لتبادل التجارب مع الدكتورات كل وحدة تدخل وتقول تجربتها مع دكتورتها

[Ghaidaa123]

السلام عليكم ورحمة الله وبركاته

كلنا نعرف ان الدكتورة ممكن تحببك في المادة وممكن تحبطك
فتحت هذا الموضوع عشان نتبادل تجاربنا وناخد خلفية من بعض
انا درست خطة ب في السلمانية


الاحصاء
مع لميس العمودي هيا كويسة وتشرح صراحة مره كويس بس انا دي المادة واجهت صعوبة فيها اكون فاهمة مره كويس وانصدم بالنتيجة


كيمياء
كنت مع دكتورة فايدة كان مستواها مش ولا بد رحت حولت لدكتورة زهرا كان شرحها كويس والله بس برضو مو التوب وانصح بنهى الوزان لاني سمعت بناتها يمدحووووها


احياء
كنت مع دكتورة سالينا مررررره سرييييعة وماكنت عارفة هيا ايش بتقول لانو ماشالله كانت بتتكلم انقليزي طوال الوقت صراحة جاني احباط بداية السنة بعدين حولت عند دكتورة حنان الشاذلي الله يسعدها دي البني اااادمية دايمن بدعيلها والله

[Dr.fa6ima]

خطة ب - السليمانيةة

الكيمياء ~
كنت مع ا.[color="rgb(160, 82, 45)"]دلال زين العابدين ـ الله يسعدهاا دنيا وآخرهه مرررا حبيتها شرحححها قمممة ف الروعةة
بداية كنت أبى أحول لـ [color="rgb(160, 82, 45)"]نها وزان[/color] بس لما جربت أسلوبها ف الشرح حمدت الله إني م حوولت .. وبالنسبة ليا
دلال أفضل من نهاا بكثييييررر .. نصيحة لو انتي عند دلال[/color] ( لا تجاوبي إذا م سألت )

الأحياء ~
أساسا دكتورتي كانت آمال حسن ، أبدا م ارتحت معاها والكلاس كان يومين ف كنا نجلس ساعة وثلث ):
ف على طول حولت لدكتورة [color="rgb(160, 82, 45)"]حناان الشاذلي الله يسعدها وييسر أمرها وين م راحت بجد معاها حبيت الأحيااء
ولو تسمعوا كلامها حتضمنوا الـ 100 ب الرااااحةة[/color]

الإحصاء ~
من حسن حظي الحمدلله كنت مع[color="rgb(160, 82, 45)"] أ. دعاء بوقري .. اللي حتجي معاها حتكون بجد محظوظة م شاء الله عليها
جداا مرتبة ف شرحها وتدخلك المعلومة بكل سلاسةة ودايما تربط أفكار الدرس ببعض .. الله يسعدها ياارب[/color]

[Asmaa moh]

شكرا لكم
خطة أ السليمانية
رياضيات
نهله الدواليبي تشرح اللي مكتوب فقط نادر ما تعطي طرق مختصره يعني يعتمد على فهمك وتدريبك
آسيا زقزوق البنات يمدحونا مره ولكن عيبها تاخذ البريك اللي من ١٢ ل ١ و ماتشرح من الكتاب تشرح من ملزمتها وممكن تقولك ارجعي للكتاب وملزمتها كويسه فيها أمثله ولكنها اسهل من أمثلة الكتاب آو تجيب شي الكتاب ما طلبه بس عشان توضحلك الموضوع
هتون شعيب يمدحونها معرف عنها آي شي
( فيه بنات يحضرون ل د. آسيا وهتون أو د. نهله و د. هتون يعني خوذوا وقتكم في فهم الرياضيات لا تضغطون على نفسكم )

فيزياء
د. ريم الوافي بطططله ماشاء الله لاقوة إلا بالله عليها بس سررريعه يعني اذا تحتاجين وقت فالفيزياء جربي غيرها بس لا تحولين الا وانتي متآكدة من الدكتورة الثانية
د. سناء أباظة يمدحونها مره

مهارات اتصال
ما ادري ما جربي الا د. رغد باعامر كريمه فالدرجات وتفهم بس لاااازم تحضرين عشان تفهمين ( ممكن بنات يقولون لك كل الشرح زي فالكتاب ليش اجي وغيرها من الاسباب اللي تقنعك انو ماتجين بس محد بياكلها ولا حيعرف يربط المواضيع ببعض الا انتي )

حاسب
د. خلود الأزوري شرحا مش ولا بد تقرأ السايدات وتعلق بس اختباراتها العملية الحمدلله أسهل من غيرها وفي اخر اختبار جونا بنات من شعب ثانيه يختبدون معاها
( تقدرين تختبرين الاختبار العملي مع استاذه ثانيه لو ما حبيتي استاذتك بس لازم تستأذنين الاثنين ما اعرف الطريقه بالضبط )

و بالتوفيق يارب وان شاء الله كل أموركم سهاله

[فاتحة]

المشاركة الأصلية كتبت بواسطة asmaa moh شكرا لكم خطة أ السليمانية حاسب د. خلود الأزوري شرحا مش ولا بد تقرأ السايدات وتعلق بس اختباراتها العملية الحمدلله أسهل من غيرها وفي اخر اختبار جونا بنات من شعب ثانيه يختبدون معاها ( تقدرين تختبرين الاختبار العملي مع استاذه ثانيه لو ما حبيتي استاذتك بس لازم تستأذنين الاثنين ما اعرف الطريقه بالضبط ) و بالتوفيق يارب وان شاء الله كل أموركم سهاله

عفوا
انا برضو كنت مع استادة خلود بس ممكن شعبتك غير عن شعبتي الاختبارات تجي مو منها تجي من الوحدة افتكر كذا سؤال كان فيه غلط بسيط فاستغربت وقالت ماراح ادقق عليه اهم شيء تعرفي تسوي ذي الخطوة
وافتكر اني غبت في واحد من الدوريات واختبرنا مع الغائبات بنموذج موحد و كنا كوكتيل من الشعب في مبنى العلوم
وبرضو فيه كانو اربعة بنات ادبي ما ناسبهم موعد العملي ومستحيل يتغير عشان اربعة بنات
فقامت الاستاذة ودتهم يختبرو مع استاذة ثانية لانو ما لقت موعد عندها وفي نفس الوقت يناسبهم

أما نظام حبيتها او ما حبيتها اول مرة ادري عنه ،وهو اقرب للإشاعة 😊😊😊😊
ممكن تغيري موعد اختبارك لو عندك عذر طبي او اجتماعي في ذاك اليوم وما تقدري تجي
حتروحي تكلمي استاذتك لو عندها شعب كثيرة وتشوفلك شعبة تختبري معاها، اذا ما لقت حتقولك اسم الاستاذة ومتى تختبر وأي يوم تختبر الاستاذة فيه !
بس لازم تجيبي عذرك من بدري وتكلميها ،
لانو اذا اختبرو جميع الشعب ، يكون اختبارك اخر الترم مع الغائبات
وانا ما كانت ادري عن ذي النقطة الاخيرة فاختبرت اخر اسبوع

هما ذولي البنات اللي شفتيهم ومن ضمنهم انا ممكن ، ماقد اختبرت مع شعبتي 😊

[Asmaa moh]

المشاركة الأصلية كتبت بواسطة فاتحة عفوا انا برضو كنت مع استادة خلود بس ممكن شعبتك غير عن شعبتي الاختبارات تجي مو منها تجي من الوحدة افتكر كذا سؤال كان فيه غلط بسيط فاستغربت وقالت ماراح ادقق عليه اهم شيء تعرفي تسوي ذي الخطوة وافتكر اني غبت في واحد من الدوريات واختبرنا مع الغائبات بنموذج موحد و كنا كوكتيل من الشعب في مبنى العلوم وبرضو فيه كانو اربعة بنات ادبي ما ناسبهم موعد العملي ومستحيل يتغير عشان اربعة بنات فقامت الاستاذة ودتهم يختبرو مع استاذة ثانية لانو ما لقت موعد عندها وفي نفس الوقت يناسبهم أما نظام حبيتها او ما حبيتها اول مرة ادري عنه ،وهو اقرب للإشاعة 😊😊😊😊 ممكن تغيري موعد اختبارك لو عندك عذر طبي او اجتماعي في ذاك اليوم وما تقدري تجي حتروحي تكلمي استاذتك لو عندها شعب كثيرة وتشوفلك شعبة تختبري معاها، اذا ما لقت حتقولك اسم الاستاذة ومتى تختبر وأي يوم تختبر الاستاذة فيه ! بس لازم تجيبي عذرك من بدري وتكلميها ، لانو اذا اختبرو جميع الشعب ، يكون اختبارك اخر الترم مع الغائبات وانا ما كانت ادري عن ذي النقطة الاخيرة فاختبرت اخر اسبوع هما ذولي البنات اللي شفتيهم ومن ضمنهم انا ممكن ، ماقد اختبرت مع شعبتي 😊

شكرا على تصحيحك
ما ادري عن نوع الظروف بس أنتي مجربة فيصير أنتي العارفه

[دانه الكويسه]

انا كنت خطة أ في الشرفيه

في الفيزياء تدرسني د.الاء امام كويسه مره و تشرح من سلايداتها و تحل اكبر قدر من الاسئله في المحاضره بس صوتها واطي فلازم اكون قدام عشان افهم

في الرياضيات د.مريم اليامي انا ما ناسبني شرحها ابدا تشرح بنفس طريقة الكتاب و سريعه جدا

مهارات الاتصال الاستاذه خلود الانصاري
كانت جاده معانا و تدقق على التكاليف و الدرجات

الحاسب استاذه حنان المفرجي
اسلوبها شويه جاف لا تنصدموا منها ههههههه
شرحها مره كويس و تعطي محاضرات من اول يوم و ايام الاختبارات نظاميه يعني

[Sona12]

انا كنت خطة ب بالشرفية
الإحصاء كنت عند هناء صقر الله يسعدها كويسه محظوظه اللي حتكون عندها غير انو ترد ع الإيميلات وتساعد كثير وتراجع
الكيمياء كنت عند ريما الحارثي امّم نوعا ما كويسه يعني كل شخص ولو وجهة نظر بالشرح بس انا ما كنت أفضل اسلوبها بالشرح بس الكويس انو ما تأخذ الوقت الكامل للمحاضرة😊 بس سحبت علينا بجزء ما شرحته وتورطنا يوم اختبار القاينل قالتلنا انو حتكملوا بالمراجعة وغابت يمكن جاها ظرف بس الحمد لله عدا ع خير 😌
الاحياء كنت عند استاذة مصرية اسمها حنان يعني الاحياء حتى لو استأذتك ما تفهمي منها بالنهاية حيعتمد عليك أستاذتي كانت مرات تشرح مرره تمام وتفهمي منها ومرات لا

[Maha!]

خطة أ، الشرفية

الرياضيات: كنت مع رانيا الغامدي كويسة الحمدلله، بس في السكاشن اللي تبغى تمشي معاها لازم تحل تمارين السكشن من البيت وتجي تسأل الاستاذة بس، لانها تحل بسرعة بدون ماتشرح.
لكن الافضل عواطف الجدعاني انا كنت احضر سكاشنها مره كويسة وتحل باكثر من طريقة.

الفيزيا: كنت مع ليلى جعبور مرررره كويسة ربي يسعدها.
وبشكل عام كل دكاترة الفيزيا تقريبا كويسين.

الحاسب: كنت مع حنان نديم كويسة برضو بس تجيب النوم 😅 لكن اذا عندك سؤال تجاوبك ماتطنش.
الحاسب يبغاله مذاكرة بتركيز خصوصا في النظري هو صح سهل بس لا تتطمنوا بزيادة، حتتعبون في جزئية الدوري الاول بس والباقي اقل.

مهارات الاتصال: كنت مع اسماء العمري مره كويسة الله يسعدها وتحسيها متحمسة وهي تشرح وتحمسك معاها عندها معلومات حلوه، وبالنسبة لطريقتها مره كويسة ماتحسسك انها استاذة كانها بنت زينا ❤️ وماهي شديدة مره في التكاليف تتساهل شوووووووي بس شوي لكن احسن من غيرها.

ووبس الله يوفقنا اجمعين ❤️

[Raghad naif]

السلام عليكم ورحمة الله وبركاته ..

انا خطه أ في السليمانيه


.. رياضيات ..
كنت عند ( هدى افندي ) كويسه جدددا ومرات تعطيك مفاتيح اجوبه تجنن وتسهل عليك الحل بدال ما تحلين حل مطول تعطيك حل مختصر وسهل بس مشكلتها حاجتين , اول شيء اذا ما عندك اساسيات الماث بيكون صعب شرحها عليك لانها تحسينها تتكلم مع ناس اكثر بروفيشينال في اساسيات الماث يعني مثلا تنقز فقره بالحل وانتي تستغربين كيف مثلا جابت هالحل ويطلع انها ظربت وطرحت ووحدت المقامات ومن الكلام بعقلها وكتبت الناتج النهائي ع طول والعيب الثاني الي فيها انها جدددددا سريعه مرااا تحسون المعلومات فوووق بعض اذا طبعا ما تذاكري اول باول زيي >_<وراح تحوسي في الدوريات وتضطري تجيبي ملخصات تشرحلك اول وجديد 😭 بس عموماا هي كويسه وكثييير بنات حولوا من دكتوراتهم الى دكتوره هدى 👌 :)



.. فيزياء ..
كنت عند ( ريم درويش) الحرمه هذي اخلاقها تجنن تجنن تجنننن بكل ما تحمله الكلمه من معنا ربي يسعدها 😍 وشرحها اممممم وهذا المهم طبعا 😎 تحاول وربي توصلك المعلومه صح وباسهل طريقه بس مشكلتها مرات لما تحاول توصل المعلومه لبعض البنات الي ما فهموا من اول مره تخبص المعلومه الي وصلت للبنات الي فهمون من اول مره 😁 فلو فهمتي من اول مره حاولي تصكري اذنك اذا عادت شرح نقطة معينه من جديد ، ومهم جدددا مع استاذة ريم درويش انك تجلسي قداااام ع الاقل اول ثلاث صفوف تحسين المعلومه تجي صح واسرع ههههه ندري ليش بذاات مع هالاستاذه ،، واذا اساسياتك في الفيزياء سيئه هي راح تمشي معاك حبه حبه لين تتقنينها :)



.. الحاسب ..
كنت عند (اريج الصاعدي) جدددا خلوقه وطيبه ما شاء الله عليها وشرحها كويس جداا وتفهمك من اول مره ما يحتاج تعيد وتزيد اذا كنتي مركزه معاها ،، وما تعطي واجبات وتتعب بناتها ابببدا زي باقي الاستاذات 😎 و تساعد كثييير في اختبارها العملي ربي يسعدها :)



.. مهارة اتصال ..
كنت عند ( ساره الزهراني صراحه ناسيه اسمها بالزبط اذا ساره او لا بس انها الزهراني :/ ) اممممم ابدا ما ارتحت معاها وكلاسها جددددا ممل و كثييييير تأجل المحاضرات يعني لازم اسبوعيا تأجل محاضره فيه و لكيعه في تقديم العروض و التكاليف ما تعلمك عنها وتستلمها الا في نهاية السمستر لما كل الكلاسات تخلص ،، يعني تخلي التكاليف بعد ما نخلص كل المنهج , بس هو عموما المهارات سهل وما يحتاج تخافين منه اذا كنت مع اي دكتوره :(



وبالتوفيق للجميع ^_^

[خديجة العيدروس]

السلام عليكم , خطة ب

الإحصاء : كنت عند أ. عبير بالبيد ماشاء مممرا كويسة وعادي تسأليها في أي وقت وترد على الايميل وكمان قبل أي اختبار تعطينا محاضرتين مراجعة
أهم حاجة أول بأول تزاكري ومصادرك الكتاب ونمادج الاختبارات والوورك شيت

كيمياء : د. أمل باصالح مااعرف في بنات مايفهموا معاها أنا كنت أمشي معاها بس لازم أرجع اراجع لوحدي وأحل التيست بانك مااحس المعلومة تدخل على طول معاها بس ماتقصر أبدا ازا سألتيها أي سؤال وتعطي أساسيات وماتمشي بسرعة فكويس . تزاكري هنا بس السلايدات والتيست بانك السلايدات كنت أزاكر من سلايدات د. ليلى الحربي والتيست بانك مممرا مهم لازم شابتر بشابتر لانه احيانا فيها افكار غير موجودة في السلايدات وتجي منها في الاختبار

أحياء : د. أمل الضبياني كويسة وأحيانا تجينا د. حنان الشا>لي ازا ماحضرت دكتورتنا . هنا مصدرك بس السلايدات

بالتوفيق جميعاً