زملائي المستوى االرابع و ورث المستوى الثالث

[ام حمدان]

المشاركة الأصلية كتبت بواسطة سليمان عبدالعزيز السلام عليكم اخوي اللورد صباح الخير ,,, نزل جدولي كتالي : ثقافة اسلامية 3 , ريدينق 1 , فرنسي 1 , كتابة 2 , الاستماع والتحدث 2 ((مقدمة في الادب)) بكل اسف حملت الريدينق 1 والفرنسي 1 والان نزلوا لي في الجدول ,, لكن نازل لي مادة من المستوى الخامس اللي هي مقدمة في الادب !! وهذي شكلها صعبة , هل اقدر احذفها ؟ وهل عندك اقتراح لجدول لي علماً بأن معدلي الحالي 3,82 انا حطيت جدول مبدأي اللي هو الاستماع والتحدث 2 , ثقافة اسلامية 3 , فرنسي 1 , ريدينق 1 ,, هل هذا الجدول مناسب ؟ مع انه 4 مواد فقط ,,, شاكر لك مقدماً

مقدمه في الادب المفروض تآخذها بعد ماتخلص ريدنق 1و2
لذلك يفضل تحذفها وتفرغ لموادك الي مفروض تدرسها الان
وليه مو كاتب رايتنق1 او2 ولا انت ناوي تأجلها ؟ ولانسيت تكتبها ؟
عموما لو ناوي تأجلها
اقترح جدولك يكون كالتالي:
ريدنق1-فرنسي1-ليسننق2-ثقافه301-مبادئ اداره عامه او عربي201 او الاثنين مع بعض

المشاركة الأصلية كتبت بواسطة الدكتور1 نزلت لي مادة مناهج البحث من عندهم مالي شغل وكمان نزلت لي مادة 213 الكتابة لاني ماحضرت الاختبار السوال هل احذفها وادخل الاختبار البديل او لازم تكون في الجدول عشان اختبرها نقطه ثانيه بخصوص مادة مناهج البحث (( وش هذي الماده )) وش تتكلم عنه بضبط

جاوبك الاخ ابو الاء والجواب موجود عندك في كشف الدرجات كل شي موضح اسفل الجدول

مناهج بحث
ماافضل تآخذهاالان ركز على الي مفروض تآخذه الان من مواد البيسك واترك هالماده للمستوى الخامس لانه المستوى الي مفروض تآخذها فيه
والنظام عندكم صراحه عشوائي جداً وغريب كيف ينزلكم مواد قبل متطلباتها واحنا يعقدنا ومايسمح لنا بإضافة شي له متطلب

عموما مناهج بحث تتكلم عن خطوات البحث والتوثيق وخلافه تقدر تزور قسم الملخصات وتشوف كل مانزل عنها وتلقي نظره سريعه عليه وتعرف محتواها
تفضل هذا رابطها في قسم الملخصات كل الروابط الي تخص الماده تجدها تحت الرمز 331
http://www.skaau.com/vb/showthread.php?t=32443

بالتوفيق

[LORD.401]

اخو سليمان...
حياك الله واسأل الله ان يوفقك.
معدلك ماشاء الله طيب ..
بالنسبه لجدولك اقترح تسجل مادتين حره...
انا درست 221 السيره النبويه والخلفاء الراشدين مادة سهله ان شاء الله تجيب فيها a
وكمان سجل ماده حره مثلا فن الاقناع
طبعا بالاضافه الى المواد الى انت كتبتها الثقافة والاستماع و الفرنسي و الريدنق ..
يعني راح يكون عند 17 ساعه ..
نصيحه ادرس المواد الاسهل في الاسهل ... لان a في المستوى الخامس مثلا افضل من a في المستوى السابع
انت عارف رفع المعدل يصعب مع تقدمك في الجامعه.
نصيحه(النجاح تراكمي ... يعني جمعك لمعلومات عن المواد نجاح .. حضورك الدروه نجاح ..متابعتك للمنتدى نجاح...شراءك للكتب بدري نجاح.. والاهم دعاءك الله ان يوفقك اكبر نجااااااااح)


وك

[LORD.401]

(وك) في اخر شي ما ادري من وين طلعت هههههههههههه

[سليمان عبدالعزيز]

المشاركة الأصلية كتبت بواسطة lord.401 اخو سليمان... حياك الله واسأل الله ان يوفقك. معدلك ماشاء الله طيب .. بالنسبه لجدولك اقترح تسجل مادتين حره... انا درست 221 السيره النبويه والخلفاء الراشدين مادة سهله ان شاء الله تجيب فيها a وكمان سجل ماده حره مثلا فن الاقناع طبعا بالاضافه الى المواد الى انت كتبتها الثقافة والاستماع و الفرنسي و الريدنق .. يعني راح يكون عند 17 ساعه .. نصيحه ادرس المواد الاسهل في الاسهل ... لان a في المستوى الخامس مثلا افضل من a في المستوى السابع انت عارف رفع المعدل يصعب مع تقدمك في الجامعه. نصيحه(النجاح تراكمي ... يعني جمعك لمعلومات عن المواد نجاح .. حضورك الدروه نجاح ..متابعتك للمنتدى نجاح...شراءك للكتب بدري نجاح.. والاهم دعاءك الله ان يوفقك اكبر نجااااااااح) وك

اشكرك شكراً جزيلاً اخوي اللورد على نصيحتك ونشاطك في المنتدى وفقك الله

لكن كيف اضيف مادة السيرة النبوية 221 وهي غير موجودة في الخطة الدراسية ؟ ونفس الشئ مادة فن الاقناع ؟ ومادة مبادئ الادارة العامة اللي في المستوى الخامس في الخطة الدراسية وش قصتها سهله ولا صعبة وهي بالعربي ولا الانجليزي ؟؟ وبرايك لو احذف الرايتينج 2 واخليها للمستوى الخامس وفوق افضل ؟
يعني راح يكون عندي نص المواد مالها دخل بالانجليزي , ثقافة اسلامية 3 , السيرة النبوية , فن الاقناع ؟!؟! وكيف يعني مادة حرة ؟

وتحياتي لك

وك هههههههه هذي خلها كود بيني وبينك

[الشاطر66]

السلام عليكم ورحمه الله وبركاته
اخوي سليمان نفس الجدول معاك بس ماده الفرنسي لم يحسم امرها وانا ارسلت اليوم للدكتور الغامدي للاستفسار كيف ما رصدت النتيجه وكيف تنزل معانا في الجدول المهم ان شاء الله لو رد برجع اكتبلك هنا والله ييسر الامور بالنسبه لمقدمه في الاداب الافضل حذفها وتبديلها بماده اسهل لحين ميسيره والله يوفقك

اخوك ابو عبد العزيز

[الدكتور1]

يناس رتبو لي جدولي
المتطلبات
ريدينق 212 و رايتنق 213 والاستماع 214 وفرنسي 2 والثاقفه الاسلاميه
وش اضيف

[MoLaR]

الدكتور اضف مادة حرة و يصير جدولك تمام
ريدنق 1 >> 3 ساعات
الاستماع 2 >>>>> 3 ساعات
فرنسي 2 >>>>>> 3 ساعات
الثقافة الاسلامية 3 >> 2 ساعة
مادة حرة سهله >>>>>> 3 ساعات
المجموع >>>>>> 14 ساعة

عندك مشكلة بهالجدول ؟
تقدر تاخذ هالترم مادة اضافية على الجدول المقترح
لكن أحسب حساب الاختبار البديل للرايتنق 1 >>>>>> 3 ساعات

ما له داعي تضغط نفسك وتنزل 6 مواد بالجدول ومع الرايتنق تصير 7 هالترم .. الخوف ما تعطيها حقها من المذاكره و يتضرر معدلك بدل من ان يرتفع .. اقول ممكن و لا المسألة راجعه لاجتهاد الشخص




هل درست مواد حرة من قبل ؟
وهل عديت الثقافة 2 و اللغة العربية 2 الترم الماضي ؟

[VicToR]

الدكتور .. افادتك ام حمدان بالجواب الكافي.. توكل على الله واضف مادة حرة سهلة ترفع المعدل
وانا اشوف غالبية الاعضاء يمدحون في مادة السيرة النبوية والخلفاء الراشدين وفن الاقناع عند الدكتور انمار

مولار.. جابك الله

المادة الحرة اللي اخذتها الحروب الصليبية او تاريخ العلوم ماني متذكر والله.. بشر كيف سويت فيها ؟
وهل هي مادة دسمة فيها حفظ كثير ولا ان شاء الله ترفع المعدل ؟

لاني محتار ايش اخذ مادة حرة

[MoLaR]

المشاركة الأصلية كتبت بواسطة victor مولار.. جابك الله المادة الحرة اللي اخذتها الحروب الصليبية او تاريخ العلوم ماني متذكر والله.. بشر كيف سويت فيها ؟ وهل هي مادة دسمة فيها حفظ كثير ولا ان شاء الله ترفع المعدل ؟ لاني محتار ايش اخذ مادة حرة

هلا بك عزيزي فيكتور

الترم الماضي اخذت مادتين حرة بدلاً من مواد التخصص وذلك لأسباب مريت بها

اخذت مادة الحروب الصليبية عند الدكتور عمر محمد يماني

ومادة تاريخ العلوم العربية والاسلامية عند الدكتور محمد الطاسان


مادة الحروب الصليبية تكلمت عنها امس لاحد الشباب

راح انسخ لك ما كتبته عنها

انصحك تنزل الحروب الصليبية من قسم التاريخ اذا تحب التاريخ المادة رائعة وممتعة جداً انا ذاكرتها ليلة الاختبار و ذاكرت من ملخص حوالي 50 صفحة في المنتدى و ما قربت من الكتاب المقرر الحمدلله جبت 88 بسهولة و الدكتور عمر يماني الي عنده الماده شخص قمة في الاخلاق و التعاون مع الطلاب كيف لو تذاكرها انت من الآن .. راح تجيب 100 بالراحة و انا لو شديت حيلي كنت جبت الدرجة كاملة لكن غلطتي ما ذاكرتها من بدري لظروف خاصة و الي صار معي اني تعبت من الاسماء و التواريخ و ضغطت نفسي في ليلة وحده بمذاكره هالمادة لكن رغم هذا كنت مستمتع في مذاكرتها لانها ماده حلوه وممتعة كأنك تشاهد افلام حربية قديمة و تعيش الجو الي كان :)

مثل ما قرأت اخي فيكتور
المادة ممتعة ورائعة و انصحك تنزلها اذا ظلت مع الدكتور عمر و المنهج نفس السابق
مذاكرتها ممتعه و استمتع بها من بدري و اظمن لك 100



اما المادة الثانية
تاريخ العلوم العربية
ابعدوا عنها
الي شاع عنها انها اسهل ماده و انها لرفع المعدل وكلنا نقراء عنها من سنتين انها سهله و الدكتور متعاون و ما يقصر مع احد لا بالاسئلة ولا بالتصحيح
لكن الترم الماضي حدث العكس .. كانت هالمادة أكبر مقلب اكلناه
ولو تشوف حال الطلاب بعد الاختبار
الاسئلة جابها الدكتور الطاسان من بين الاسطر و بشكل معقد جداً
حتى لو انت متأكد من اجابتك يوسوسبك و يخليك تجاوب غلط
كانه كان يبي يخلي الطلاب عبره لغيرهم عشان ما احد ينزل الماده حره
و الظاهر انه زعل من كلام الطلاب انهاماده لرفع المعدل وسهله جداً
فاشتغلنا شغل في الاختبار الله لا يوريكم
لدرجة اني خرجت من الاختبار متوقع اني راح ارسب
بس الحمدلله عديت وجبت 80 ووانا الي بالاساس منزلها على اساس اسهل ماده وناوي على 100
بس الحمدلله على كل حال و الله يسامح الدكتور الطاسان




موفق حبيبي
طمني عن نجاحك بموات التخصص
كيف النتائج ؟

وفقك الله

[LORD.401]

سليمان..
المواد الحره تروح للشؤون التعليميه وتضيفها..
كل ترم ينزل قائمة بالمواد الحره الممكن تسجيلها...
ليست موجوده في الخطه الدراسيه للقسم ...
لازم تدرس مادتين في اي مستوى انت تبغي ..
انا انصحك تدرسها في المستوى هذا ...