جـنــوـوـون الـوقــت!

[شــفــافـــة]

كم لي وانا عد الثواني وانتظر؟!
غابت سنين وبقت لي دقايق
كم لي وانا ارجي حلم يحتضر؟!
مقدر انسى ... ولا اطفي به حرايق..


ماهو صحيح الوقت يخون
بس الزمن هذا عجول
يستعجل الفرقا لنا ... وننسكب باقي ظنون
من كاسة أوجاعه

آه يامرّ الليالي في غيابك
آه ياقسوة رحيلك على عقرب الساعه
الّي لبست ثيابك..
وماقدرت أعرّيها ..في غيابك
رغم الألم فيها... استحيت
عيّا علي الوفا ... انزعها لو جنّيت!


آه ياقسوة رحيلك على عقرب الساعة
كل ليلة يركض للساعة {...سبـعـة...
ومانلتقي
وينتظر لـ ثاني يوم ويسابق بطاعة
ولا يشتكي ...لو مالتقينا
بس ينتظر... يمكن يحن اللقا ويجينا!!!


وش أخبار الحزن وياك؟
حدي حزين...
وش اخبار الألم وياك؟
كلي حنين...


مااظن ان الدقايق بتحس فيك
انت تطاوع؟.. ولا هي تمشّيك؟!!


هذا وانت عقرب في ساعة
كيف انا ... وانا احساس ودم؟!
ويش اسوي ... دام الي انترك لي هم؟!!
وذكرى وجع ... وأشواق يسكنها ندم!

كل يوم التقي به الساعه {...سبعه...
وقبل لا يجيبه الوقت..... احتريه!
وادري ان الليله صعبة
جنون الوقت.... شوقي يغذية
ويستلذ بعذابي
مدري أنا أخطيت ؟... ولا يلعب باعصابي؟!
وادري موعود بهمومي بس أكابر
ويهمس العقرب للدقايق
يمكن يلتقون...مسكييييييييين قلبه حرايق
وانا صابر!

واعد الثواني وانتظر!!

وارجي حلم يحتضر!!


نفسي أعرف وش شعور اللي يعيش
وقلبه ينبض
واللي يحضن حبيبه بطيش...؟!
وش بتخسر لو تجرب ... وترحم الساعة
ولو غرها جرحي وأبتّ
بسرق الوقت!!!
لذة جنونه ....(موعد)


.



.



.



... يصير اشاعة !!!



ماقدرت انزع ثيابك و اتمرد على وقتي
واجتث ساعة
... امحيبها شوق وحزن
وذكرى وطن...غاب وترك لي شعاعه
يمكن لأني نقشت الوفا حرف على قلبي
ويمكن انه طباعة!






بس الأكيد ان اللقا أصبح اشاعة ! ! !

[عباطة]

ياسلااام يابت ياشفافة ..... كل ذا عشاني ؟؟ أوعدك كل شوي وأنا ناقز بيتكم خخخخخخخخ

............ يسعدك كلمات ولا أحلى

[ماجد ابن مرزوق]

تسلمي اختي على كلامك الجميل والرائع

[هذيان]

مذهـــــــــــــله ... !

قرأتها مرتان ... أحسدك على الجرئه .... لكن هنا حقا .... لا مكان لا زمان ... !

هنا كنتِ أنتِ و أحرفك ...كنت جميله بجمالها ... و شفافة حقا بشفافيتها و وضوحها ... و صدق مشاعرها و حقيقة تأثيرها علينا نحن المتلقين ... !

أعجبني ...

آه ياقسوة رحيلك على عقرب الساعه
الّي لبست ثيابك..

هذا وانت عقرب في ساعة
كيف انا ... وانا احساس ودم؟!

مذهله ... !

[شــفــافـــة]

عباطة.... يازينك وانت في بيت اهلك :)
ماجد .....اشكر لك مرورك


هذيان...كالعادة مرورك اللطيف يربك حروفي!

[سمية السلمي]

آه يامرّ الليالي في غيابك آه ياقسوة رحيلك على عقرب الساعه

روعة كلماتك نابعة من انسان حزين

اشكرك شفافة
في انتظار جديدك

[شــفــافـــة]

تسلمي خيتووو

[* تركي *]

حُروفكِ تُحآكي مينآء بِلآ شَآطئ ، كـَ الإِنتظآر بـِ لآ ثَوآنِي ..، وَ كأن لحظآتكِ مُزِجت بـِ مآءٍ وَ طينْ رَخماً ثَقيلآ ..

وَ رغم كُل ذَلك ، يَبقى شِعآرُ اليَقينْ لـِ القدرِ وِشآح ، يُرفرف ، فِي كُلِ حينٍ يَتبآعد البعد أَكثر .. }

/

مِن أَروع مَآ كَتبتِ

[شــفــافـــة]

ليس صعباً أن ننتظر

لكن الصعب هو تسلل اليأس إلى الساعة!

أشكرك تركي

إشادتك وسام يشرفني

[K.O.R.T.I]

ابداع ولا غير الابداع شيء


يديك العافيه