افضل طريقه للمذاكره لطلاب الانتساب والتعليم عن بعد

rami.saad · #1 13-05-2011, 02:46 PM

السلام عليكم ورحمة الله وبركاتة

طبعاً الاختبارات قربت وكل واحد محتار كيف ؟
ابداء باي مادة ؟
اذاكر من الملخصات او من الكتاب او من الاسئله ؟

عندي لكم طريقه حلوة وانا عن نفسي مره نفعتني وان شاء الله تنفع معاكم نقرتين لعرض الصورة في صفحة مستقلة

اولاً - نشوف كم يوم باقي على الاختبارات .... يعني لو باقي 18 يوم مثلا طبعا الوقت قليل والمفروض تكون بدات من قبل شهر من الاختبارات لكن ما علينا نحسب على 18 يوم

نشوف عندنا كم مادة ..... مثلا الخطه (أ) اربع مواد .....
1- مهارات تفكير 101
2- مهارات اتصال 101
3 - لغة انجليزية 101
4-احصاء 111 نقرتين لعرض الصورة في صفحة مستقلة

الان نقسم الايام على المواد حسب ما انت تشوف ايش كل ماده تحتاج منك من ال 18 يوم

مثال انا عن نفسي اشوف ان التفكير 3 ايام كافي والاتصال 3 نفس الشي والانجليزي 3
المجموع 9 ايام والباقي 9 نعطي الاحصاء 7 ايام وباقي يومين للمراجعة قبل الاختبار حسب الجدول حق الاختبار ....... والافضل تعمل جدول بهدا الكلام محدد فيه التاريخ للبداء في كل مادة والانتهاء ......

الان نرتب المواد حسب الاسهل ثم الاصعب ونبداء بالسهل .. اتصال --- تفكير --- انجليزي --- احصاء طبعا يختفل من شخص لشخص وخلينا الصعب في الاخير عشان مما تمر فتره طويله قبل الاختبار وننسى
بعد كده تنزل من النت من الموقع هدا طبعاً شويه ملخصات ( يفضل كل واحد يعمل ملخص لنفسه )وشويه اسئله حق الاختبارات السابقه وكم محاضره سنترا ....

بعد كده نبداء المذاكره نقرتين لعرض الصورة في صفحة مستقلة

نبداء من الكتاب نقراء الكتاب لاني قريت كم ملخص ولقيت المخلص بس يقدر يفهم منه الي كتبه لعدم احتواى الملخص على الامثال والشرح الكافي طبعا
نقراء من الكتاب ونقسم الكتاب ( نشوف الكتاب كم فصل مثلا التفكير 4 فصول نحاول نخلص فصل ونص في اليوم ) وبعد القراءة نمسك الاسئله ونقيم فهمنا ونشوف اذا لقيت نفسك تحل يعني انت تمام وكنت تقراء وانت مع الكتاب مو مع المطبخ نقرتين لعرض الصورة في صفحة مستقلة

بعد كده تقدر تراجع من الملخص قبل الاختبار بدون ما ترجع للكتاب .

هدا باختصار بعض من طريقتي في المذاكره وان شاء الله تنفع معاكم

تحياتي والله يوفق الجميع