه القديمه
وباقي لي الان ترم واخلص لكن ربك يسهل الامور شكلي بعتمد على الموجود بالخطه الحاليه وبخليه شكاوي انا والجامعه بديوان المظالم :) لان ديوان المظالم قريب للرياض لكن الجامعه بعيده بخليهم هم يجون الرياض